Mga Kasulatan
1 Nephi 2


Kapitulo 2

Si Lehi midala sa iyang pamilya ngadto sa kamingawan dapit sa Pulang Dagat—Gipangbiyaan nila ang ilang mga kabtangan—Si Lehi mihalad og sakripisyo sa Ginoo ug mitudlo sa iyang mga anak nga lalaki sa pagtuman sa mga sugo—Si Laman ug si Lemuel nagbagulbol batok sa ilang amahan—Si Nephi nagmasulondon ug nag-ampo inubanan sa pagtuo; ang Ginoo namulong kaniya, ug siya ang gipili nga mangulo sa iyang mga igsuong lalaki. Mga 600 B.C.

1 Kay tan-awa, nahitabo nga ang Ginoo namulong sa akong amahan, oo, gani pinaagi sa damgo, ug miingon kaniya: Bulahan ikaw Lehi, tungod sa mga butang nga imong gihimo; ug tungod kay ikaw nagmatinud-anon ug mipadayag ngadto niini nga katawhan sa mga butang nga akong gisugo kanimo, tan-awa, nagtinguha sila sa apaghunos sa imong kinabuhi.

2 Ug nahitabo nga ang Ginoo amisugo sa akong amahan, gani pinaagi sa bdamgo, nga cdad-on niya ang iyang pamilya ug mobiya padulong sa kamingawan.

3 Ug nahitabo nga anagmasulondon siya sa pulong sa Ginoo, mao nga gibuhat niya ang gisugo sa Ginoo kaniya.

4 Ug nahitabo nga mibiya siya padulong sa kamingawan. Ug gibiyaan niya ang iyang balay, ug ang yuta nga iyang kabilin, ug ang iyang mga bulawan, ug ang iyang mga pilak, ug ang iyang mahalon nga mga butang, ug siya walay laing gidala, gawas sa iyang pamilya, ug mga kinahanglanon, ug mga tolda, ug amibiya padulong sa kamingawan.

5 Ug milugsong siya dapit sa mga utlanan duol sa baybayon sa aPulang Dagat; ug mipanaw siya sa kamingawan sa mga utlanan nga mas duol sa Pulang Dagat; ug mipanaw siya sa kamingawan kauban sa iyang pamilya, nga naglakip sa akong inahan, nga si Sariah, ug sa akong mga magulang nga lalaki, nga si bLaman, Lemuel, ug Sam.

6 Ug nahitabo nga sa diha nga siya nakapanaw na sulod sa tulo ka adlaw sa kamingawan, gipabarog niya ang iyang tolda sa usa ka awalog daplin sa suba nga may tubig.

7 Ug nahitabo nga mitukod siya og aaltar nga ginama sa mga bbato, ug mihimo og halad ngadto sa Ginoo, ug cnagpasalamat sa Ginoo nga among Dios.

8 Ug nahitabo nga gitawag niya ang suba og Laman, ug miagos kini padulong sa Pulang Dagat; ug ang walog anaa sa mga utlanan duol sa bukana niini.

9 Ug sa diha nga nakita sa akong amahan nga ang mga tubig sa suba miagos ngadto sa tubod sa Pulang Dagat, gisultihan niya si Laman, nga nag-ingon: O nga ikaw unta mahisama niini nga suba, nga sa kanunay nagdagayday paingon sa tubod sa tanan nga pagkamatarong!

10 Ug gisultihan usab niya si Lemuel: O nga ikaw unta mahisama niini nga walog, lig-on ug makanunayon, ug dili matarog sa pagtuman sa mga sugo sa Ginoo!

11 Karon gipamulong niya kini tungod sa pagkagahi og ulo ni Laman ug ni Lemuel; kay tan-awa anagbagulbol sila sa daghan nga butang batok sa ilang bamahan, tungod kay siya usa ka tawo nga cmakakita og panan-awon, ug midala kanila palayo sa Jerusalem, sa pagbiya sa yuta nga ilang kabilin, ug sa ilang mga bulawan, ug sa ilang mga pilak, ug sa ilang mahalon nga mga butang, aron mangamatay sa kamingawan. Ug miingon sila nga siya mihimo niini tungod sa binuang nga mga hunahuna sa iyang kasingkasing.

12 Ug sa ingon niana si Laman ug si Lemuel, isip mga magulang, nagbagulbol batok sa ilang amahan. Ug nagbagulbol sila tungod kay awala sila mahibalo sa mga pamaagi niana nga Dios nga milalang kanila.

13 Ni sila mituo nga ang Jerusalem, kanang bantogan nga siyudad, amalaglag sumala sa mga pulong sa mga propeta. Ug susama sila sa mga Judeo nga didto sa Jerusalem, kinsa nagtinguha sa paghunos sa kinabuhi sa akong amahan.

14 Ug nahitabo nga ang akong amahan namulong kanila didto sa walog sa Lemuel, uban sa agahom, kay napuno sa Espiritu, hangtod nga ang ilang kalawasan bnangurog sa iyang atubangan. Ug siya mipakaulaw kanila, nga wala na sila makatingog batok kaniya; mao nga, gibuhat nila ang unsay iyang gisugo kanila.

15 Ug ang akong amahan mipuyo sa usa ka tolda.

16 Ug nahitabo nga ako, si Nephi, nga batan-on pa kaayo niadtong higayona, apan dako ug taas ang pamarog, ug usab adunay dakong tinguha nga mahibalo sa mga amisteryo sa Dios, mao nga, nangamuyo ako sa Ginoo; ug tan-awa siya bmipabatyag kanako, ug cmipahumok sa akong kasingkasing nga ako dmituo sa tanan nga pulong nga gilitok sa akong eamahan; mao nga, wala ako mosupil batok kaniya sama sa akong mga igsoon.

17 Ug namulong ako kang Sam, mipahibalo kaniya sa mga butang nga gipakita sa Ginoo ngari kanako pinaagi sa iyang Balaan nga Espiritu. Ug nahitabo nga mituo siya sa akong mga pulong.

18 Apan, tan-awa, si Laman ug si Lemuel dili mopatalinghog sa akong mga pulong; ug kay ako anasubo tungod sa katig-a sa ilang mga kasingkasing, nangamuyo ako sa Ginoo alang kanila.

19 Ug nahitabo nga ang Ginoo namulong kanako, nga nag-ingon: Bulahan ikaw, Nephi, tungod sa imong apagtuo, tungod kay ikaw nagmakugihon sa pag-ila kanako, uban sa mapainubsanong kasingkasing.

20 Ug kon motuman kamo sa akong mga sugo, amouswag kamo, ug pagadad-on ngadto sa byuta nga saad; oo, nga mao ang yuta nga akong giandam alang kaninyo; oo, usa ka yuta nga pinili nga labaw sa uban pa nga mga yuta.

21 Ug kon ang imong mga igsoon mosupil batok kanimo, aipahimulag sila gikan sa atubangan sa Ginoo.

22 Ug kon ikaw motuman sa akong mga sugo, ikaw pagahimoon nga amagmamando ug magtutudlo sa imong mga igsuong lalaki.

23 Kay tan-awa, sa adlaw nga sila mosupil batok kanako, ako amotunglo kanila gani sa usa ka mapintas nga tunglo, ug sila walay gahom batok sa imong binhi gawas kon sila usab mosupil batok kanako.

24 Ug kon mosupil man sila batok kanako, mamahimo silang akastigo sa imong binhi, aron bmapukaw sila sa mga paagi sa paghinumdom.