1. Na bono abaminto nabatebirie ng’a gotatiga mwaangamire chinyomba chiaino nchisoe ase ogosareka.

2. Gotatiga mwangamire abakungu baino mbarere ase amatuko abo aria bakogonkia; erio imoganie gotama na timokonyora aase mogotamera; aseigo obobe nobwabo baria bare morito ekiagera barobwo nigo barabe abarito gotama; aseigo mbagwe inse na imbasoe ase ogosira.

3. Okoragererigwa kobe ase abanto ba Nephi gotatiga bangamire ekero bararore ebikone ebi namakumia aya araorokigwe ase bare na nigo barabe abachore baye, abanto ba Nephi nabwe asusurete, ase amatuko abo yebibe akaba okobasusura ase engencho abanchete.

4. Korende rigereria abaminto, Abalamani nigo abagechete asengencho ya amakoro abo bagandererete ase ebibe, na asengencho yebibe bia abaise. Na ogotoreka gokabachera ase engencho yokoranderigwa na abanephi; na ase engencho eye Omonene akamenta amatuko abo.

5. Na nigo intagete momanye ng’a chinsemo chinyinge nigo bagokora amang’ana abo na nigo bagotara ase Omonene na komokorera ase okoyarenda amachiko aye na ebina biaye koreng’ana namachiko Amusa.

6. Ekeene nabatebirie chinsemo chinyinge ase ogokora aya na nigo bachandegete okorigia obong’aini moroberio otaiyo ng’a nario barabarete abamwabo ase okoinyora obong’aini bw’ekeene aseigo mbareo abange bagocha nakomenteka botambe.

7. Na rigereria imomanyete, na koba kirori ase are, buna abange bagocha ase obong’aini bw’ekeene, na komanya obwerori bwabanto na okogechia kwa abaise, na kobareta kwegena amariko amachenu, obobani bwa ababani, boria borikire obwe bwabaraete goika ase okwegena ase Omonene, na ase okoangama na koreta ogoonchoka ase enkoro yabo.

8. Aseigo buna abange bachete, mwamanyire ng’a nigo more abakong’u ase okwegena, na ase ebinto biria babegetwe koba abasibore.

9. Na manya ng’a batindekire ebioge biabo biesegi, na bakaba bakwoboa kobimokia ekiagera bamanyete ng’a nigo barakore ebibe; rora nigo boboete gokora ebibe – – ekiagera nigo barabaise kobugwa na goitwa na ababisa babo na tibakoimokia ebioge biabo mamincha yabo, na aya nigo akoregete ase okwegena kwabo ase Kristo.

10. Na bono, asengencho yogotenena kwabo ase okwegena ase ebinto biabo baganeti na ase engencho eye Omonene nabasesenie na komenta amatuko abo –

11. Nababa bakogwa ase ogotegena, Omonene namente amatuko abo, goika engaki eike eria abatata bakwanete, naboigo ase omobani Zenos, na ababani bande abange igoro yokoborigwa ase abaminto Abalamani, naende ase obong’aini bwekeene.

12. Nabatebirie ng’a ase amatuko yomoerio chiira chi’Omonene nchimenteke ase abaminto, abalamani mbabe bakorwa ase emechando eyio baranyore, erio imbabe bakogenda aria naria ase obosio bwense, nakorigigwa na goitwa nagosiarerwa ase ense engima, nabatabwati aase bagotamera, Omonene narore amabera ase bare.

13. Na aya nigo are koreng’ana nobobani ng’a imbabe bakoretwa ase obong’aini, obwo bore obong’ani bw’omotoria, na oyore omorisia Omonene na obwekeene, na kobarwa egati yeching’ondi chiaye.

14. Aseigo nabatebiri, nigo erabe buya ase bare kobua ase more onye timokoangama.

15. Rigereria nabwate emeremo emenene yabeire ekworokigwa ase more, ase baria baonchoranire ase ogotegena asengencho ye chingencho chia abaise na mwarorire ng’a tibanya goonchoranwa ase ogotegena naende.

16. Aseigo otebire Omonene ng’a: Tingotiga kobasiria korende ninkore aya ekere kie’chisemi chiane nebe bo, otebire Omonene: ng’a mbabe bakoirana naende ase inde otebire Omonene.

17. Otebire Omonene igoro ya Abanephi: ng’a onye tibakoangama na gokora okobua kwane nimbe inkobasaria, ase engencho yebibe biabo ase ogotatenena ase emeremo yane emenene naborogetie; na buna Omonene are moyo aya goika abe.