Scriptures
Egetabu Kia Moroni 9


Rirube ria-kabere ria Mormoni ase omwana oye Moroni.

Egesieri 9

Egesieri 9

Rirube ria-kabere ria Mormoni ase omwana oye Moroni.

1. Inwe abana bane abanchwa, nigo nabarikeire naende erinde monyare komanya ng’a imoyo inde; korende nigo inkorika ayande ayare ayogoichania.

2. Rigereria, nabeire nesegi enene na abalamani, abwe totabanete; na Acheantusi ogure ase omoyio, naboigo Lurami na Emroni; na bono twabeire togosiria omobaro omonene bwa abanto abachore baito.

3. Na bono rigereria, inwe abana bane, nabeire nobwoba ng’a nigo barabasirie abanto aba; ekiagera bangire koangama, na Saitani nigo agendererete kobakinia ase obotindi n’obororo barobwo ase barobwo.

4. Rigereria, nigo inde omosomba amo nabwe kogenderera; na ekero ingokwana ring’ana ria Nyasae amo n’obwoge nigo bagotengechigwa na koba n’obororo nainche na ekero ngokwana ase obwororo bakong’ia chinkoro chiabo mamincha ya amang’ana aya; ase ayio, inyoboa korende Omoika bw’Omonene ogenderera gochandeka nabwe.

5. Ase obororo bwabo bokorokia ase inde ng’a tibari aboba ase ogokwa; na basiririe obwanchani bwabo barobwo ase barobwo; na nigo barenge nerang’o ya amanyinga na goakana egesiomba botambe.

6. Na bono, inwe abana bane, ase ogotatenena kw’obokong’u bwabo, tiga intwe tokore emeremo n’obong’aini; ekiagera onye togokana gokora emeremo, nigo torabekwe ase ekina; aseigo nigo tobwate emeremo y’okoagacha eema, nario torabue ababisa ase oboikeranu bwonsi, na gotimokia emioyo yaito ase oborwoti bwa Nyasae.

7. Na bono nigo inkorika makeigo igoro y’ogochandeka kwa abanto aba. Koreng’ana n’obong’aini nanyorete korwa ase Amoron, rigereria, Abalamani mbabwate abasibwa abange, abwe barusetie ase omonaro O Sherrizah; na nigo barenge abasacha na abakungu, na abana.

8. Na abasacha na abaise ba abakungu abwo na abana babeire bagoitwa; nabakabarageria abakungu aba chinyama chiabasacha babo naboiigo ase abana bakabarageria chinyama chia abaise; na batari na amache, gotatiga baria abare abake babete batarie.

9. Na ogotatenena kwogosaria okonene kwa abalamani, tiyabete egoetania ase abanto baito ime ya Moriantumu. Korende rigereria abaiseke abange begesaku kia Abalamani bakairwa buna abasibwa; na ekero bakora keria gionsi kiarenge ekieng’e ekiengencho korwa ase bare, na ayio are obotomani na obonyaka –

10. Na ekero bakora aya, bakaba bakobaita ase endamwamu enene, na koyesusura emebere yabo goika bagakwa; na ekero bakora gokora aya, bakayetandora emebere yabo koreng’ana buna ching’iti chiorosana chigokora, ase engencho yogokong’ia chinkoro chiabo; na bagakora aya ase okorama okonene.

11. O inwe abana bane, inaki ase abanto banga buna aba, abwo batari namagenderero –

12. (Na n’emiaka emeke yaetete, barenge bare namagenderero na koba abanto abang’aini)

13. Korende inwe abana bane, inaki ase abanto banga aba, ebirengererio biabo bire ime ase ogosaria.

14. Inaki toranyare kwegena ng’a Nyasae nabe okorusia okoboko kwaye korwa ase ekina mamincha yaito?

15. Rigereria, enkoro yane nkorera ere: Okoragenerigwa ase abanto aba korwa ime ase ekina, O Nyasae, bisa ebibe biabo, na obworo na ogosaria korwa ase obosio bwane.

16. Naboigo, abana bane, mbareo ababoraka abange nabaiseke babo abwo batigarete ime ya Sherrizah; na eyio nensemo eria. Abalamani batairete, rigereria, abasikari ba Zenephi bakairwa na bakairwa na bakabatiga bagotayaya ande onsi ase okorigia endagera na abang’ina abange bakaremerwa chinguru ase chinchera na bakaba bagokwa.

17. Na bono abasikari inde nabwo naboro; na abasikari ba abalamani nigo bare ase Sherrizaha na inche; naboigo abange babeire bagotama gochia ase abasikari ba Aroni bagure ase obobe bwokwerwa kwabo.

18. O ase obobe bwa abanto bane! Tibari n’omoroberio na tibari namabera. Rigereria, nigo inde omonto, na nimbwate korende chinguru chi’omonto, na tinkonyara kwebetereria ase amachiko ane.

19. Na babeire abakongu ase obworo bwabo; na babeire buna abanyabotindi; abatari koegera onde bwensi omokoro gose omoke; na nigo bebegete ase ogotakora amaya kare na kare; na ogochandeka kwa abakungu na abana baito ase obosio bwense eye okwo kobuete kera egento; imeme tichigwatora gose korikwa.

20. Nabono, abana bane, tinkomenya ase obomenyo obo. Rigereria, mwamanyire obworo bwa abanto aba; imomanyete ng’a tibari na boroso bonde bwonsi, na ebirengererio biaetire; na obworo bwabo bwabuire boria bwa abalamani.

21. Rigereria, inwe abana bane, tinkobaegera ase obosio bwa Nyasae goika angete.

22. Korende rigereria, inwe abana bane, nabaegereire inwe ase Nyasae, na nigo inyegenete ase Kristo ng’a goika motoreke; na nigo inkomosaba Nyasae anyare korenda obogima bwaino, koba kirori ase okoirana kwa abanto baye ase are, gose emenchando yabo; naboigo namanyire ng’a goika basire gotatiga baangamire nakoirana ase are.

23. Na onye bagosira nigo erabe buna ekero kia abanto ba Jaredi, ase engencho y’obokong’u bwechinkoro chiabo, ase okorigia goitera amanyinga na goakana egesiomba.

24. Na onye bagosira twamanyire ng’a abaminto abange nigo barairwe ase abalamani, na abange mbairwe ase bare; aseigo, rika amang’ana make, na onye mokoegerwa nainche gosira na timbarora; korende nigo inyegenete ng’a bwango nimbarore; aseigo nigo inde n’amang’ana y’obobisi intagete korwa ase more.

25. Aye omwana one, kabe omwegenwa ase Kristo; na ebinto nakwanire tibikogechia, nagokobeka inse ase amakweri; korende tiga Omonene Kristo akoimokie igoro, naboigo tiga ogochandeka kwaye, na ogokwa kwaye, na okoorokia kw’omobere oye ase abatata, na amabera aye na okoremereria kwaye, na ogosemeria kw’obonene bwaye na obogima bwa kare na kare, bimenye ime yao kare na kare.

26. Na tiga obuya bw’Omonene Nyasae, oyo ekerogo kiaye kere igoro mono, na omonene oito Yeso Kristo, oyio oikaransete ase okoboko gwokorio kw’echinguru chiaye, goika ebinto bionsi biamoigwereire ere, bibe na koba naye kare na kare. Amina.