1. Erio ekero omorwoti akwanire ase abanto baye, agatoma egati yabo, nakogania komanya igoro ya abanto baye, agatoma egati yabo, nakogania komanya igoro ya abanto baye onye begenete amang’ana aria abete okoyakwana ase bare.

2. Na bonsi bakarera ase eriogi erimo nagoteba ng’a: Ntwegenete amang’ana aria gwakwanete ase tore; naboigo ntomanyete obomaene bwabo na ekeene, ase engencho y’Omoika bw’Omonene omonyanguru, oyio oretire ogonchoreria okonene ase tore, gose ase chinkoro chiaito, na totari nakogania naende gokora ebibe, korende gokora buya kogenderera.

3. Naitwe, abanyene boigo, goetera ase obuya botagotebwa bwa Nyasae, na okororekana kw’Omoika, obwate amang’ana aria are gocha gocha; na nigo arenge ayaboronge kang’a twabanete igoro y’ebinto bionsi.

4. Na nokwegena twabwate ase ebinto omorwoti oito akwanete ase tore otoretire ase obong’aini obo, ase tore nomogoko na omochengo omonene.

5. Na nigo tore ang’e gosoa ase okobwatana amo na Nyasae oito na gokora okobua kwaye na koba abaigweri ase amachiko ime ase ebinto bionsi arabe ogotochika, ekeinyorio kia amatuko aito, ng’a titweretera ogochandeka gotakoera ase tore intwe tweka, buna yabete egokwanwa n’omomaraika, ng’a kero kende nabo torabe titokonywera egekombe kiendamwamu ya Nyasae.

6. Aya naro amang’ana omorwoti Benjamini aganetie korwa ase bare; aseigo akabatebia ng’a mwakwanire amang’ana aria narengereretie; na obobwatani bakorire nigo bore obobwatani oboikeranu.

7. Na bono, ase engencho y’obobwatani mwakorire ing’a morokwe abana ba Kristo, abamura, na abaiseke baye, aseigo rigereria rituko eri obakorire abamoima bekemoika; ekiagera mwatebire ng’a chinkoro chiaino chiaonchoirwe ase okwegena ase erieta riaye, aseigo mwaiborwe nere nabono mwabeire abamura, na abaiseke baye.

8. Na inse ase omotwe oyio mwakorirwe abasibore, na motwe onde toiyio goetera ase ore moranyare koba abasibore. Rieta rinde tiri rirure erinde ogotoreka koranyare gocha; aseigo nigo naganirie monyare korimokia erieta ria Kristo, inweaba ekiagera mwasoire ase okobwatanigwa amo na Nyasae ng’a mobe abaigweri goika omoerio bw’obogima bwaino.

9. Na neike engaki ase oria orakore aya nanyorekane ase okoboko gw’okorio kwa Nyasae, ekiagera mbamanye erieta arokire; ekiagera nigo bararokwe ase erieta ria Kristo.

10. Na neike engaki erinde onde bwonsi oria otari nerieta ria Kristo ase are, nabo ararangerigwe ase amarieta ande; ase ayio, nabe okwenyora bweka omonyene ase okoboko gw’okobee kwa Nyasae.

11. Na nigo inganetie mobe mokoinyora boigo, ring’ana eri nario erieta natebete indanyare kobaa erio ritanyare gosira, gotatiga ase ogosaria; aseigo renda timosaria, erinde erieta eri ribaise korusigwa ase chinkoyo chiaino.

12. Nabatebirie, nigo nabaganeirie ng’a mobe mokoinyora erieta ririkire ase chinkoro chiaino botambe, nario motanyorekane ase okoboko gw’okobee kwa Nyasae, korende moigwe na komanya eriogi rirabarangerie, naboigo, erieta arabe okobarangeria.

13. Inee inaki aramanye omonto omonene oria atonya gokorora, na ore omogeni ase are, na ore are korwa ase ebirengererio biaye nokogania gwenkoro yaye?

14. Naende omonto naire ebunda y’omoamate oye, na koyegacha? Nabatebirie yaya; takogania nonya nokoyerisia ase riicho riaye, korende nigo arayeserie, na koyebeka isiko. Nigo inkobatebia, ng’a nonya naboigo nabo erabe egati yaino onye timomanyeti erieta morabe mokorokwa.

15. Ase ayio, nigo inganetie ng’a motenene bokong’u, botombe mobe ase emeremo emiya erinde Kristo, Omonene Nyasae omonyanguru, ababeke omouri oye, nario morairwe igoro, nario moranyore ogotoreka gwa kare nakare na obogima bwa kare na kare goetera ase chisemi, na chinguru, na ekeene, na amabera aye ere oyotongete ebinto bionsi bire igoro na ime ase ense, oyore Nyasae ore igoro na ase onsi. Amina.