1 Mpe lingenda ekobima uta na mobimba ya Yisai, mpe etape ekokola uta na misisa na ye.

2 Mpe Molimo ya Nkolo mokofanda likolo na ye, molimo ya bwania mpe ya bososoli, molimo ya toli mpe ya bokasi, molimo ya boyebi mpe ya bobangi ya Nkolo;

3 Mpe akokomisa na bososoli mpenza ya bobangi ya Nkolo; mpe akosambisa te engebene na bomoni ya miso na ye, to akopalela te engebene na boyoki ya matoyi na ye.

4 Kasi na bosembo nde akosambisa babola, mpe akopalela na alima mpo na basokemi ya mabele; mpe akobete mabele na lingenda ya monoko na ye, mpe na mpema ya mbebu na ye akoboma moto ya nkuna.

5 Mpe bosembo ekozala mokaba ya nketo na ye, mpe bosembo mokaba ya mimpiko na ye.

6 Mbwa ya zamba akofanda elongo na mwana ya mpate, mpe nkoi akolala elongo na mwana ya ntaba, mpe mwana ya ngombe mpe elenge ya nkosi mpe nyama ya mafuta elongo; mpe mwana moke akokamba bango.

7 Mpe Ngombe mpe ngombolo ekolia; bilenge na bango bikolala esika moko; mpe nkosi akolia matiti lokola ngombe.

8 Mpe mwana oyo azali komela libele akosakana likolo ya libulu ya etupa, mpe mwana atika libele akotia loboko na ye likolo ya lidusu ya nyoka.

9 Bakosalana mabe te to bakobebisa na ngomba esantu mobimba na ngai te, mpo mabele makotonda na boyebi ya Nkolo, lokola mai matondisaka mbu.

10 Mpe na mokolo wana ekozala na mosisa ya Yisai, oyo ekotelema lokola bendele ya bato; epayi na yango Bayuda-te bakoluka koya; mpe bopemi na ye ekozala ya nkembo.

11 Mpe ekosalema na mokolo wana ete Nkolo akotia loboko na ye lisusu mbala ya mibale mpo na kozwa lisusu montika ya bato na ye baoyo bakotikala, uta na Asulia, mpe uta na Ejipito, mpe uta na Pataloso, mpe uta na Etiopia, mpe uta na Elama, mpe uta na Sinala, mpe uta na Hamata, mpe uta na mabongo ya mbu.

12 Mpe akotia bendele likolo mpo na bikolo, mpe akowanganisa babwakami ya Yisalaele, mpe akosangisa esika moko bapanzami ya Yuda uta na bitumu minei ya mabele.

13 Kolula ya Efelaima lisusu ekolongwa, mpe bayini ya Yuda bakokatama mosika; Efelaima akolula Yuda te, mpe Yuda akotungisa Efelaima te.

14 Kasi bakopumbwa likolo ya mapeka ya Bafilisitia epayi na westi; bakoyiba bango na ya esti elongo; bakotia loboko na bango likolo ya Edome mpe ya Moaba; mpe bana ya Amona bakotosa bango.

15 Mpe Nkolo akobebisa lolemo ya mbu ya Ejipito mobimba; mpe na mopepe ya makasi akoningisa loboko na ye likolo ya ebale, akobeta yango ekabwana na mingala sambo, mpe akolekisa bato likolo sapato ekawuka.

16 Mpe ekozala na balabala monene mpo na montika ya bato na ye baoyo bakotikala, uta na Asulia, lokola ezalaki na Yisalaele na mokolo oyo babutaki uta na mboka ya Ejipito.