“Puleaina o Tupe Faaaoga o La’u Pisinisi: Lipoti,” Amataina ma le Faaolaina o La’u Pisinisi mo le Ola Tutoatasi (2017)
“Puleaina o Tupe Fa’aaoga o La’u Pisinisi: Lipoti”
Lipoti
Taimi Aofai: 25 Minute
Fai se tatalo amata.
Tautinoga o le Vaiaso ua Tuanai
|
A. Tausia o tautinoga “O Lo’u Faavae”. |
|
E. Fai so’u lava totogi ma teu tupe o la’u pisinisi i se teugatupe ese mai la’u teugatupe patino. |
|
I. Tuu eseese faamaumauga mo lau pisinisi ma au tupe patino. |
|
O. Iloilo la’u itulau o le “Mafaufau loloto” ma tausi ia tautinoga. |
|
U. Faafesootai ma lagolago la’u soa galue. |
Laasaga 1: Iloilo faatasi ma le Soa Galue (5 minute)
Faaalu ni nai minute e iloilo ai au taumafaiga e tausia au tautinoga i lenei vaiaso. Faaaoga le siata “Iloiloina o A’u Taumafaiga” o lo o i le amataga o le tusi galuega lenei. Ona faasoa atu lea o lau iloiloga i lau soa ma talanoa faatasi ma ia i le fesili o lo o i lalo.
Talanoa:
O a ni luitau na e oo i ai i le tausia o au tautinoga i lenei vaiaso?
Laasaga 2: Lipoti atu i le Vaega (8 minute)
A uma ona iloilo au taumafaiga, toe o mai faatasi o se vaega ma lipoti atu au taunuuga. Faasolo faataamilo i le vaega ma tau mai e tagata taitoatasi pe na e faavasegaina oe lava i le “lanumumu,” “samasama,” po o le “lanumeamata” mo tautinoga taitasi o le vaiaso ua te’a. Tau mai foi le numera o aso sa e aoao ai tomai faapitoa faapisinisi taitasi e pei ona lipotia mai i le Siata o le “Iloiloina o A’u Taumafaiga”
Laasaga 3: Faasoa Atu Ou Aafiaga (10 minute)
Ia fefaasoaai nei o se vaega i mea ua e aoaoina mai le taumafaiga e tausia au tautinoga i le faagasologa o le vaiaso.
Talanoa:
-
O a ni luitau na e oo i ai i le tausia o au tautinoga i lenei vaiaso?
-
O le a le mea na e aoaoina i le tuu eseese o faamaumauga mo lau pisinisi ma au tupe patino.
Laasaga 4: Filifilia o Soa Galue (2 minute)
Filifili se soa galue mai le vaega mo le vaiaso a sau nei. E masani lava, o soa galue e itupa tutusa ma e le o ni tagata o se aiga e tasi.
Faaalu ni minute se lua i le taimi lenei e feiloai ai ma lau soa galue. Faailoa atu oulua lava ma talanoa pe faapefea ona lua fesootai o le tasi i le isi i le faaasologa o le vaiaso.
Igoa o le soa galue
Faamatalaga e fesootai ai
Tusi pe faapefea ma po o afea o le a oulua fesootai ai o le tasi i le isi i le vaiaso lenei.