1. Na nabatebirie, ekero Omonene ararore ng’a mbuya, ase chisemi chiaye, na enkwana eye neche ase abanto bebisaku koreng’ana nering’ana riaye na erio imomanye ng’a eira eria Tata abegete amo nabana ba Israel, igoro yokoborigwa kwabo na koyeira ense koba obomenyo bwabo, bono yachakire goikerana.

2. Nabo morabe momanyete amang’ana y’Omonene, aria akwanetwe nababani abachenu, nabe onsi agoikeranigwa; na timoteba ng’a Omonene otebanire gocha ase abana Israel.

3. Na timorengereria ng’a amang’ana akwanirwe nigo are bosa, korende manya ng’a Omonene nabe okoinyora eira yaye abegete ase abanto baye be nyomba ya Israel.

4. Na ekero mokorora amang’ana aya agocha ase more, na timokogania gokora amakoro y’Omonene, ekiagera omoyio oye bwekeene nigo ore ase okoboko kwaye gwokorio; na ase rituko erio onye mogotiga amakoro aye nabe ogotiga mobe ase okobua;

5. Oragererigwe ere ogosaria amakoro a Nyasae; oragererigwe ere oria orange Kristo na emeremo yaye!

6. Oragererigwe ere oria orakane okomanorerwa kw’Omonene, naya Omonene natebe ng’a aya takoririe nokomanorerwa, gose ase obobani, gose ase ebiegwa, gose ase chimeme, gose ase okobwenigwa, gose ase chinguru chi’Omoika Omochenu.

7. Na aragererigwe ere oria oratebe ng’a anyore obobui ng’a bikone tibiyio biakoretwe na Yeso Kristo; aseigo oyorakore aya nanyare koba buna abana bomosaria, ase are amabera taiyio, koreng’ana nering’ana ria Kristo!

8. Na timogania chisibuni, gose (spurun), gose chigosorio chia abayaudi gose kende gionsi ase abatigari ba Israel; rigereria Omonene nigo ainyorete eira yaye ase bare, na nakore bo ase bare koreng’ana buna arwete.

9. Aseigo timogania ng’a imonyare koirania okoboko gwokorio kwa Nyasae koba okobee, ng’a nario atarwe ekina ase ogoikerania eira eria abegete ase bare enyomba ya Israel.