1. Na bono inwe abana bane, igaa nimbwate amang’ana make inkobamanyia namanyire ng’a ebirengererio biaino nigo bire nogochandeka igoro yokobokigwa kw’abakure.

2. Rigereria nabatebirie ng’a kobokigwa konde tikori, indanyare gokwana gose omobere otagokwa, gose oyo ogosareka tokobeka oria otagosareka – – goika nyuma yogocha kwa Kristo.

3. Rigereria oretire okobokigwa, korende manya ng’a okobokigwa nkoraika. Aseigo amakumia nareo agachire, onde atamanyeti gotatiga Nyasae bweka. Korende nimbaorokie egento ekemo ekio nasabire nobong’aini ase Nyasae ng’a inyare gokemanya – – na eke nigoro yokobokigwa.

4. Rigereria engaki neike echorire bonsi baranyare korwa ase amakweri. Na onde tari omanyete korende Nyasae omanyete engaki echorire.

5. Nebe engaki eyemo, gose engaki ende ya kabere gose eyagatato eyio abanto bonsi barabe bakoboka korwa ase amakweri, eye teri ngencho; ekiagera Nyasae nigo amanyete kera egento; na nigo ing’isanegete ng’a aya nabe – – ng’a engaki nechorire aba baraboke korwa ase amakweri.

6. Goika engaki gete ebe egoonchokana egati ya amakweri na egati yokobokigwa.

7. Na bono inkoboria inde ng’a ninki kerabe ase emioyo ya abanto korwa engaki eye ya amakweri egoika, engaki echorire ase okobokigwa?

8. Mbareo abange bachorire natari nangencho; na bonsi tibari gokwa ase engaki eyemo; naboigo aya akaba bosa; onsi nigo arenge are na Nyasae na chinsa chikabekwa ase abanto.

9. Aseigo nchireo chinsa chichoreire abanto barabe bakoboka korwa ase amakweri na egeka nkereo kere egati ya amakwweri na okobokigwa. Igoro yegeka eke, ekerache ase emioyo eye nkeria narigirie nobong’aini Omonene amanyete; na ebi nebinto imanyete.

10. Ekero engaki egoika bonsi bakoboka, erio mbamanye ng’a Nyasae namanyete chingaki chiria chichoreire mwayabanto.

11. Bono igoro y’omoyo egati yogokwa na okobokigwa – – Aya onsi nabeire ingotebigwa nomomaraika, ng’a emeika yabanto bonsi bwango buna ekorwa ase omobere, emeika yonsi nebe emiya gose emebe, nigo ekoirana ase enka yabo igaria ase Nyasae oyorwete obogima.

12. Erio naende eike engaki emeika yonsi ya abachenu ekoirana aase y’omogoko akorokwa Paradiso, aase yogotimoka, aase y’omorembe, aase erabe egotimoka korwa ase emechando na korwa ase obororo.

13. Na naboigo eike engaki emeika ya abanyabibe eyio ere ebirecha – – batari komonyora aase, gose eng’eria ase Omonene; ekiagera bachorete obobe ribaga ria amaya; asengencho omoika obirecha osoete ase bare nakoira ribaga ase enyomba yabo – – neye nerutue isiko ase omosunte abwo ekerero nkebeo na okwengereria na korianania amaino, ase engencho yebibe biabo, biabaraete ase obosibwa na okobua kw’ebirecha.

14. Na bono eye nero engoncho y’emioyo ya baria aboro, abare ase omosunte na ase ogosareka, bare nokororeka kwobwoba ekiagera endamwamu ya Nyasae nebe ekobagwera; onye bagotigara ase chingencho echi naboigo nonya mbaria bare ase paradiso goika engaki yokobokigwa kwabo.

15. Bono mbareo abaigure ng’a ensemo nereo ase omogoko na ensemo nereo ase egesusuro ase emioyo, nyuma yokobokigwa gotaraba okobokigwa nkwarengeo ogotang’ani. Nigo ingogokwana ase okobokigwa oko gwo okobokia emioyo ase obuya gose ase obobe, koreng’ana na amang’ana nabeire ingokwana.

16. Na rigereria, naende nigo yatebetwe ng’a nkoreo okobokigwa kweritang’ani na okobokigwa kwa bonsi babeire ase ense, gose are bono, gose abarabe, goika ase okokobokigwa gwa Kristo korwa ase abakure.

17. Aseigo bono titori goteba ng’a okobokigwa oko ogotang’ani koria gwakwanetwe ase engencho eye, nigo korabe okobokigwa kwemioyo na omogoko obo gose obobe. Timorengereria ng’a nigo ere bo.

18. Rigereria nabatebirie engencho yaye nomobere koba amo nomoika, korwa Adamu goika okobokigwa gwa Kristo.

19. Bono emioyo na emebere yabaria babete bagokwanwa gocha amo ekero ekemo, abaro boigo na abachenu, tintebeti tiga ebe bo; korende natebire ng’a bache bonsi gose ase amang’ana ande, nigo ere ng’a okobokigwa nigo korache ritang’ani, okwe abanto baria bakwete nyuma ase okobokigwa gwa Kristo.

20. Bono omwana one, tintebetie ng’a okobokigwa kwabo nigo korabe okobokigwa gwa Kristo; korende rigereria nabaeire buna ebirengererio biane, ng’a omobere na omoika nobe amo, ase abachenu buna ekero giokobokigwa gwa Kristo, na kogenda igoro.

21. Neba ase okobokigwa oko gose bosio, tintebeti, korende aya amange natebire, ng’a ribaga ndireo egati ya amakueri na okobokigwa kwomobere na obomonyo bwo omoyo ase omogoko gose ase obobe goika engaki erobeirie n’Omonene Nyasae abakure baranyare gocha amo, omoika nomobere, na koretwa gotenena ase Nyasae, na kogambigwa koreng’ana nemeremo yabo.

22. Aya nigo akoreta okoborigwa ang’e kwebinto biria biabete bigokwanwa nemenwa ya Ababani.

23. Omoyo noretwe ase emebere, na omobere ase omoika; na kera enengo nebekwe ase omobere oye; nonya netukia yomotwe tegosira; korende kera egento nkebe gekoiranigwa ase aaye nakoba omobere omuya kegima.

24. Na bono aye omwana one, aya naria aikeranire aria akwanietwe nomonwa bwa ababani.

25. Na abachenu mbamese ase obonda bwa Nyasae.

26. Korende rigereria, amakweri amabe achire ase abare aboro; ekiagera nigo barakwe koreng’ana nebinto biobochenu; ekiagera bare abanyabibe, na gento tikeri ekemwamu keranyare gosoa ase oborwoti bwa Nyasae; ekiagera birobio biarutirwe isiko, na konyora eng’eria yabo, okwo kore okwebibe; na konywa chinkama chindoro chire ase egekombe.