Egesieri 14
Amang’ana y’Omotoria akagenderera – – Amang’ana y’ogokonya ase omoganda – – Koreng’ania na Matheyo 7.
1. Na bono egaika engaki ekero yeso akorire gokwana amang’ana aya agaonchoka naende ase omoganda, na gokwana ase bare naende nagoteba ng’a: Ekeene, ekeene nabatebirie, timogambia, erinde nario motache kogambigwa.
2. Na manya ng’a kende gionsi mokonacha nakio maranacherwe; na keria mokorengera nakio morache korengerwa.
3. Na ninki gekogera mokorigereria ekeogoto kere ase amaiso y’oyomino, korende otaramanya omokorogoto ore ase erisa riao?
4. Gose inaki oranyare kobora ase oyomino: Tiga indusie ekeogoto kere ase eriso riao – – na rigereria, omokorogoto nigo ore ase eriso riao?
5. Inwe abang’ainererie, karerusia omokorogoto ritang’ani ore ase amaiso aino; nario moranyare korigereria buya na korusia ekeogoto kere ase eriso rioyomino.
6. Na timoa ekere egechunu ase chisese, gose chiruru ase chinyoni, erinde chinyare gochitiringa na amagoro abo, na nagonchoka naende na kobakobesa.
7. Saba inamoegwe; rigia inamonyore; tura inamoigorerwe.
8. Ere oria okoboria nkonyora are; na ere oria okorigia nkonyora are; na oria ogotura nkoigorerwa are.
9. Inee monto ki erinde omwana oye aramosabe omogati amoe rigena?
10. Gose onye ogosaba enswe amoe eng’iti?
11. Onye imore abanyabibe, momanya buna mokoa abana baino ebiegwa ebiya, inee inaki erabe ase Tata oino ore igoro arabe okorwa ebinto ebiya ase baria bakomosaba?
12. Aseigo ebinto bionsi moraganie abanto babe bakobakorera bakorere boigo nainwe, ekiagera oko nogochika na obobani.
13. Soa inwe ase egeita ekegote; ekiagera egeita ekegare na enchera engare nigo ekoraa gochia ase ogosaria, ase abakoyegenda.
14. Ase engecho egeita ekenyerere na enchera engote nero ekoraa gochia ase obogima, na nabake abakoyesoa.
15. Erende namababani y’oborimo, baria bagocha ase more beboetie amarionya y’eching’ondi korende ime yabo nigo bare chinyang’au.
16. Imobamanye ase amatunda abo. Inee abanto kogesa bare ebigara bire namagwa gose omoko ore namaara?
17. Naboigo kera omote omuya nigo ogosokia amatunda amaya; korende omote omobe nigo okoreta amatunda amabe.
18. Omote omuya tori koreta amatuma amabe, gose omote omobe tokoreta amatunda amaya.
19. Kera omote oria otari kwama amatunda amaya nigo okobutorwa, na kobekwa ime ase omonero.
20. Aseigo, ase amatunda abo imobe mokobamanya.
21. Tari bonsi baria bagoteba ng’a Omonene, Omonene baranyare gosoa asee oborworiti bwa igoro; korende oria ogokora koreng’ana nokobua gwa Tata ore igoro.
22. Abange mbantebie rituko riria ng’a: Omonene, Omonene, ntotabanete ase erieta riao, na ase erieta riao togaseria ebirecha, na ase erieta riao togakora amakumia amange?
23. Nainche nimbairanerie imbore ng’a timbamanyeti karwe ase inde; inwe aba abakori ebibe.
24. Aseigo onde bwensi orabe okoigwa aya onsi nakwanire na koyakora nimobwekanie omonto omong’aini oria oagachete enyomba yaye ase egetare.
25. Na embura enene egacha na omogoko omonene na emoubera na okagwera enyomba; na tiyagwa, naboigo ekeba ekonyorekana igoro ase egetare.
26. Na onde bwense orabe okoyaigwa amang’ana aya ane na tayakorena nigo arareng’anigwe omonto omoriri, oagachete enyomba yaye ase amaraba –
27. Erio embura egacha ere nomogoko, na omoubera omonene ase enyomba; na ekaba ekogwa, na amanene nigo yabete ekogwa.