Tautino

Taimi Aofai: 5 minute

Lui o le Faia o se Faatau

Gaoioiga (i le faagasologa o le vaiaso)

I le taimi lenei ua tatau ona amata ona e faatauina atu le auaunaga po o le mea gaosi o lo o taulimaina e lau pisinisi, pe afai e te le i faia i le taimi nei. I le vaiaso e sosoo ai, fai se faatau se tasi i se tagata faatau. Ia atiiae ni mea fou a o e galue e faatau atu lau auaunaga po o se mea gaosi.

Atonu e te lagona e lei saunia ona faatau atu lau auaunaga po o se mea gaosi. Ae ui i lea, o le faatau atu e fai ma uunaiga e amataina ai lau pisinisi, ona o le a e manaomia ona faataunuuina lou tiute o mea ua e faatauina atu. O le faatauina atu foi o le a e maua ai ni manatu faaalia e uiga i lau auaunaga po o le mea gaosi. Afai e iai se faafitauli i le faatau atu, o le a fesoasoani lenei manatu faaalia ia te oe e fetuunai ai ou manatu faapisinisi ina ia faamalieina tonu ai manaoga o tagata faatau. Afai e malosi le puleaina mai o ou avanoa faapisinisi, ia mautinoa ua ia te oe laisene talafeagai po o pemita e faatau atu ai lau auaunaga po o mea gaosi.

Iloa le aofai o tagata faatau o le a e manaomia ona talanoa iai ina ia fai ai se faatauga -- ona alu loa lea e fai. E pei ona tatou aoao mai ia Elder David A. Bednar i le mataupu 2, “O le faia o se faatinoga o le faaalia lea o le faatuatua.” E faapei o le fanauga a Isaraelu, e mafai ona faaalia lo tatou faatuatua e ala i le faatinoina ma savavali i le vaitafe.”

O le vaiaso o lumanai o le a fesiligia ai oe e lipoti (1) lou aafiaga i le faatauina atu i se tagata faatau e tasi ma (2) o le aofai o aso na e faatau atu ai.

Sailiina o Tagata Faatau

Faitau

A o amata ona e faatau atu, o le a e aoao auala silisili e maua ai tagata faatau. O le naunau e faataitai i manatu fou seia e maua se auala se tasi pe sili atu foi e fesoasoani atoatoa ia te oe e maua ai au tagata faatau.

Faatumu le vaega “Sailia” i lalo o le mataupu “E faapefea ona ou sailia ma tausia a’u tagata faatau?” i lau Fuafuaga o Pisinisi Patino.

Faitau tautinoga taitasi o lo o i lalo ma lau soa galue. O lou tomai e manuia ai le amataina po o le faaolaina o lau pisinisi o le a maoae atili pe a e tausia ma le filiga au tautinoga o vaiaso taitasi. Folafola atu e tausia au tautinoga ona saini lea i lalo.

O A’u Tautinoga
A. O le a ou tausia tautinoga o “Lo’u Faavae” mo lenei vaiaso: Usitai i tulafono po o mataupu faavae sa ou filifilia i le gaoioiga o “Lo’u Faavae” Faasoa atu mea na ou aoaoina e uiga i le usiusitai ma lou aiga po o uo.
E. O le a ou auai i lui o le Faia o se Faatau ma lipoti ou aafiaga i le vaiaso o muamua.
I. O le a ou faatumu le vaega “Sailia” i lalo o le “E faapefea ona ou sailia ma tausia a’u tagata faatau?” i la’u Fuafuaga o Pisinisi Patino.
O. O le a ou toe iloilo la’u itulau o le “Mafaufau Loloto” ma tausi i tautinoga.
U. O le a ou faafesootai ma lagolago la’u soa galue.

Manatua o le vaiaso o lumanai, o le a fesiligia ai oe e lipoti le aofai o aso sa e talanoa ai ma tagata faatau, tusi i lau tusi faamatalaga o le pisinisi, ma faatau atu, (tagai i le siata o le “Sailiiliina o A’u Taumafaiga” o lo o i le amataga o le tusi).

O la’u saini

Saini a la’u soa galue

Fai se tatalo faaiu.

Mo nisi faamatalaga i auala e sailia ai Tagata Faatau, asiasi i le srs.lds.org/sgmbmarketing.