1. Erio egaika engaki emiaka chimia isato na merongo etano nomo na etato Abanephi bakogenda amo nabisikari babo korwana na Abalamani, isiko y’ense eria ensareku.

2. Erio egaika engaki naende abasikari ba Abanephi bagoserigwa goika ense y’ogosareka. Na ekero barosa, abasikari ba Abalamani bakabagwera nagochaka kobarwania naboigo Abalamani bakaira obonda bwomochie oria osaretigwe, na bakaba bakobaita Abanephi abange, na bakaira abange babo ase obosomba.

3. Nabaria abatigari bagatama na gwesoyia ase ebisaku biamenyete ase omochie o Taankum. Bono omochie o Taankum nigo ore ase chimbebe ase chingegu; naboigo nigo orenge ang’e nomochie oria omosareku.

4. Na nase engencho abasikari ba abanephi bachiete ase abalamani nagochaka kobaita; na onye taibo kanga Abalamani tibare konyora chinguru ase bare.

5. Korende, rigereria, ekina ki’Omonene nkere n’okobua baria aboro; na nase engencho yobworo nakio gekogera aboro barasusurwe; na naboro bagokora chinkoro chiabana ba mwanyabanto goitera amanyinga.

6. Erio egaika engaki Abalamani bakwearegania kogenda koyorwania omochi o Taankumu.

7. Erio egaika engaki emiaka chimia isano nemo na merongo ene abalamani bare mamincha y’omochie o Teankumu, nakoinyora obonda bore aroro.

8. Erio naende egaika engaki bagoserigwa amo na Abanephi. Na ekero Abanephi barora bababuire abalamani bagachaka gwetogia ase chinguru chiabo; na bakagenda ase okobua kwabo, na koira obonda bwonsi bw’omochi oria omosareku.

9. Nabo aya onsi abeire, na chiribu chinyinge chiabeire chigosirigwa ase chinsemo chionsi ibere, Abanephi na Abalamani.

10. Erio egaika engaki, emiaka chimia isato na merongo etano nomo naisano nemo, yaetire, naende abalamani bagachaka kobarwania abanephi na abanephi tibaangamete obobe bwabo, korende bakagenderera ase obworo bwabo.

11. Na nigo ere akong’u ase oromeme gwatora, gose omonto korika buya ase obobe na obonyaka babete bagokora ase egati ya abanto barobwo abanephi na abalamani; na kera enkoro ekaba egokong’igwa, aseigo bakaba bare ase ogoitera amamyinga botambe.

12. Na aya tanya koba ase obosio bwa abana ba Lehi, gose ase enyomba ya Israel, koreng’ana namang’ana y’Omonene, buna aya arenge ase abanto aba.

13. Naboigo egaika engaki Abalamani bakoira obonda bw’omochie oria omosareku, na ase engencho omobaro obo obete obuete omobaro bw’abanephi.

14. Erio bakagenda mamincha y’omochi o Teankum, na kobaseria abamenyete aroro, nakobaira koba abasibwa abana, abasacha, na abakungu, naboigo kobarwa koba ebing’wanso ase chinyasae chiabo.

15. Erio ekero gegaika ase omwaka bwechimia isato na merongo etono nomo netano nebere, Abanephi bakaba nobororo ase engencho abalamani babangwasete abakungu na abana babo, bakagenda kobarwania amo nobororo obonene, bakanyara kobabua na kobaseria korwa ase ense yabo.

16. Naboigo Abalamani tibarwana na Abanephi naende goika emiaka chimia isato namerongo etano nebere netano ekaera.

17. Na ase omwaka oyo bagachaka esegi nabanephi naende ase chinguru chiabo chionsi; na tibabarekanete ase engencho yomobaro obo orenge omonge.

18. Na korwa ase engaki eye Abanephi tibanyara segi ase Abalamani, korende bagachaka gosukigwa korwa aroro nabarobwo goika nonya nase risase.

19. Erio egaika engaki Abalamani bagocha mamincha y’omochi oria omosareku na erio esegi egachaka ere entindi mono ase omochi oria omosareku, erio naende abanephi bakaba bakobua.

20. Erio bagatama naende korwa aroro, bakaba bagoika omochi O Boaz; na igaria bagatenena mamincha ya Abalamani ase aboremu obonene, igabwe Abalamani tibababua goika ekero bachate naende.

21. Na ekero baicha eria kabere abanephi bakaba bagoitwa ase ogoitwa okonene mono; abakungu babo na abana babo bakaba bakong’wanswa ase echinyasae.

22. Erio egaike engaki Abanephi bagotama korwa ase bare, na koira abonda bwabo bwonsi amo nabwo bonsi ase omochie na ebichie.

23. Na bono inche, Mormon ekero narora Abalamani bare ang’e koyeira ense eria, aseigo inkagenda ase egetunwa kia Shimu, na korusia amang’ana onsi aria Ammaroni abisete igoro igaria ase Omonene.