1. Na bono inche moroni nkorika inde make aria Tata Mormoni akwanete igoro yokwegena, ogosemeria na obwanchani; nyuma ase aya akaba ogokwana ase abanto, na akaborokereria ase esinagogi eria baagachete ase bagosabera.

2. Nabono inche Mormoni, nabatebirie; inwe abaminto ng’a obuya bwa Tata Nyasae na Omwana Yeso Kristo na okobua kwaye ogochenu, ase engencho yekeegwa kiaye giokorangerigwa kwaye ase inde, erinde nario indanyore ribaga gokwana nainwe bono.

3. Aseigo nigo inganetie gokwana aria are igoro yekanisa aria are ase obuya bwa Kristo, na aria anyorire ogosemeria ase moranyare gosoa ase ogotimoka kw’omonene, korwa engaki eye goika engaki yogotimoka nere aria igoro.

4. Nabono abaminto nagambire ebinto ebi ase engencho yaino na obuya bwaino na gwatora ase abana bamwanyabanto.

5. Korende nainyoire ring’ana ri’Omonene Nyasae, rigoteba ng’a ase ogokora kwabo imobamanye ase amakoro abo; onye emeremo yabo ere emiya, naboigo nabarobwo nigo bare abaya.

6. Rigereria Nyasae otebire ng’a omonto ore bwebibe takonyara gokora amaya; ekiagera onye okorwa ekeegwa, gose gosaba ase Nyasae, gotatiga oyakorire ase ekeene na atari komokonya.

7. Rigereria tabaririe ase are ase oboikeranu.

8. Rigereria onye omonto ore obwekerecha okorwa ekeegwa, nigo agokora bosa; aseigo nigo ebarire ase are buna oria onyorire ekeegwa; aseigo oyo nigo abarire ekerecha ase obosio bwa Nyasae.

9. Naboigo nigo abarire ekerecha ase abanto onye ogosaba na tari na okwegena ase enkoro yaye; takonyora kende na Nyasae nakoira oyonga oyo.

10. Aseigo, omonto ore ekerecha takonyara gokora amaya, gose korwa ekeegwa ekiya.

11. Rigereria ensonko endoro teri korwa amache amaya, gose ensoko engiya korwa amache amaroro, aseigo omonto ore omosomba obirecha takomobwatia Kristo, na onye okomobwatia Kristo nabo tari omosomba bwebirecha.

12. Na ebinto ebiya bionsi nigo bikorwa ase Nyasae; na biria bire ebibe nigo bire ebia birecha; ekiagera birecha nigo are omobisa oNyasae, na nigo akomorwania botambe, na kogenka na gotebia gokora ebibe, na gokora aria ayobobe botambe.

13. Korende rigereria, ng’a aria are aya’Nyasae nigo agotebia ayare amaya; botambe, aseigo kera egento gegokora amaya, na komwancha Nyasae, na komokorera, nigo are oichire na Nyasae.

14. Aseigo, rende inwe abaminto, timoboria aria amabe koba aya Nyasae, gose amang’ana amaya aNyasae koba aya birecha.

15. Rigereria inwe abaminto arurwe ase more monachere, erinde nario moranyare koba mokomanya amaya na amabe; na chinchera chiokonachera nigo chire chindonge, ng’a nario morabe nobong’aini obuya buna omobaso korwa ase omosunte.

16. Omoika o’Kristo nigo orure ase kera omonto, erinde nario baramanye amaya korwa ase amabe; narorire ase more enchera yokonachera; kera egento gegoteba gokora amaya na goteba kwegena ime ya Kristo; nigo arure ase chinguru na ekeegwa gia Kristo na komanya obong’aini obuya bwa Nyasae.

17. Korende amang’ana aya agotebia abanto, gokora ebibe, na gotegena ime ya Kristo, na komokana na gotamokorera Nyasae, na imomanye more nobong’aini oboikeranu nigo bore obwebirecha; na ase engencho eye nigo ere emeremo ya Saitani; ekiagere ere tari gotebia onde gokora amaya nonya nase amaraika aye; nase baria bamoigwerete.

18. Nabono, abaminto, mwarorire na komanya oborabu moranyare kogambia, oborabu baria bore ase Kristo, na korora ng’a okogambia kwaino nigo kore akuya; ekiagera okonachera koria mokonacha nakwo morache konacherwa.

19. Aseigo, nabasoroire inwe abaminto, monyare korigia oborabu bwa Kristo erinde nario moramanye obuya korwa ase obobe; na kamorabogorie aria are amaya, na timogambia erio imobe mokoba abana ba Kristo.

20. Nabono, abaminto, inaki ere buya ase okobogoria amang’ana amaya?

21. Na bono na chire ase okwegena, aria ingwenerete gokwana; na nimbe inkobatebia enchera moranyare konyora amang’ana amaya.

22. Manya Nyasae nigo amanyete kera egento korwa omochakano goika kare na kare, rigerereria agatoma amaraika kworokia abana ba mwanyabanto, koorokia igoro yogocha kwa Kristo; na ime ya Kristo kera egento noo gegotoka.

23. Na Nyasae boigo akabatebia ababani ase omonwa oye, ng’a Kristo nache.

24. Na nigo chiarenge chinchera chinyinge ase okweorokia ase mwanyabanto, aria arenge amaya; na amang’ana onsi are amaya akorwa ase Kristo; karga abanto nigo bagwete na kende kiya tikiare gocha ase bare.

25. Aseigo, okworokereria kwa amaraika na ase amang’ana akorwa ase omonwa o’Nyasae, abanto bagakana kworokia okwegena ase Kristo, na ase okwegena bakabogoria kera egento kere ekiya; goika engaki yogocha gwa Kristo.

26. Nyuma ase aya agacha na abanto bonsi bagatoreka ase okwegena erieta riaye; na ase okwegena, bakaba abana ba Nyasae. Na buna Kristo are moyo nigo akwanete amang’ana ase Tata ogoteba ng’a: Kende gionsi morasabe Tata ase erieta riane, kere ekiya, ase okwegena ng’a imokenyore, ekeene eke imokorerwe.

27. Aseigo, abaminto, ebikone nigo biakendire asengencho Kristo achire igoro, na goikaransa ase okoboko gwokorio kwa Nyasae, komotebia Tata obokeene na amabera aorogetie ase mwanyabanto.

28. Aseigo oiraneire omoerio bwogochika, nakobateba baria bonsi bamwegenete; na baria babwate okwegena ase are mbabe igoro ase amang’ana amaya; naboigo nigo atenenerete abana ba mwanyabanto; na nigo amanyete igoro kare nakare.

29. Na ase engencho akorire aya, abaminto ebikone biakendire bori? Rigereria nabatebirie ng’a nonya namaraika taratiga kobaranderia abana ba mwanyabanto.

30. Rigereria nigo bamoigwerete kworokereria koreng’ana nogochika kwaye kweorokia abanyene nechinguru, chiokwegena na ebirengererio ebikong’u ase enchera ende yonsi yobonyasae.

31. Na emeremo yabo nokorangeria abanto bonsi koangama, na goikerania na gokora emeremo yeira ya Tata eria abegete ase abana ba mwanyabanto ase okorwa ring’ana ria Kristo ase ebibekerero ebichore bi’Omonene ng’a babe bakorwa oborori bwaye.

32. Na ase ogokora bo Omonene Nyasae orosirie enchera eyio abanto barabe bakonyora okwegena ime ya Kristo, na nario Omoika Omochenu oranyore aase ase chinkoro chiabo, koreng’ana nechinguru chireo; na aya Omonene nayakore goetara ase, eira eria abegete ase abana ba abanto.

33. Na Kristo agateba ng’a: onye mokoba nokwegena ime yane imokore kende gionsi ingokora.

34. Naboigo agateba ng’a: angama inwe mwensi amore chinsinyo chiense na inchwo ase inde, na kobatiswa ase erieta riane erinde monyare gotoreka.

35. Na bono, abaminto, onye ebinto ebi nakwanire bire ekeene ase more, Omonene nabe okoorokia chinguru na obonene bwaye ase amatuko y’omoerio ng’a amang’ana aya nigo are ayekeene, na onye are ayekeene inee ebikone bi’Omonene biasirire?

36. Inee amaraika atigire gocha ase abana bamwanyabanto, gose asiririe Omoika Omochenu korwa ase bare? Inee nabe ogotenena buna engaki egoeta arakore ense gotenena gose omonto oyomo nabeo oratoreke?

37. Ekeene nabatebirie tekoba, nasengencho yokwegena nakio, gekogera ebikone bigocha; na nase okwegena nakio gekogera amaraika akweorokia nakworokereria abanto; aseigo onye ebinto ebi tibikoba rirorio okoragererigwa kobe ase abanto na asengencho yogotegena na onsi nigo are ayabosa.

38. Aseigo onde taiyo orakonyeke, koreng’ana namang’ana a Kristo, gotatiga mwabeire nokwegena ase erieta riaye, aseigo onye ebinto ebi bigokenda naboigo okwegena goika gokende, na obobe ase obomenyo bwa omonto ekiagera nigo bare buna baria batamanyeti ng’a ogotoreka ngwachete.

39. Korende rigereria inwe abaminto nigo inkorigereria ebinto ebiya biaino, nigo naganirie mobe nokwegena ime ya Kristo; onye timokoba nokwegena ase are timokobarwa ase egati ya abanto bekanisa yaye.

40. Naboigo abaminto nigo intagete kobatebia igoro yogosemeria. Ng’a narenga moranyare konyora ase okwegena, mbuya kanga ndiria mwanyora ogosemeria?

41. Na eye nero engencho enganeirie ase ogosemeria? Nabatebirie ng’a mobe more nogosemeria goetera ase ekengwanso gia Kristo na ase chinguru chiokobokigwa kwaye, ase okobokigwa ase obogima bwa kare na kare na aya nigo are asengencho yokwegena koreng’ana neira yaye.

42. Aseigo onye omonto obwate okwegena goika abe nogosemeria; aseigo kwegena gotaiyo gosemeria ngokoba aroro.

43. Ekeene nabatebirie naende ng’a takoba nokwegena na ogosemeria, gotatiga obeire omwororo na obwate enkoro ebwate oboitongo.

44. Onye ekoba bo okwegena kwaye nigo kore bosa, kende tikeri kerancheranwe na Nyasae, gotatiga obeire omwororo na ore noboitongo bwenkoro; onye omonto okoba nobwororo bwenkoro na goteba ng’a Yeso nomwana oNyasae, goika naende abe nobwanchani; na onye tabwati obwanchani nigo aganeirie abe nobwanchani.

45. Na obwanchani nigo bokoremereria, na obwororo, na tibobwati endamwamu, na tibori gwetogia, tibori kwerigereria, tari bwango gotogonya, tari korengereria bibe, na tibori kogoka ase amabe korende kogokera ekeene, nigo bokobogoria ebinto bionsi na kwegena ebinto bionsi, nagosemeria ebinto bionsi, nakoremereria ebinto bionsi.

46. Aseigo abaminto, onye timokoba nobwanchani, nigo morabe bosa, ekiagera obwanchani tibori gokea. Aseigo kabe ase obwanchani, obwe bore obonene ase onsi, ekiagera kera egento nkegwe –

47. Korende obwanchani nigo bore obwa Kristo, na nigo bokoremereria kare na kare; na onde bwensi oranyorekane obobwate ase amatuko y’omoerio, nebe buya ase are.

48. Aseigo, inwe abaminto, saba ase Tata ase chinguru chionsi chienkoro, erinde nario oraichorwe nobwanchani obo, obwe arwete ase baria bare ababwatia bekeene ase omwana oye Yeso Kristo; erinde nario morabe abanto ba Nyasae; ekiagera ekero agocha intobe buna ere, na intomorore buna are; erinde tonyare koba nogosemeria oko; erinde nario torabe togokorwa abachenu koreng’ana buna ere are omochenu. Amina.