Scriptures
Egetabu Kia Nephi Ya Gatato 25


Egesieri 25

Amang’ana a Malaki nigo agendererete – – Elija na emeremo yaye – – Rituko rinene na eriogokumia ri’Omonene – – Reng’ania Malaki 4.

1. Korende rigereria rituko ndiike riranyare gwoka buna omorero; na aberori, na baria bonsi bagokora obworo, mbatantanigwe; na rituko erio rigocha ndibasambe bonsi, otebire Omonene bw’emeganda, ng’a tokobatigaria omori gose orosagia.

2. Korende ase more inwe mwoboete erieta riane, Omwana bw’obochenu naimoke ore nokogwenia ime ase chimbaba chiaye; nainue imogende ase are nagokina buna chimori chire ase obweri.

3. Nainwe imobarigererie inse aboro bonsi, ekiagera mbabe ribu inse yamagoro oino ase rituko indabe ingokora aya; otebire Omonene bwemeganda.

4. Yainyore amachiko amusa omosomba one, aria namochigete igaria Horebu ase aba’Israel bonsi ase chinguru na ebina.

5. Rigereria nimotome Elija omobani nyuma y’erituko rinene na eriogokumia ri’Omonene ritaracha;

6. Nere nairanie chinkoro chiabatata gochia ase abana, na chinkoro chiabana gochia ase abaise babo, erio embeo ngocha nagosaria ense ase okoragererigwa.