1. Erio ekaba egoika koreng’ana namang’ana aito, na tokomanya ng’a amang’ana aya nayekeene, nigo arenge omonto omochenu ogachete amang’ana aya – – ekeene aya akanyara gokora ebikone ase erieta riaye Yeso; na onde tarenge otare gokora ebikone ase erieta ria Yeso –

2. Erio egaika, omonto oyo takora komocha konde gwonsi ekero are komanya engaki yaito, ekero emiaka emerongo etato ekaba egoeta.

3. Erio abanto bakaba bagotegerera na korora ebirage biria biarwetwe na omobani Samuel omolamani, ase engaki enke omosunte nobe ase egeka kiamatuko atato ase ense eria.

4. Erio ogotegena gokaba aroro na okwemurungania ase abanto, erio ebikone ebinge bikaorokigwa.

5. Erio ekero kiomwaka ogatato na oyokane, ase omotienyi omotang’ani, ase rituko riakane ase omotienyi oyo, erio ritaturi rigacha ritana kororekana ase ense eria.

6. Na boigo gokaba ogokumia okonene ase omotengecho; na chinkoba chinene echio chianyegeretie ense engima buna chiria chitagete gwatanana ense eye.

7. Na chikabao chinkoba chiokomesa okonene, echio chitanya kororekana nakomanyekena ime ase ense eyio yonsi.

8. Na omochie o Zarahemila okaba okoyia omorero.

9. Na omochi o Moroni okaba okorimera inse ase chindiba chi’enyancha, na abamenyi bonsi bamenyete aroro bakaba bakorimera.

10. Na amaroba akabekwa igoro ase omochie o Moroni erinde igaria aase y’omochie oria ebitunua binyare koba aroro bire ebinene.

11. Na gokaba ogosareka okonene ase ense eria ya sugusu.

12. Korende rigereria, gokoba ogosareka na okobe mono ase ense ya irianyi; korende rigereria, obosio bwonsi bwense bogaonchorwa, kw’omotengecho na omoubera na chinkoba na okomesa okonene ase ense engima;

13. Na chinchera chinene chikabuneka; na chipara chingiya chigasareka, na aase agaya akaba na amaoromomo.

14. Na emechie emenene ekarimeria na emenge ekaba ekoyia, na emenge egatengecha goika chinyomba chinene chikagwa inse, na obomenyo bogasareka, na aase abwo agatigara are bosa.

15. Na emechie yarengeo yatigarete; korende ogosareka nigo kwarenge, na abange mbarengeo baitetwe.

16. Na mbarengeo bairetwe eroro na ase bachiete onde tamanyeti, gotatiga bamanyete ng’a mbairetwe ase eroro.

17. Na ense yonsi egasareka mono asengencho yechinkoba na emetengecho emenene na okomesa okonene.

18. Rigereria ebitare nigo biatandogete ara kabere, bikabuneka kera aase ense, na bikaba bikonyorekana ebisamunye, na ase ogotandoka okonene igabwe ase ense eyio.

19. Erio ekero chinkoba na okomesa, na emeubera, na emetengecho yense yaera – – ekaira egeka giechinsa isato; eyio yatebekanete na abande ng’a chinsa echio nigo chiarenge chinene na ebinto ebi bionsi nigo biakorekanete ase chinsa isato – – erio omosunto okaba ase ense.

20. Erio egesunte gekaba ekenene ase obosio bwense, na abamenyi barengeo konya bataragwa bakaba bakoigwa omosunte oyio.

21. Erio oborabu mbwaba aroro ase engencho yomosunte nonya netaya, gose ebitaya, gose omorero gotatiga chinko chinyomo, erio oborabu tibwaba nonya ng’ake;

22. Na oborabu bonde tibwaroreka gose omorero gose erioba gose omotienyi, gose ching’enang’enia, aseigo gekaba egesunte ekenene mono ase ense.

23. Erio ekero egesunte ekio kiaira chinsa isato borabu botaiyo; erio okorera okonene gokaba ase abanto bonsi, ase engencho yomosunte oyo na ogosareka gwachete ase bare.

24. Aase ande bakaba bakorera nagoteba ng’a: O onye ndiria twaangamete rituko eri ritaracha, kanga abaminto mbakonyeka kanga abaminto mbakonyeka kanga tibayierete ase omochie oria omonene o Zarahemla.

25. Aase ande bakaigwa bakorera, nagoteba ng’a: O onye ndiria twaigete koangama emechando eye etaracha bono, na kanga Titwabaitete ababani na kobaseria, kanga abababa na abaiseke baito na abana mbakonyeka na gotatindekwa ase omochie oria omonene Moroniha. Na obobe mbware koba obonene.