Scriptures
Egetabu Kia Mosaya 4


Egesieri 4

Omoerio bw’enkwana y’omorwoti Benjamini – – Amang’ana y’ogotoreka – – Ogosemeria kw’abanto igoro ase Nyasae – – Obosibore, chisemi na obong’aini bore amo.

1. Na bono, egaika engaki ekero omorwoti Benjamini akora enkwana yaye aria abete akorugwa ase are amo n’omomaraika bw’Omonene, erio akaimokereria amaiso aye igoro na korigereria ensemo nensemo ase omoganda, na rigereria nigo barenge bagwete inse ase amaroba, ekiagera okoiroka kw’Omonene gwachete ase bare.

2. Na kanya babekire ase obobe bwabo boka abanyene, kobua nonya nebuse yense. Na bonsi bakarera neriogi ase eriogi erimo bagoteba: Tororere amabera na karue amanyinga a Kristo erinde nario torainiyore okwaberwa kwebibe biaito, na emioyo yaito ekorwe emerabu; ekiagera twamwegenire Yeso Kristo, omwana o’Nyasae, oria otongete igoro n’ense, na bionsi ebireo; oyorache inse igaa naende egati ya abana ba mwanyabanti.

3. Erio egaika engaki ekero bakuana amang’ana aya Omoika bw’Omonene ogacha igoro yabo na bagaichorua n’omogoko, ekero babeirwe ebibe biabo na konyora omorembe ase emioyo yabo, ase engencho y’omogako omonene ase okwegena ime ya Yeso Kristo oyio orabe ogocha, koreng’ana namang’ana omorwoti Benjamini akwanete ase bare.

4. Naende erio omoruoti Benjamini akaigora omonwa oye nakobatebia: abasani bane na abaminto, egesaku kiane, na abanto bane, naende nintagete montegerere, erinde monyare koigwa na komanya amang’ana ane amatigari, ayio ingochia gokwana ase more.

5. Rigereria, onye obong’aini bw’Omonene Nyasae bwengaki eye bwababokirie ase okwerora ng’a nigo more bosa, na motari abekeene ase okogwa –

6. Nabatebirie, onye mwachire ase obuya bwechisemi chia Nyasae, amo nechinguru chiaye, nechisemi chiaye, n’okoremereria kwaye, na ase oboremereria botakoera bwaye ase abanto; naboigo ekeng’wanso abete okorosia korwa omochakano bw’ense, ng’a ogotoreka nkomochere ere oyoregene ase Omonene, na koyarenda amachiko aye nobong’aini na komenya ase okwegena goika omoerio bw’obogima bwaye, obo bw’omobere–

7. Nigo ingoteba, ng’a oyo nere omonto onyorire ogotoreka, goetera ase ekeng’wanso keria kiarosetigwe korwa omochakano bw’ense ase abanto bonsi ekio getanya koba korwa okogwa gwa Adamu, gose onde, gose oyonyakoba, goika omoerio bwense.

8. Nechi nachio chinchera okwegena gogochera. Na gotoreka konde tikori gotatiga oko gokwanire igoro yaye; gose enchera omonto aranyare gotoreka gotatiga enchera eye nabeire inkobatebia.

9. Egene ase Nyasae; egene ng’a nare, na nere otongete ebinto bionsi igoro n’ense; egene ng’a nigo abwate chisemi chionsi, ne chinguru chionsi, igoro na ime y’ense, egene ng’a monto takomanya ebinto bionsi buna Omonene amanyete.

10. Naende, egene ng’a goika moangame ebibe na kobianga, na kwebeka inse inwe abanyene ase obosio bw’Omonene Nyasae; na moborie ime y’enkoro yaino erinde ababere; na bono, onye mokwegena amang’ana aya onsi yarore ng’a mwayakorire.

11. Naende nigo ngokwana ase more buna nakwanete ase more ritang’ani, buna mogocha ase obong’aini bw’obonene bw’a Nyasae, gose onye mwamanyire obuya bwaye na komanya obwanchani bwaye, nakonyora okwaberwa kwebibe okwe kwaretire omogoko oyo omonene ase emioyo yaino, nigo naganirie ng’a mobe mokoinyora, nabotambe koba n’okoinyora, obonene bwa Nyasae, na okoba bosa kwaino ase are, na obuya bwaye na okoremereria kwaye ase moye ebitongwa bitari ebiekeene, na kwebeka inse inwe abanyene ase oboitongo, korangeria ase erieta ri’Omonene kera engaki, na gotenena bokong’u ase okwegena okwe gogocha, ikwo gwakwanetwe n’omonwa bw’omomaraika.

12. Rigereria, nigo inkobatebia ng’a komorakore aya botombe imonyore omogoko, nagoichorwa n’obwanchani bwa Nyasae, na korenda okwaberwa kwebibe; na imonyare gokina ase obong’aini bwaye ere oyobatongete; gose obong’aini boria obuya na obwekeene.

13. Na timokoba more nebirengererio biokorwana inwe ase inwe, korende komenya n’omorembe, korwa ase kera omonto koreng’ana na keria kere ekiaye.

14. Na timogotiga abana baino inchara, gose bosa; na timogotiga basarie amachiko a’Musa, na kwomana na korwana boka, na gokorera birecha, oyio ore omonene bw’ebibe, gose ore omonene bw’emeika emebe oyio obete ogokwanwa amo na abatata, ng’a ere n’omobisa ase obochenu bw’onsi.

15. Korende moborokie bagende orogendo rw’ekeene na obwororo; na mobe mokoborokia gwanchana barobwo ase barobwo, na gokorera oyomo ase oyomo.

16. Naboigo inwe abanyene mokonye baria bare nokogania gw’ogokonywa; na korwa ring’ana ase oria oteneine ore nokogania na timwancha abataka babeke omoyo abo ase more bosaigo, na komoirania ase ogosira.

17. Kero kende nabo moratebe ng’a: Omonto oyo oretire oboakong’u igoro ase are; Aseigo nimbe nkomenya ase amaboko ane, na tinkomoa endagera yane, gose kobeka oborendi ng’a tabaisa gochandeka, ekiagera egesusuro kiaye negechenu –

18. Korende nabatebirie, ng’a, omonto, onde bwensi orakore aya boigo nigo eramoire okoangama okonene na gwancherana okoangama ase aria bakorete asirete kare nakare, na batabwate okogania noborwoti bwa Nyasae.

19. Rigereria, ntori abataka twensi? Inee twensi nigo torigereretie ase omonto oyomo, ore Nyasae, Aseigo kende gionsi tobwate, endagera na chianga, na ase chithahabu, na chifetha, na obotenenku bwonsi obwe bore obwengencho ende yonsi?

20. Rigereria, nonya nengaki eye mwabeire mokorangeria ase erieta riaye na komosaba okwaberwa kwebibe biaino. Na obeire ogoteba ng’a ogosaba kwaino nigo kore okwabosa? Obeire ogoitera omoika oye ase more, na gokora chinkoro chiaino goichorwa n’omogoko, na otebire ng’a emenwa yaino ekire nario motanyare gwatora, aseigo egento ekenene n’omogoko oino.

21. Na bono onye Nyasae oria ogotongete, oria osemeretie ase obogima bwao na ase bionsi biria obwate; akoeire kende gionsi ogosaba ase obuya, ase okwegena, kore nokwegena ng’a noyanyore, O naende, Inaki mokobeka amang’ana ng’a mobwate inwe ase inwe.

22. Na onye mokogambia omonto oria okobeka obobe bwaye ase more ng’a ere Tagosira na komonachera, inaki erabe anene ase okonacherwa kwaino na kwebogoreria amang’ana abanyene, aria atari ayaino na ayare aya Nyasae, obogima bwao borwete ase are na tori nokoinyora, gose koangama ase ebinto gwakorire.

23. Nabatebirie, ng’a okoragererigwa kobe ase omonto oria, ekiagera chingencho chiaye nchisire amo nere; na bono, nabatebirie ebinto ebi ase baria bare n’obonda na bagacherete ebinto biense eye.

24. Naende nabatebirie inwe abataka, baria motaisanegeti na motabwati kende, motigarete koba boigo rituko ase rituko; nigo ingoteba ng’a inwe mwensi mokwanga abasabereri, ekiagera motabwati nigo namanyire ng’a nigo mogoteba ase chinkoro chiaino ng’a: Tindi korwa ase engencho intabwati, korende onye ndiria mbwate nabo nkorwa.

25. Na bono onye mogoteba ime ase chinkoro chiaino, nigo motigare n’obobe, kero kende nigo monacheire ekina; na ekina kiaino nigo kere egiekeene ekiagera mokogania keria motabwati.

26. Nabono, ase engencho y’ebinto biria nabeire ngokwana ase more – – nase engencho y’okonyora okwaberwa kwebibe biaino korwa ase rituko goika ase rituko, nario moratare motari nabobe ase obosio bwa Nyasae – – nigo nagania monyare kobeka ebinto biaino ase abataka, kera omonto koreng’ana nekiabwate, koreng’ana buna okorageria abare nenchara, kobasoka abare gesogono, kobatarera abaiwaire na gokwana nabwe, ase ekemoika na ekemobere koreng’ana buna batagete.

27. Na korora ebinto ebi bionsi biakorekire ase chisemi na omoroberio; na tari ng’a omonto amonyoke bwango kobua buna chinguru chiaye ching’ana. Na naende, nigo ere buya ng’a abe omong’aini, erinde anyare kobua ekekeegwa; aseigo, kera egento goika gekorwe ase omoroberio.

28. Na nigo inganetie ng’a moinyore, ng’a onde bwensi egati yaino ogokobesa omoamate oye goika airanie egento keria naende, koreng’ana buna ancheranete, gose kero kende nabo orakore ebibe; na kero kende omokore omoamate oo gokora ebibe boigo.

29. Na kero kende tinkobatebia ebinto bionsi ebio biragere mokore ebibe; na boigo nchireo chinchera ao ao chire chinyinge intanyare kobara.

30. Korende aya oka nabo indabatebie, ng’a onye timokorenda inwe mweka abanyene, na ebirengererio biaino, na amang’ana aino, na amakoro aino, na koyarenda amachiko a Nyasae, na kogenderera ase okwegena igoro yaria mwaigwete igoro y’ogocha kw’Omonene, goika nonya n’omoerio bw’obogima bwaino, ing’a mosire. Na bono o inwe abanto, inyora na timosira.