Scriptures
Egetabu Kia Helamani 16


Egetabu Kia Helamani

Egesieri 16

Abange b’Abanephi bagachaka ekanisa – – Na abange bakanga oborori bwa Samuel – – Bakagania komobwata na komosiba – – Agatama na koirana ense yaye – – Amorokorerio a’Nephi ande.

1. Na bono erio egaika engaki abange bakoigwa amang’ana a’Musa ase Abalamani aria akwanete korwa ase enyasi yomochie. Na buna abange banchete amang’ana aye bagachaka komorigia Nephi; na ekero bamonyora bakabiorokia ebibe biabo ase are, natibabianga bare nomoyo ng’a babatiswe ase Omonene.

2. Na buna bangete amang’ana a’Samuel; na koruta amagena ase are korwa ase enyasi, naboigo abande bakaruta chinsara ase are korende omoika nigo orenge nere, erio tibanyara komoaka amagena n’echinsara.

3. Na ekero barora ng’a tibari komoaka, abange bakanyara kwegena amang’ana aye na koirana gochia ase Nephi kobatiswa.

4. Rigereria Nephi nigo arenge kobatisa na korandia okorera ng’a okoangama ase abanto okoorokia ebikore na amakumia ase egati ya abanto nario baramanye ng’a Kristo nache bwango –

5. Nakobatebia ebinto biranyare gocha gocha, erinde nario baramanye na koinyora ekero kiogocha ng’a mbatebetigwe ng’a begene; erio buna abange begenete amang’ana a Samuel bakagenda ase bare erinde banyore ebatiso erio bagacha ase okoangama na koorokia ebibe.

6. Korende abange babo tibegena amang’ana a Samuel; erio ekero barora ng’a tibari komoaka amagena nakomorasa chinsara, bakamotebia omonene obo ng’a: bwata omonto oyo omosibe ekiagera nare kerecha; na asengencho yechinguru chiekerecha chire ime yaye aseigo titori konyara komoaka amagena na komorasa chinsara, moire na komosiba na koba are nere.

7. Erio buna bagania komobwata akeruta inse korwa ase enyasi eria, na agatama korwa ense eria yabo goika ase ense yaye na agachaka korandia na kobana ase abanto.

8. Rigereria kanya taraigwa amange igoro ya Abanephi; na aya nigo arenge ogokonya ase abanto.

9. Na erio ekaera emiaka emerongo etano netato na etano nomo ya obogambi bwa abanachi ebina ase abanto ba Nephi.

10. Erio boigo ekaera emia emerongo etano netato na etano nebere abogambi bwa abanachi ebina, ase abanto abange bagatigara bare ase obworo, na ensemo ende ekomokorera Nyasae.

11. Echi nachio chingencho chiarenge ekero kiomwaka ogatano nagatato igoro ase emerengo etano netato bwobogambi bwa abanchi ebina.

12. Na nigo ogoetana kwarenge ogoke ase abanto gotatiga abanto babete bakoba abakong’u ase ebibe, na gokora aria amabe mamincha ya amachiko a Nyasae, ase omwaka ogotano na gatato na oyokianda bw’okogamba kwa abanachi ebina.

13. Erio ekero kiomwaka okiadna ase obogambi bwabanachi ebina, emereng’anio nigo yabete ekorugwa ase abanto, na ebikone, na amang’ana ya babani akaba agoikoranigwa.

14. Na amaraika akaoroka ase abanto, abanto abang’aini, na akarwa amang’ana amaya ayomogoko; erio amariko agachaka goikerana.

15. Erio abanto bagachaka gokong’ia chinkoro chiabo, onsi nigo arenge ase chinsemo chiabo, bonsi Abanephi na Abalamani na bagatigari bare ase chinguru chiabo na ase obong’ani bwabo, nagoteba ng’a:

16. Ebinto gete nigo bakagerete koba ebichenu; nigo tomanyete ng’a aya onsi aya amanene na amakumia tagoeta, aria akwanetwe.

17. Erio bagachaka kweboria na korengereria egati yabo bagoteba ng’a:

18. Teri ngencho ng’a Kristo nache; onye ekoba bo, na nabe omwana o’Nyasae, Tata oigoro nanche, buna yakwanetwe, ninki gekogera atari kweorokia ere bweka ase tore na ase baria barabe ime ya Yerusalemu?

19. Ninki gekogera atare kweorokia ere omonyene ase ense eye naboigo ase ense ya Yerusalemu?

20. Korende twamanyire ng’a aya nayobworo, aria twabeire tokoegwa na abatata, ase ogotokora tonyare kwegena aria amanene na ayogokumia ayio arabe agoeta, korende tari ase tore, korende ase chinse chiare, chinse chiria totamanyeti; na nigo baratorende batamanyeti, na titokoba birori amo namaiso aito ng’a nayekeene.

21. Na nigo bare abogokora amabe, nagokora amakoro amabe batamanyeti, ayio aranyare gotokora koba abasomba ba amang’ana abo, na kobarigereria gotworokia ring’ana; na nigo baratobeke koba abatotamanyetie onye tokwebeka ase bare, ase amatuko yobogima bwaito.

22. Na ebinto ebinge abanto bakaba bakobirengereria ase chinkoro chiabo, ayio ayabosa; na nigo babete bagochandeka korwa ase Saitani nakobakora koba abanyabibe botambe; akaba ogotara na gotangasa chinkuma ase ense eria ng’a nario arakong’ie chinkoro chia abanto mamincha yaria arenge amaya na mamincha yaria arabe agocha.

23. Na ebikone na amakumia aria arwetwe ase abanto b’Omonene, na ebikone ebinge bakorete, Saitani akaba okoira kera enkoro ase ense eria yonsi.

24. Erio emiaka ikomi na kianda ase obogambi bwa abanachi ebina ase abanto ba Nephi.

25. Na erio egetabu kia Helamani gekaba gekoera, koreng’ana namang’ana a Helamani na abana baye.