O Lo’u Faavae: Faaaoga Tatau Le Taimi

Taimi Aofai: 5 minute

Mafaufau loloto:

Aisea ua avea ai le taimi ma se tasi o meaalofa silisili a le Atua?

Maimoa:

“O Le Meaalofa o le Taimi,” o lo o maua i le srs.lds.org/videos (A e a pe a le maua le vitio? Faitau le tusiga o lo o maua i le faaiuga o lenei vaega.)

Talanoa:

O le a se mea na e aoaoina mai ia Sister Benkosi?

Faitau:

Alema 34:32 ma le upusii mai ia Peresitene Polika Iaga.

Alema 34:32

“Aua faauta, o le olaga lenei o le taimi lea mo tagata e saunia ai e feiloai ma le Atua; ioe, faauta o le aso o le olaga lenei o le aso lea mo tagata e fai ai a latou galuega.”

Polika Iaga

“O le taimi o mea uma ia o lo o iai i le fogaeleele, afai e faaaoga ma le faautauta, o le a aumai ai mea e faaopoopo i lo outou ola filemu, talafeagai, ma le faamalieina. E ao ona tatou mafaufau i lenei, aua le toe nofonofo ma piilima, faamaimau taiimi.”

In Discourses of Brigham Young, sel. John A. Widtsoe (1954), 214

Gaoioiga: (5 minute)

Laasaga 1: Faitau faatasi ma se paga, ia laasaga e lima e mafai ona e faia i aso taitasi e faaaoga lelei ai lou taimi.

1. Lisi ia Galuega	2. Tatalo	3. Seti Mea e Faamuamua	4. Seti ia Sini, Galue	5. Lipoti
I taeao taitasi, fai se lisi o galuega e fai. Faaopoopo igoa o tagata e auauna i ai.	Tatalo mo le taitaiga. Iloilo lau lisi o galuega. Faalogo. Tautino atu e te faia le mea silisili.	I lau lisi o galuega, tuu se 1 i talaane o le mea e sili ona taua, se 2 i talaane o le mea e sosoo ai le sili ona taua, ma faapena ai lava.	Faalogo i le Agaga. Seti ia sini. Galue malosi. Amata i le galuega e sili ona taua ma faasolosolo i lalo o le lisi.	I po taitasi, ia lipoti atu i le Tama Faalelagi i le tatalo. Fai ni fesili. Faalogo. Salamo. Lagona Lona alofa.

Laasaga 2: Taitasi ma lisi au galuega o aso taitasi po o le faavaiaso i se fasipepa. O nei galuega e tatau o ni galuega taua mo lau auaunaga i le galuega, mo le aoga, mo le lotu, pe mo le aiga—e le na o feau i aso taitasi. Faatulaga lau lisi ma tatalo e uiga i ai.

Laasaga 3: Amata taeao, faatu ni sini, faatino, ma lipoti i le Tama Faalelagi le auala sa e faaaoga ai lou taimi.

Tautino:

Tautino atu e faia faatinoga nei i le faagasologa o le vaiaso.

• Faataitai laasaga e lima o lo o faamatalaina atu i luga i aso uma e faaaoga lelei ai lou taimi. Lipoti atu po taitasi i le Tama Faalelagi i au tatalo.

• Faasoa atu mea na e aoaoina i le aso e uiga i le faaaogaina lelei o lou taimi ma lou aiga po o uo.

O Le Meaalofa o le Taimi

Afai e le mafai ona e matamata i le vitio, filifili se tasi o le vaega e faitau le tusiga lenei.

O Le Usiusitai e Aumai ai Faamanuiaga

Kofi: Talofa, Sister Benkosi. O a mai oe?

Sister Benkosi: O lelei mea uma, Kofi?

Kofi: Oi, Sister Benkosi. Ua ou pisi lava. E tatau ona ou faigaluega, auauna atu ma fesoasoani i lo’u aiga … sosoo ai foi ma lau lakapi. E leai so’u taimi!

Tuafafine E.: Kofi, o lo o ia te oe le taimi atoa o lo o i ai.

Kofi: E a?

Tuafafine E.: Si au tama, ua tuuina mai e le Atua ia i tatou se meaalofa sili—lo tatou taimi. E tatau ona faaaoga lo tatou taimi e faia ai mea e sili ona taua.

Kofi: Ae faapefea, Tuafafine Benkosi? E tele lava ni mea sa e faia. Ua faamanuiaina oe i lou aiga, ma lau pisinisi. Ua e auauna atu ma faamanuia le toatele o tagata, e pei o au. Ou te le iloa pe faapefea ona e faia.

Tuafafine E.: E te manao moni lava e iloa? Afai e te nofo filemu ma faalogo, o le a ou ta’u atu ia te oe la’u mealilo.

O taeao taitasi ou te ala ai e lei oso ae le la. E fai ou lavalava ma fufulu ou mata ma lima.

Ou te faitau i tusitusiga paia. Ona ou faia lea o se lisi o mea e tatau ona faia i lena aso.

Ou te mafaufau i se tasi ou te auauna i ai. Ou te tatalo ia iloa le finagalo o le Atua. Ma ou te faalogo.

O nisi taimi e oo mai igoa ma foliga o tagata i lo’u mafaufau. Ou te faaopoopoina i latou i la’u lisi.

Kofi: O le mea la lena e te iloa ai le tagata e manaomia lau auaunaga?

Tuafafine E.: Ioe, Kofi. Ma ou te tatalo mo le malosi ma le poto. Ou te tatalo o le a “faapaiaina e le Atua [la’u] galuega.” E tau mai lena mea i le 2 Nifae 32

Ou te faafetai ia te Ia. Ou te folafola atu e faia le mea silisili. Ou te ole atu e Na te faia mea e le mafai ona ou faia.

Ona ou tilotilo lea i la’u lisi. Ou te tuua le 1 i talaane o le mea e aupito taua, sosoo ai ma le 2.

Kofi: E faapefea ona e iloa mea e faamuamua?

Tuafafine E.: Ou te faalogo pe a ou tatalo! Ona ou alu lea ou te galue. Ou te tilotilo i le numera 1 ma taumafai e fai muamua, ona fai lea o le numera 2.

O nisi taimi e suia ai ni mea. E ta’u mai e le Agaga Paia ia te au e fai se isi mea. E lelei lena.

Ou te galue malosi, ae ou te maua le filemu. Ou te iloa o le a fesoasoani le Atua ia te au.

O lea la, faatasi ai ma la’u lisi ma le Agaga, ou te faia ai mea e taua, Kofi.

Kofi: E foliga mai e faigofie ma faigata lena mea i le taimi e tasi.

Tuafafine E.: E sao oe! Pe a oo ina ou sauni e moe, ou te tatalo. Ou te lipoti atu i le Tama Faalelagi. Ou te ta’u atu ia te Ia lo’u aso. Ou te faia ni fesili. Ou te fesili atu po o a mea e mafai ona sili atu ona ou faia. Ou te faalogo. E masani ona ou lagonaina Lona alofa. Ou te iloa e Na te faalautele mea ou te taumafai e fai. Ona ou maua lea o le filemu, Kofi, ma ou moe ai.

Kofi: Manaia lena mea, Mama Benkosi. Ou te manao i lenei filemu. Ou te manao e faaaoga lo’u taimi. Ou te manao ia sili atu ona ou galue ma auauna atu.