Scriptures
Egetabu Gia Kabere Kia Nephi 2


Egesieri 2

Lehi ase omwana oye Yakobo – – Okoamererania ase amang’ana onsi – – Ritunda riakwanetwe na omote bw’obogima – – Adamu akagwa nario Abanto barabe – – Massia, omoteneneri Omonene, ase ogotoria mwanyabanto.

1. Bono Yakobo nigo ingokwana ase ore ng’a: aye n’omowana one omotangi ase amatuko y’emechando ime y’eroro. Na rigereria ase ekero kioboke bwao ogachandeka na obororo, asengencho y’oboenenu bwa abamino.

2. Yakobo, omwana one amotangi ase eroro, aye nomanyete obonene bwa Nyasae; na nagotangere oboakong’u bwao ase okonyora kwao.

3. Ase ayio, omoyo oo nobe agosesenigwa, na nomenye buya noyomino, Nephi; na amatuko ao nigo orarore Omonene Nyasae. Namanyire ng’a gwatorekire, ase engencho y’obochenu bwomoboria oo; na kwarorire ng’a ekero egoikerana nache koreta ogotoreka ase abanto.

4. Na nkwabete gokorora obonene bwaye ekero kware omoke; gwasesenigwe buna ase are arakwane naye ase omobere; aseigo omoika noro oria orenge igoro na rero na kare. Na enchera yarosigwe kera omonto agwancha, na ogotoreka nkore nobosibore.

5. Na abanto babeire bagotebigwa botambe ng’a nigo baramanye amaya korwa ase obobe. Na amachiko arurwe ase abanto. Na ogochika gotari okwomobere kwarosigwe; ase ogochika abanto banachirwe ase ogochika ogoke bakaba bakonachwa; na ase engencho y’ogochika gwekemoika bagasira korwa ase aria are amaya na nagosoa aase abe kare na kare.

6. Ase ayio okoborigwa gogacha ase Massia; ekiagera ere are nobuya obonge na ekeene.

7. Rigereria akerwa buna ekeng’wanso ase ebibe, koiraneria omoerio bw’ogochika ase baria babunire chinkoro chiabo na Omoika omoehenu; na onde tarenge aroro ore koba okoiraneria ase ogochika.

8. Ase ayio inaki ere buya komanyia ebinto ebi ase abamenyete ase ense, erinde banyare komanya ng’a monto tari ore obwomobere orabe okomenya ase Nyasae, ogokonyeka nigo kore ase amabera aye, na obuya bwa Massia, oyio obegete obogima bwaye inse koreng’ana nomobere na akaboira naende ase chinguru chi’Omoika, ase okoreta okobokigwa okwabakure, koba omotangani koboka.

9. Ase ayio, ere nere ritunda ritang’ani ase Nyasae, na bono ere nere okorwanerera abana bosi ba mwanyabanto; na baria baregenge asare mbakonyeke.

10. Ase engencho y’okorwanerera bonsi, abanto bonsi mbache ase Nyasae; na batenene ase obosio bwaye na kogambigwa koreng’ana nekeene kiaye na obochenu bwaye obwe bore ime yaye. Ase ayio omoerio bw’ogochika oyo omochenu abeire okorwa ase ogochandwa okwe kwaerire na kore ase enchera y’omogoko oria oikiranirie, ase okoiraneria omoerio bw’ogotoria –

11. Aseigo goika okogania kobeo ng’a okoamererania ase egento – – onye tari bo, omotangi one ase eroro, kanga obochenu tibware gocha, nonya n’obworo, nonya nobuya gose obobe. Aseigo, kera egento goika kegani koba ase obomo; onye ndiria ekoba omobere oyomo goika oganie gotigara buna ogokwa, bogima botaiyo gose makweri ataiyo, gose mochando, omogoko na ebirengereri.

12. Goika eganie egento getongire bosa; Kanga nigo yaba etari nangencho ase omoerio bwagotongwa kwaye. Egento eke goika kebe nokogania gosaria chisemi chia Nyasae na engencho yaye ya kare nakare, na chinguru, namabera aNyasae.

13. Na onye mogoteba ng’a gochika nkoiyo, naboigo nigo moratebe ng’a bibe mbiyio. Na onye mogoteba ng’a bibe mbiyio, naboigo nigo moratebe ng’a bochenu mboiyio na mogoko toiyio. Na onye bochenu mboiyo na omogoko igo gesusuro nkeiyio. Na onye binto ebi bionsi mbiyio igo goika motebe ng’a nonya Nyasae taiyio. Na onye Nyasae taiyio naintue ntoiyio, gose ense; kanga gotongwa nkwabete aroro kwebinto, gokororeka; aseigo kanga ebinto bionsi nigo biasiretigwe.

14. Bono omwana one nigo ingokwana ase ore ebinto ebi ase ogokonyeka kwao; ase oyotongete ebinto bionsi, igoro n’ense na ebinto bionsi bire imeo, ebinto biakoregete.

15. Na koreta engencho ya kare na kare ase omoerio bw’omonto, ekero abatongete abaibori baito beritang’ani na ching’iti chiorosana nechinyoni chiembeo, na ase obuya, ase ebinto atongete, goika okoamererania kobeo nonya nogokanwa kweritunda na omote bw’obogima; erimo rigwansa na oyonde omororo.

16. Ase ayio, Omonene Nyasae akarwa ase omonto erinde anyare gokora bweka. Monto takora bo bweka, ogokonyeka kobe ase oria bwerure asengencho ya abande.

17. Inche, Lehi, koreng’ana nebinto bi’Omonene ebio nasomire, goika bigani omomaraika bw’Omonene koreng’ana naria arikire, ng’a ogure korwa igoro; ase igo akaba ekerecha, akaba okorigia aria amabe ase Omonene Nyasae.

18. Na ase engencho agwete korwa igoro, na obeire omobisa otabwati kende kare nakare naboigo nigo arigetie ogosira ase abanto. Akamotebia Awa oria ore eng’iti enkoro, oyio ore ekerecha, oyore ise bw’oborimo, akamotebia ng’a: Karie ritunda eri rikanire, togokwa na nobe gokomanya buna Nyasae okomanya obuya na obobe.

19. Erio Adam na Awa baria ritunda riria riakanetwe bagaserigwa korwa ase omogondo o Edeni, kogenda korema ense.

20. Na babaretire abana gocha; nonya n’omochi bwense engima.

21. Na amatuko amwanyabanto akamentwa, koreng’ana n’okobua kwa Nyasae, ng’a nario baraangame ekero bare ase omobere; aseigo chingencho chiabo nigo chiarenge echiobobe, na chingaki chiabo chikamentwa, koreng’ana n’amachiko aria Omonene Nyasae erwete ase abanto. Aseigo nigo arwete ogochika ng’a nario abanto barabe bakoangama; aseigo akabarokia abanto bonsi ng’a nigo basirete, ase engencho y’ogosaria kwa abaibori babo.

22. Rigereria, onye Adam atasareti kanga tagwa, korende kanga nigo atigarete ase omogondo o Eden. Na kera egento kanga nigo giatigarete ase engencho eria giatongetwe; na kanga bitigare kare na kare na gotaba n’omoerio.

23. Na kanga tibatwara abana; aseigo kanga batigare ase obochenu, batari n’omogoko, ekiagera tibare komanya amabe; batari gokora buya, na tibamanyete ebibe.

24. Korende rigereria, ebinto bionsi nigo biakoregete ase chisemi chiaye oria omanyete ebinto bionsi.

25. Adam nigo agwete erinde nario abanto barabe; na bono abanto mbare, ng’a nario barabe n’omogoko.

26. Na Massia nabe ekero engaki egoikerana, erinde anyare kobaboria abanto korwa ase okogwa. Na ase engencho baratorigwe korwa ase okogwa na babeire abasibore kare na kare, na komanya obobe bokorwa ase ebirecha; gokora boka abanyene na tari ase ogokorerwa, gotatiga ase egesusuro ki’amachiko ase rituko rire rinene, koreng’ana buna amachiko y’Omonene arwete.

27. Aseigo abanto nigo bare abasibore ase omobere; na ebinto bionsi nigo birure ase bare ebio bire ogokonya ase abanto. Na nigo bare nobosibore gochora obogima gose obuya goetera ase birori bw’abanto bonsi, gose gochora obosibwa gose amakweri, koreng’ana nobosibwa na chinguru chia kerecha; ekiagera nigo arigetie abanto bonsi basire buna ere are.

28. Na bono inwe abana bane, nigo nabaganeirie monyare korigereria ase omoteneneri Omonene, na koyaigwera amachiko aye amanene; na koba abegenwa ase amang’ana aye, koreng’ana n’okobua kw’Omoika oye;

29. Na timochora amakweri akare na kare, koreng’ana n’okobua kw’omobere na obobe boria bore imeo, obwe bokoa omoika oria obirecha chinguru korema, na kobaira goika ase riera; ng’a nario aragambe igoro yaino ase oborwoti bwaye.

30. Nabeire ingokwana amang’ana aya amake ase more mwensi, inwe abana bane, ase amatuko y’omoerio yokogamba kwane; na nachorire ensemo engiya, koreng’ana na amang’ana y’omobani. Na timbwati rengo ende y’onsi gotatiga abe ogokonya ase emioyo yaino kare na kare.