“Faaopoopoga,” Amataina ma le Faaolaina o La’u Pisinisi mo le Ola Tutoatasi (2017)
“Faaopoopoga”
Lisi o Upu ma o Latou Uiga
-
aia patinoO se aia lesitala e se pisinisi ma le malo e taofia ai isi tagata mai le fausia, faaaogaina, po o le faatauina atu o le mea na muamua fai e le pisinisi.
-
aitalafuO tupe nono mai ma nofo aitalafu ai i le isi tagata po o se faalapotopotoga.
-
aitalafu e le mafai ona toe faaolaO se aitalafu ua tauave e le pisinisi ona ua le mafai e le tagata faatau ona totogi. Ua tusiese e le pisinisi le paleni o lo o nofo aitalafu ai ona ua le mafai ona toe totogi.
-
ala o faasalalauga faaleagafesootaiMasini faatekinolosi e faaaoga e fesootai ai, faaaofia ma faalogo ai i tagata faatau.
-
AsetaO se aitema faitino pe le faitino, e pulea ma taulimaina e le pisinisi e maua mai ai se penefiti i le lumanai. O le taua o le aofai o aseta a le pisinisi o lo o auiliiliina i luga o se pepa o faamatalaga.
-
atamai totinoO manatu po o mea atiiae auiluma ua puipuia faaletulafono i latou o e gafataulimaina.
-
auaiO le auai malosi po o le faamalosia o le auai e seisi tagata po o se vaega.
-
auala o fefaatauaigaO le auala e faatau atu ai e se pisinisi ana auaunaga po o oloa gaosi i tagata faatau.
-
avanoa faatauvaO se tulaga po o se avanoa e mafai ai e le pisinisi ona faagaoioi sili atu ona lelei, ofoina atu o tulaga maoae, po o le tuuina atu o penefiti sili atu nai lo isi pisinisi. O avanoa faatauva e mafai ai e se pisinisi ona maua pe faatumauina le tele o tagata faatau.
-
faaaitalafuO se maliega i le va o le tagata faaune atu tupe ma le tagata e nono mai tupe e mafai ai e le tagata o nono mai tupe ona faatau auaunaga po o oloa gaosi i le taimi nei ma toe totogi le tagata faaune atu tupe i se aso o i luma.
-
faaaliga vaaiaO se ata o se tulaga manaomia i le lumanai.
-
Faaitiitia o le aogaO le auala o faamatalaga tautupe e faaaoga e faaitiitia ai le aoga o se aseta i le taimi faatulagaina. O le faaitiitia o le aoga e talafeagai ma le matua o le aseta ona ua le toe gaosia pe ua le aoga.
-
faalagolago o le tagata ia te ia lavaO le tomai, tautinoga, ma le taumafaiga e saunia mea faaleagaga ma faaletino e manaomia o le olaga mo le tagata lava ia ma le aiga.
-
faaleleia atoatoa o masini faatekinolosiO le faagasologa e faaleleia ai le tulaga o se uepisaite i sailiiliga i luga o le laina ina ia faatupulaia ai le toatele o tagata faatau i lena uepisaite.
-
faamatalaga o se polofiti po se tupe ua leiloa (P&L)O se faamatalaga o tupe o lo o auiliili mai ai tupe maua ma tupe faaalu i se vaitaimi faatulagaina ma iloa ai po o maua e le pisinisi se polofiti pe ua gau. E taua foi o se faamatalaga o tupe maua.
-
faamatalaga o tupe faaaogaO se faamatalaga o mea tautupe e auiliili ai tupe maua ma tupe faaalu e faalagolago i le faagaoioiga o le pisinisi, tupe teu, ma gaoioiga.
-
faamatalaga o tupe mauaO se faamatalaga o tupe o lo o auiliili mai ai tupe maua ma tupe faaalu i se vaitaimi faatulagaina ma iloa ai po o maua e le pisinisi se polofiti pe ua gau. E taua foi o le faamatalaga o se polofiti po se tupe ua leiloa (P&L).
-
faamaumauga faasolo o tupe maua ma tupe faaaluO se fomu o mea tautupe e faamaumau ai le faagaioioiga o tupe maua ma tupe faaalu
-
faatupe e le toateleO se auala o nonogatupe e mafai ai e le toatele o tagata ona lagolago se pisinisi e ala lea i le faamatuu atu o se saofaga itiiti i le initoneti.
-
faavaitauO se mamanu masani ma iloagofie e fesuisuiai ai gaoioiga a le pisinisi e fuafua i le vaitau po o le taimi o le tausaga.
-
Faia lava e oeO le faagoioiga e se tagata o lo o atiae se pisinisi e ala i le faia o le galuega e ia lava.
-
Faiga Masani Sili ona LeleiO se auala e faia ai se mea e faapea e sili ona lelei mo se pisinisi po o se alamanuia.
-
faleoloa o oloa siiatoaO se pisinisi nate faatau atu oloa gaosi siiatoa tetele i pisinisi laiti.
-
faufautuaO se faufautua faamaoni ma atamai e taialaina ma faamalosia se tagata e laitiiti ona aafiaga.
-
Fausaga o se pisinisiO se faalapotopotoga faaletulafono aloaia ua filifilia e se pisinisi, e pei o le pulea e se tagata e toatasi, faiga soofaatasi, po o se kamupani.
-
fesoasoani mo pisinisi tau amataO se faalapotopotoga e tuuina atu tupe, avanoa i ofisa, faufautua, po o isi lagolago i se pisinisi fou i se taimi faatulagaina. E tusa ai ma lea tulaga, e maua e le pisinisi tau amata se pasene itiiti o le puleaina o le pisinisi fou.
-
finagalo faaaliaO faamatalaga moomia fefaasoaai e maua ai le malamalama ma faamalosia ai mea e fia faaleleia.
-
fuafuaga o se pisinisi patinoO se faatulagaga e faaaoga e fuafua ai pea auiliiliga ma fua ai le aoga o se avanoa mo se pisinisi.
-
Galue maeaeaO le ausia o se faaiuga manaomia e aunoa ma le faamaumauina o le taimi, malosi, mea manaomia, po o tupe.
-
laina o aitalafuO se fuafuaga o se nonogatupe e mafai ai e le pisinisi ona nono mai tupe pe a manaomia e oo atu i se aofaiga patino, e masani ai mo se faamoemoega mo se taimi puupuu.
-
laiseneFaatagana aloaia po o le faaletulafono e fai pe faaaoga ai se mea.
-
Lisi o oloaO se auiliiliga o oloa gaosi uma lava po o mea manaomia o taulimaina e mafai e le pisinisi ona faatau atu pe faaaoga.
-
lisitiO le faamaumauga e faamaonia ai ua maua e le pisinisi tupe e tusa ai ma le auaunaga po o oloa gaosi.
-
maketiO tagata po o faalapotopotoga o iai le gafatia e faatau mai ai auaunaga po o oloa gaosi.
-
mea e faaaogaO auaunaga a le malo e pei o le eletise, kesi, po o le suavai
-
MoomiaO le tele o le auaunaga po o oloa gaosi e moomia e le tagata faatau ona faatau mai i le tau talafeagai.
-
noatagaO se aitalafau po o se mea o saisaitia ai le pisinisi O le tau aofai o noataga a le pisinisi o lo o auiliiliina i luga o se pepa o faamatalaga.
-
Nonogatupe laitiO se tupe itiiti lava ua nono atu e se faalapotopotoga i se pisinisi e leai sona sootaga i auaunaga a faletupe.
-
pasene o tupe mama O le pasene o tupe totoe a le pisinisi ina ua maea ona toesea le tau fesuisuiai ma le tau faatulagaina mai tupe maua o ana faatauga. E taua le pasene o tupe mama o totoe aua e mafai ai e le pisinisi ona faatusatusa ia lava i isi pisinisi tali tutusa.
-
pasene o tupe totoe toese le tau fesuisuiaiO le pasene o tupe totoe a le pisinisi ina ua maea ona toesea le tau fesuisuiai mai tupe maua o faatauga (a o le i toesea tau faatulagaina). E taua le pasene o tupe totoe toese mai le tau fesuisuiai aua e mafai ai e le pisinisi ona faatusatusa ia lava i isi pisinisi tali tutusa.
-
Pepa o faamatalaga o mea tautupeO se faamatalaga o mea tautupe e auiliili ai aseta (assets) ma noataga (liabilities), faapea foi ma sea o vaevaega tutusa (equity) a le pulea le pisinisi i se vaitaimi faatulagaina. I le pepa o faamatalaga o mea tautupe, o aseta o le pisinisi o le a tutusa ma le aofai o ana noataga faaopoopo iai ma le sea o vaevaega tutusa a le pule o le pisinisi.
-
Pepa o piliO se pili e auiliili mai ai e le pisinisi se lisi o auaunaga po o oloa gaosi o iai.
-
pisinisi autuO le gaoioiga autu na fausiaina ai le pisinisi na te faataunuuina. E tatau i se pisinisi ona galue pea lava pea i le faaleleia ma le mauaina o le atoatoa maualuga i lenei gaoioiga.
-
pisinisi laitiO se pisinisi e faatau sao atu i tagata faatau.
-
polofitiO se tupe maua pe a toese tupe faaalu mai tupe maua ona iai lea o se tupe mama.
-
polofiti atoaO le eseesega i le va o tau fesuisuiai ma tupe maua mai faatauga. E taua le polofiti atoa aua e faailoa mai ai le polofiti autu a le pisinisi O le polofiti atoa e faailoa mai i le tala faamatalaga o tupe.
-
polofiti mamaO le eseesega o tupe maua mai faatauga ma tupe alu uma (tau fesuisuiai ma tau faatulagaina). E taua foi o le tupe maua mama po o le laina pito i lalo mulimuli. O le polofiti mama o lo o faailoa mai i le tala faamatalaga o tupe maua.
-
punaoaSoo se mea e faaaoga e fesoasoani ai i le faagaoioiga o le pisinisi.
-
sapalaiO se pisinisi nate sapalaia auaunaga po o oloa gaosi i isi pisinisi.
-
soaO se faalapotopotoga po o se tagata o galulue faatasi ma se pisinisi e lagolago ana gaoioiga.
-
Soa GalueO se tagata o le vaega e lagolago ma tali atu i le isi tagata o le vaega e ala i le tausia o ana tautinoga faalevaiaso.
-
tagata e teu faafaigaluega ana tupeO se tagata mauoa e teu faafaigaluega ana tupe e ala i le tuuina atu o tupe ma fautuaga i se pisinisi fou ae pulea e ia se vaega o le pisinisi.
-
tagata faatauO se tagata po o se faalapotopotoga ua faatau mai auaunaga po o oloa gaosi mai se pisinisi.
-
TauO le aofai o le tupe e faaaluina e le pisinisi e gaosi ai se oloa po o le faia ai o se auaunaga.
-
taualumaga o le galuegaO le faatulagaga o laasaga faifaipea po o galuega faataunuuina pea lava pea ina ia maua ai le faaiuga manaomia. E taua foi o laasaga faatulagaina o se pisinisi.
-
Tau faatulagainaO se tau e taulimaina e se pisinisi e tusa lava po o le a le tele pe itiiti o mea na te gaosi pe faatau atu. Faataitaiga o tau faatulagaina e ono aofia ai totogi o fale, totogi o inisiua, ma totogi o le pule.
-
tau fesuisuiaiO se tupe faaalu fesuisuiai a le pisinisi e faalagolago i le gafatia e le pisinisi o mea e faatau atu pe gaosi. O le tau fesuisuiai e mafai ona faapea o le aofai o le tupe na faaalu i mea manaomia po o le galuega e gaosi ai oloa.
-
totogiO se totogi masani e faia e se pisinisi mo se tagata faigaluega, e faalagolago i le aofai o itula faigaluega.
-
tufaoloaO se pisinisi nate sapalaia oloa talafeagai i isi pisinisi.
-
tulafonoO se tulafono ua faia e se ofisa o le malo
-
tulaga maoaeO se faatasiga e faailoga ma fuaina ai le alualu i luma o se pisinisi.
-
tului mo tupe faaaluO le tau faatupulaia mo le nonogatupe.
-
tului mo tupe mauaO tupe e maua mai le faaune atu o tupe i se taimi faatulagaina.
-
Tupe faaaluO tupe e faaalu e le pisinisi ina ia maua ai le auaunaga po o oloa gaosi.
-
tupe faaalu mo tagata faigaluega e le aafia ai i totogiO tupe faaalu i le pule e fesootai ma se tagata faigaluega, e faapei o lafoga, inisiua, ma isi penefiti e le aofia ai i le totogi.
-
tupe faaaogaO se fua o le aofai o tupe maua ma tupe faaalu e le pisinisi i se vaitaimi faatulagaina.
-
tupe faaaoga fuafuainaO se vaaiga mamao o tupe maua ma tupe faaalu i se vaitaimi faatulagaina.
-
tupe faameaalofaTupe e tuuina mai mo ni faamoemoega faapitoa e le toe totogiina atu.
-
tupe faavaeO le aofai o se tupe tele ua faamatuu atu e se ofisa o mea tautupe e faafaigaluega i se pisinisi ma le faamoemoe mo le ola tele ma avea ma pisinisi e tele tupe mama polofiti e maua mai ana faatauga.
-
Tupe faavae o se pisinisiAseta o le pisinisi e pei o tupe, mea faigaluega, po o fanua, e faaaoga mo le auaunaga po o le gaosia o ni oloa.
-
tupe leiloaO le faaitiitia o tupe e faailoa i tupe maua toese tupe faaalu.
-
tupe mauaO tupe e maua e le pisinisi mai tagata faatau mo le faatauina atu o auaunaga po o oloa gaosi.
-
tupe maua (a le pisinisi)O le tupe lea ua totoe ina ua toese tupe faaalu mai tupe maua. O tupe maua ia e taua foi o le polofiti mama po o le laina pito i lalo mulimuli.
-
tupe maua (mo tagata taitoatasi po o le aiga)O le tupe e maua pe ua galulue iai tagata taitoatasi po o le aiga.
-
tupe nono a le tasi mai le isiO se auala o aitalafu e nono atu ai e tagata taitasi i se tagata faipisinisi e ala atu i auaunaga i luga o le initoneti.
-
tupe nono e le tagata faatauO aitalafu a tagata faatau mo le auaunaga po o oloa gaosi na faatau mai le pisinisi.
-
tupe nono mai e le pisinisi O tupe nono mai e le pisinisi mo le auaunaga po o oloa gaosi.
-
tupe paleniO le aofai o tupe o lo o iai i le teugatupe i le taimi nei.
-
tupe tuluiO tupe ua totogiina mai tupe nono ( pe ua maua i tupe nono).
-
tusi lesona a le tagata aoaoO se faamatalaga o iai faatonuga mai lea laasaga i lea laasaga e faamatalaina ai le auala e faagaioi ai gaioiga faapisinisi patino
-
tuutuuga o tupe totogiO tuutuuga ua malilie iai le tagata faatau ma le faatauoloa ina ia faamaea ai le faatauga.
-
Upega o fesootaigaO se vaega o tagata ma faalapotopotoga fesootai.
-
Vaega pisinisiO le aia e faataga ai se pisinisi e faagaioi ai ma faatau atu ni auaunaga po o oloa gaosi i se nofoaga faatulagaina.
-
vaega tutusa a le faipisinisiO le aoga o totoe pe a maea ona toese noataga a le pisinisi mai ana aseta uma. O le taua o le aofai vaevaega talafeagai a le tagata faipisinisi o lo o auiliiliina i luga o se pepa o faamatalaga.
-
vaevaega talafeagaiO le taua o le puleaina I le tele o tulaga, o vaevaega talafeagai o le aoga tautupe lea o le pule pe a maea ona toese noataga uma mai aseta uma o lo o iai.