“Puleaina o Tupe Fa’aaoga o La’u Pisinisi: O Lo’u Faavae: Ia Tasi: Auauna Faatasi,” Amataina ma le Faaolaina o La’u Pisinisi mo le Ola Tutoatasi (2017.)
E faapefea e le faagaloina o au lava i le auauna atu i isi ona faasaoina moni ai au?
“I le Ala a le Alii,” o lo o maua i le srs.lds.org/videos (A e a pe a le maua le vitio? Faitau le tusiga o lo o maua i le faaiuga o lenei vaega.)
E mafai faapefea e le auauna atu i isi ona tatalaina faamalama o le lagi i lou olaga?
O nisi e lagona e tatau ona latou maua mea o lo o i ai i isi tagata, lea e mafua ai le ita. O isi e lagona le agavaa i mea latou te lei mauaina. O nei papupuni e lua e noatia ai tagata mai le vaaia o se upumoni taua: o mea uma e a le Atua ia. E mafai ona faatoilaloina le ita ma le agavaa e ala i le taulai atu i mea e manaomia e isi tagata. Faitau le Mosaea 2:17 , Mosaea 4:26 , ma le upusii mai ia Peresitene Gordon B. Hinckley.
Ata
Faavaa o le tusi O Lo’u Aiga
O le faamoemoega o lenei gaoioiga o le fuafua o se galuega fesoasoani tou te faamaeaina i lenei vaiaso o se vaega.
Laasaga 1: I le avea ma se vaega, mafaufau i se tasi o manaomia le fesoasoani.
Laasaga 2: Talanoa i taleni, tagata e faafesootai ma punaoa e mafai ona e ofoina atu.
Laasaga 3: Fai se fuafuaga e auauna atu i lena tagata. Mo se faataitaiga, e mafai ona e:
Faatino se galuega auauna atu i lou alalafaga.
Saunia lou talafaasolopito o aiga e faaaoga ai le tamaitusi o le O Lo’u Aiga: O Tala e Aumai Faatasi ai i Matou. . Ona alu lea i le malumalu ma faatino sauniga paia mo tagata o le aiga ua maliliu.
Fesoasoani i se tasi i lona auala i le ola tutoatasi.
Upu sii mai ia Elder Robert D. Hales ma Peresitene Thomas S. Monson.
Tautino atu e faia faatinoga nei i le faagasologa o le vaiaso.
Afai e le mafai ona e matamata i le vitio, filifili nisi se toalua o le vaega e faitau le tusiga lenei.
Peresitene Henry B. Eyring: O mataupu faavae i le faavaega o le polokalama uelefea a le Ekalesia, e le mo na o se taimi se tasi po o se nofoaga e tasi. E mo taimi uma ma nofoaga uma. …
… O le auala e faia ai e manino. O i latou ua faasolosolo ina tele [ni mea] e ao ona faamaualaloina i latou lava e fesoasoani ia i latou o manaomia le fesoasoani. O i latou ua matua faatamaoaigaina e ao ona ositaulaga ofofua nisi o o latou tulaga mafanafana, o taimi, o tomai, ma punaoa e faamama ai le mafatia o i latou o manaomia le fesoasoani. Ma o le fesoasoani e tuuina atu i se auala e faateleina ai le mana o le tagata e taliaina e tausia i latou lava [ma ona tausia lea o isi]. Afai e faia lenei mea i le ala a le Alii, e mafai ona tupu se mea ofoofogia. E faamanuiaina uma le tagata e foai ma le tagata e taliaina.
(Saunia mai le lauga na tuuina mai e Peresitene Eyring i le faapaiaga o le Sugarhouse Utah Welfare Services Center, Iuni 2011, LDS.org
Peresitene Dieter F. Uchtdorf: Uso e ma tuafafine, ua tofu i tatou ma se tiutetauave tuuto ia nofouta i manaoga o isi ma auauna atu e pei ona sa faia e le Faaola—e aapa atu, faamanuia, ma sii a’e i latou e siomia i tatou.
E masani lava, o le tali i la tatou tatalo e le oo mai a o tatou tootutuli, ae pe a o tatou savavali, e auauna atu i le Alii ma auauna atu ia i latou e siomia i tatou. O galuega le manatu faapito o le auauna atu ma le faapaiaina e faamamaina ai o tatou agaga, aveese ai una mai o tatou mata faaleagaga, ma toina mai ai pupuni o le lagi. O le avea ma tali i le tatalo a se isi tagata, e masani ona maua ai le tali o a tatou lava tatalo.
(“Faatalitali i le Auala i Tamaseko,” Ensign po o le Liahona , Me 2011, 76)