Lipoti

Taimi Aofai: 25 Minute

Fai se tatalo amata.

Tautinoga o le Vaiaso ua Tuanai

A. Tausia tautinoga “O Lo’u Faavae”

E. Faia ni faatalanoaga ma le itiiti ifo i le lima nisi e ono fai ma tagata faatau ina ia maua ai ni manatu ma aoao le mea e manaomia ina ia latou faatau mai ai ia te au.

I. Faatumu laina i lalo o le “Faamaoniga o la’u pisinisi e maua ai tupe” i lau Fuafuaga o se Pisinisi Patino.

O. Iloilo lau itulau o le “Mafaufau loloto” ma tausia tautinoga.

E. Faafesootai ma lagolago la’u soa galue.

Laasaga 1: Iloilo faatasi ma le Soa Galue (5 minute)

Faaalu ni nai minute e iloilo ai au taumafaiga e tausia au tautinoga i lenei vaiaso. Faaaoga le siata “Iloiloina o A’u Taumafaiga” o lo o i le amataga o le tusi galuega lenei. Faasoa atu lau iloiloga i lau soa ma talanoa faatasi ma ia i le fesili o lo o i lalo. Manatua o le “Faamaumauga Auiliili o Tupe” o se tomai o le a tatou amata ona faaaogaina pe a maea mataupu o mulimuli mai.

Talanoa:

O a ni luitau na e oo i ai i le tausia o au tautinoga i lenei vaiaso?

Siata o le Iloiloina o Au Taumafaiga

Laasaga 2: Lipoti atu i le Vaega (8 minute)

A uma ona iloilo au taumafaiga, toe o mai faatasi o se vaega ma lipoti atu au taunuuga. Faasolo faataamilo i le vaega ma tau mai e tagata taitoatasi pe na e faavasegaina oe lava i le “lanumumu,” “samasama,” po o le “lanumeamata” mo tautinoga taitasi o le vaiaso ua te’a. Tau mai foi le numera o aso sa e faatinoina ai tomai faapitoa faapisinisi taitasi e pei ona lipotia mai i le Siata o le “Iloiloina o A’u Taumafaiga”

Laasaga 3: Faasoa Atu Ou Aafiaga (10 minute)

Ia fefaasoaai nei o se vaega i mea ua e aoaoina mai le taumafaiga e tausia au tautinoga i le aluga o le vaiaso.

Talanoa:

• O a ni aafiaga na e oo i ai i le tausia o au tautinoga “O Lo’u Faavae”?

• O a mea na e aoao mai i le talanoa atu i nisi e ono fai ma tagata faatau i le vaiaso lenei?

Laasaga 4: Filifilia o Soa Galue (2 minute)

Filifili se soa galue mai le vaega mo le vaiaso a sau nei. E masani lava, o soa galue itupa e tutusa ma e le o ni tagata o se aiga e tasi.

Faaalu ni minute se lua i le taimi lenei e feiloai ai ma lau soa galue. Faailoa atu oulua lava ma talanoa pe faapefea ona lua fesootai o le tasi i le isi i le faagasologa o le vaiaso.

Igoa o le soa galue

Faamatalaga e fesootai ai

Tusi pe faapefea ma po o afea o le a oulua fesootai ai o le tasi i le isi i le vaiaso lenei.

Faasologa o fesootaiga i le vaiaso