Yeso Kristo akeorokia bweka omonyene ase abanto ba Nephi, erio buna omoganda ochete amo ase obonge, na akaborokereria; na ase obong’aini obo akeorokia ere omonyene ase bare.
Reng’ania egesieri 11 ase okomenta 26.
Egesieri 11
Tata agateba igoro ya Kristo – – Okobokigwa kwa Kristo gokaoroka – – Omoganda okagania koigwa ogosionorwa kwaye – – Ebatiso egatebwa – – Eriomana, na ogoetana nigo gokanire – – Kristo egetare.
1. Erio omoganda okaba ogocha amo, ang’e na ekalu eyio yarenge ase ense eria entenenku; na bagakumia na goichana oyomo ase oyomo, na kera oyomo kworokia oyonde keria gia korekanete.
2. Na nigo bare gokwana igoro ya Yeso oyo Kristo, oria korwa ase are ebikone biaorogetigwe igoro yogokwa kwaye.
3. Erio egaika engaki ekero bagokwana oyomo ase oyomo, bakaigwa eriogi rikorwa igoro; bakarigereria na tibamanya engencho yeriogi; na tiriarenge eriogi ritindi, gose rinene gotatiga rike erio riachete ase bare na kobakuna, na aase tari atigarete ase omobere atakunetwe; bagakunwa nonya ngoika ase enkoro, na ekagera chinkoro chiabo chigasambeka.
4. Erio naende bakaigwa eriogi na tibarimanya.
5. Naende eriagatato bakaigwa eriogi na bakaigora amato abo koigwa, na amaiso abo nigo arenge are ase eriogi erio; bakaba bakorigereria bokong’u igoro, korwa aroro eriogi rigacha.
6. Rora eriagatato bakamanya eriogi riria baigwete; erio rigateba ng’a:
7. Rigereria Omwana one onwanchwa oyio ingokirie nere, ime ase are nabakirwe erieta riane – – moigwere.
8. Erio ekera baigwa bakarigereria igoro naende; na bakarora omonto ogoika korwa igoro na nigo esogete eganchwa endabu; erio agacha na agatenena egati yabo; na kera eriso ase omoganda oria rikamorigereria, na tibaba nanguru gokwana nemenwa yabo, barabwo ase barabwo, na tibakumia nakomanya bagakaga ng’a nomomaraika oigoro obaorokeire.
9. Erio egaika engaki akoimokia okoboko kwaye nagokwana ase abanto nagoteba ng’a:
10. Rigereria inche ninche Yeso Kristo oria ababani bare goteba orache ase ense.
11. Na rigereria inche nomobaso na obogima bwense; na nanyure egekombe keria ekeroro Tata ang’ete; a namobakire Tata inyimogetie ebibe biense, ebio nachandegete ase okobua kw’Omonene ase ebinto bionsi korwa omochakano.
12. Erio ekero Yeso akora gokwana omoganda bwonsi okagwa inse ekiagera bainyore ng’a amang’ana aya nakwanetwe ase bare ng’a Krito neorokie ase bare ataragenda igoro.
13. Erio egaika engaki Omonene agokwana nagoteba ng’a:
14. Imoka na inchwo ase inde, erinde onyare koyabeka amagoko ao igoro yane, erinde monyare koigwa ebimao biemesumari ase amaboko ane na amagoro ane, nario moramanye ng’a nigo inde Nyasae o Israel na Nyasae bwense engima, na nabeire ingoitwa ase engencho yebibe biense.
15. Erio omoganda okagenda ase are nakobeka amaboko abo ase ebimao biria, na bakaba bakoigwa ebimao biria biarenge ase amaboko na amagoro aye, na nigo bare kogenda oyomo ase oyomo goika bonsi bakaera, erio bakarora namaiso abo na koigwa namaboko abo, aseigo bakamanya ekeene na korika amang’ana aya, ng’a ere nere oria origetwe na ababani, baria barache.
16. Erio ekero bagenda nakorora boka abanyene, bakarera bonsi nagoteba ng’a:
17. Hosana! Ribakwe erieta ria Nyasae ore igoro mono na erio inkagwa inse ya amagoro a’Yeso, na inkamosasima.
18. Erio egaika engaki agokwana ase Nephi (na erio Nephi nigo arenge ase egati y’omoganda) na akamochika erinde anyare gocha.
19. Na Nephi akaimoka na kogenda ase are, na akabeka amaru inse ase Omonene na konyunyunta amagoro aye.
20. Naende Omonene akamochiko atenene. Erio agatenena na kogenda ase are.
21. Na Omonene akomotebia nakoeire chinguru kobatisa abanto aba naende ekero inkogenda igoro.
22. Naende Omonene akarangeria Abanete, na akabatebia nabarobwo boigo; naboigo akabaa chinguru chiokobatisa. Erio akabatebia ng’a: ase obong’aini obo goika mobatise; na koamererania tikoba egati yaino.
23. Ekeene nabatebirie, onde bwensi oraangame ase Omonwa oye na gwancha kobatiswa ase erieta riane, na igoro ase oyo omong’aini imobe mokobatiswa – – Rigereria, goika mogende na gotenena ime ase amache, na ase erieta riane imobe mokobabatisa.
24. Na bono rigereria, aya naro amang’ana morabe mokoyateba, kobarangeria ase amarieta mogoteba:
25. Ase okobua oko ing’eire na Yeso Kristo, nakobatisire ase erieta ria Tata na eri’Omwana na Omoika Omochenu. Amina.
26. Naende monyare kobaineka ase amache, na korwa ase amache naende.
27. Na ekero aya aerire mobe mokobatiswa ase erieta riane; naende rigereria ekeene nabatebirie ng’a Tata, na Omwana, na Omoika Omochenu nigo bare abamo; na nigo inde ime ya Tata, na Tata ime yane, naboigo Tata nainche nigo tore abamo.
28. Na koreng’ana buna nabeire inkobachika goika mobe mokobatisa, na koamererania tikoba egati yaino, buna konya; naboigo koamererania tikoba igoro ya amorokererio ane, buna kanya are.
29. Korende ekeene, ekeene nabatobirie onde bwensi ore nomoika bwokoenena ere tari oyone korende ere nobwekerecha, oyore ise bw’obong’anereria, na nigo agokinia chinkoro chia abanto ase okoba n’obororo, inwe ase inwe.
30. Rigereria, aya tari amorokererio ane, gokinia chinkoro chia abanto koba nobororo mamincha yaino ase inwe; korende aya naro amorokererio ane, ng’a amang’ana anga buna aya atugutwe are.
31. Rigererie, ekeene, ekeene nabatebirie, goika indwe amorokererio ane ase more.
32. Na aya naro amorokererio ane, na namorokererio Tata ang’ete; na nigo inkorwa amang’ana a Tata, na Tata nigo akorwa amang’ana ane na Omoika Omochenu nigo okorwa amang’ana igoro ya Tata nainche; na nigo inkorwa aria Tata achigete ase abanto, kera aase, koangama na konyegena.
33. Na onde bwonsi oregene ime yane, na kobatiswa, ere nakonyeke; na barobwo imbaboire obonda bwa Nyasae.
34. Na onde bwensi otegeneti ime yane, na otabatisiri, imbabe bakogambigwa.
35. Ekeene ekeene, nabatebirie ng’a aya naro amarokererio ane, na nigo inyarusetie ase Tata na onde bwensi onyegenete bwegenire ase Tata boigo; na ase are Tata namworokie amange igoro yane, ekiagera nigo aramotarere amo nomorero na Omoika Omochenu.
36. Na erio Tata naorokie amang’ana igoro yane na Omoika Omochenu nooroki amang’ana ase are igoro ya Tata amo nainche, ekiagera Tata amo nainche, na Omoika Omochenu nigo tore amo.
37. Naende nabatebirie ng’a goika moangame, naboigo koba buna omwana omoke, na kobatiswa ase erieta riane, nabo erabe timokonyora amang’ana aya.
38. Naende nabatebirie, goika moangame na kobatiswa ase erieta riane na koba buna omwana omoke, gose timokonyora obomenyo ase obonda bwa Nyasae.
39. Ekeene, ekeene, nabatebirie, ng’a aya naro amorokererio ane, na oyoraagache igoro y’egetare kiane oagachire igoro ya amang’ana aya, na ebiita bia chanamu tibikonyara gatanga.
40. Na onde bwensi orayatebe amang’ana anga buna aya na koyaikerania ase amorokererio ane, naboigo ogocha kwobobe, na Taagachirie ase igoro y’egetare; korende nigo aagachete igoro ase oboroso bwa amaroba, na ibiita biobobe nigo bigoire rioka konyora aya ekero omogoko ogocha na embeo ekogusa ase bire.
41. Aseigo genda goika ase abanto aba, na koyateba amang’ana aya nabeire inkoyakwana, goika engaki y’omoerio.