Tausiaina o Tagata Faatau: Aoao” Amataina ma le Faaolaina o La’u Pisinisi mo le Ola Tutoatasi (2017)
“Tausia o Tagata Faatau: Aoao”
Aoao
Taimi Aofai: 60 minute
1 . Fausiaina o le Faamaoni ma Tagata Faatau
Faitau:
I le taimi lenei, ua tatau ona iai se tagata faatau se tasi. Afai e leai, taulai atu ina ia maua se tagata faatau i se taimi vave lava.
A maua loa ni au tagata faatau, e ao ona e galue malosi e tausia lo latou faamaoni i lau pisinisi. E mafai ona e fausia le faamaoni i le faaauai o au tagata faatau, faalogo ia i latou, ma fausiaina ni aafiaga lelei mo i latou. O le sailia o ni tagata faatau fou atonu o le a taugata atu nai lo le tausia o i latou o iai nei.
Talanoa:
Vaai faalemafaufau e faapea o le a e tatalaina se fale otiulu i lou vaiaai. O le toatele o tagata faatau e manatunatu i le tau ma o le a o i le fale otiulu e sili ona taugofie ma ofoina atu se kuponi po se pau.
-
O a nisi o mea e mafai ona e faia e atiiae ai le faamaoni i lou fale otiulu ina ia o mai pea e ui ina leai se pau o lau auaunaga?
-
O ni mea e mafai ona e fai e mafai ai ona e faia se tau maualuga?
2 . Faaaafiaina o A’u Tagata Faatau
Faitau:
O le faaafiaina o tagata faatau e sili atu nai lo lo latou iloa o lau pisinisi. O lona uiga o le faaauai malosi o i latou ma uunaia ma le faamoemoe i latou ina ia auai. A o e faaauai tagata faatau, latou te atiiaeina le sootaga patino i lau pisinisi ma maua se lagona o le auai. O le a le pine foi ona sili ae lo latou faamaoni i au auaunaga po o se oloa gaosi ma faailoa atu lau pisinisi i isi.
Saili pea lava pea i ni auala e faaauai au tagata faatau. Latou te mananao e faaali mai o latou lagona, fefaasoaai aafiaga, ma tuuina mai manatu mo ni auaunaga ma oloa gaosi fou. E mafai ona e faaauai patino tagata faatau, e ala i aafiaga, ma tekinolosi. O ala o faasalalauga faaleagafesootai ma le imeli o faataitaiga o auala e faaauai tagata faatau e ala i le faatekinolosi.
Talanoa:
Mafaufau i se pisinisi ua faauai oe o se tagata faatau. E mafai faapefea e lea mea ona aafia ai lau sootaga ma lau pisinisi?
Faitau:
I le avea ai ma tagata faipisinisi, ia mautinoa ua faaauai au tagata faatau i ni auala mafaufauina lelei. Mo se faataitaiga, o le fesootaiga e ala i le imeli e mafai ona avea ma auala lelei. Ae ui i lea, afai e te auina le tele o imeli, po le ituaiga imeli sese, atonu o le a e faaita lau tagata faatau po o le fesiligia ai foi o lo latou faamaoni. O aafiaga o au tagata faatau e ao ona faamuamua ia te oe.
3 . Faalogo i A’u Tagata Faatau
Faitau:
O se tasi o auala e atiiae ai le faamaoni o le faalogo lea i au tagata faatau. Afai e te faalogo, “e uai atu ai [ou] taliga i le poto, e faasaga atu ai lou loto i le faautauta” (Faataoto 2:2). E masani e au tagata faatau ona tuuina mai manatu faaalia aoga e taitai atu i ni manatu fou, faaleleia o auala e fai ai mea, ma auaunaga sili. E mafai e tagata faipisinisi ona faalogo i o latou tagata faatau i le tele o auala, e pei o nei:
|
Auala e Fesootai ai Tagata Faatau ma Pisinisi | |||
|---|---|---|---|
|
Ata aikona mo faamatalaga i fesootaiga faale-tagata faamatalaga i fesootaiga faale-tagata E tuuina mai e tagata faatau ia manatu faaalia i se tagata faipisinisi po o se tagata faigaluega. |
Ata aikona o le tautau atu i upu ma tala faamatalaga o le tautau atu i upu ma tala E tuuina atu e tagata faatau ia manatu faaalia i a latou uo, po o isi tagata faatau. |
Ata aikona o le Faasea Faasea E faaali atu e tagata faatau manatu faaalia le lelei ina ia malamalama pe faatino ai se fuafuaga tatau. |
Ata aikona o le Iloiloga ma Fuataga Iloiloga ma fuataga E fua e le tagata faatau le lelei o se pisinisi ma auaunaga (e masani ai i le initoneti). |
|
Ata aikona Sailiiliga Sailiiliga E fesiligia e pisinisi manatu faaalia mai tagata faatau. |
Ata aikona o le Ala o Faasalalauga Faaleagafesootai Ala o faasalalauga faaleagafesootai E faaaoga e tagata faatau mea faatekinolosi e fefaasoaai ai manatu faaalia ma se faapotopotoga tele. |
Ata aikona o le faaiuga mo mea faatau Faaiuga mo mea faatau E faailoa e tagata faatau mea latou te faamuamua ma tauaogaina e ala i mea latou te filifilia e faatau pe le faataua. |
Ata aikona o le Aloaia ma faailoga Aloaia ma faailoga E maua e se pisinisi le viiga po o se faailoga mo lona tulaga maoae po o ana auaunaga. |
4 . Fetuutuunai e tusa ai ma Fesuiaiga o le Maketi
Faitau:
A o e faaauai ma faalogo i au tagata faatau, e mafai ona e mataituina faiga fou po o suiga e manaomia ai lou fetuutuunai o lau pisinisi. Atonu o fesuiaiga nei i manaoga o tagata faatau, aganuu, tekinolosi, po o tauvaga.
Maimoa:
“Fetuutuunai e tusa ai ma Fesuiaiga o le Maketi,” o loo maua i le srs.lds.org/videos. (A e a pe a le maua le vitio? Faitau le tusiga o lo o maua i le faaiuga o lenei vaega.)
Talanoa:
O a faiga po o suiga e ono aafia ai lau pisinisi? O a ni auala e te tali atu ai?
5 . Fausiaina o se Aafiaga Fiafia ma Tagata Faatau
Faitau:
O tagata faipisinisi faamanuiaina latou te maua auala e faafiafia ai tagata faatau e ala i le faasili atu nai o latou faamoemoega. E mananao tagata faatau i o latou aafiaga ina ia faigofie, talafeagai, ma tuuina atu i se auaunaga maoae. E fua maulauga foi e tagata faatau se pisinisi e mulimuli tui i ana folafolaga ma tumau ai i ana auaunaga ma oloa gaosi. O le tuuina atu i le tagata faatau o se aafiaga e manatua pea e tauia lelei e ala i faatauga e mafua i le faasalalauina atu i upu ma tala ma le faateleina o le faamaoni.