1: Aoao

“O Lo’u Saunia mo se Pisinisi Manuia: Aoao,” Amataina ma le Faaolaina o La’u Pisinisi mo le Ola Tutoatasi (2017

“O Lo’u Saunia mo se Pisinisi Manuia: Aoao”

Aoao

Taimi Aofai: 55 minute

1 . Galue Ai e Tusa ma Mataupu Faavae Sao

Faitau:

E tele mataupu faavae ua saofaga atu i le manuia o pisinisi. O loo lisi atu nisi i lalo:

Vaaiga mamao: “A leai se faaaliga, e fano le nuu” (Faataoto 29:18).
Galue: “Ia auai ma le naunautai i se faamoemoega lelei, aua ua i totonu ia te i latou le mana, lea ua latou pule ai ia te i latou lava” (MF&F 58:27-28).
Musumusuga: “Tagi atu [i le Atua] mo laau toto o o outou fanua, ina ia outou manuia ai. Tagi atu mo lafu o o outou fanua, ina ia faateleina” (Alema 34:24–25).
Filiga: “Tatou te lē o ifo lava seiloga ua uma ona tatou faataunuuina o le mea” (1 Nifae 3:15).
Tali atu: “Ua lelei ia, le auauna lelei e ma le faamaoni: ua e faamaoni i nai mea itiiti, oute tofia oe e pule i mea e tele” (Mataio 25:21; tagai le fuaiupu 14-30).
Tele o Manatu: “Aua ua tumu le lalolagi, ma ua lava ma totoe mea o i ai” (MF&F 104:17).
Puleaina o le taimi: “E taua lou taimi” (Thomas S. Monson, “Guideposts for Life’s Journey” [Brigham Young University devotional, Nov. 13, 2007], 1, speeches.byu.edu).
O le mana o mea laiti ma le faatauvaa: “O mea laiti ma faatauvaa e faataunuu ai mea tetele” (Alema 37: 6).
Tautinoga: “O ai foi so outou e le muai nofo i lalo, e faitau tupe e totogi ai?” (Luke 14:28; tagai foi i fuaiupu e 29–30).

Talanoa:

O le fea o nei mataupu faavae e tulai mai ia te oe e sili ona aoga ao e amata pe faaola lau pisinisi?

2 . Aisea Oute Manao ai e Amata pe Faaola se Pisinisi?

Faitau:

E tele mafuaaga tauaogaina e mafai ai ona e amata pe faaola se pisinisi:

Puleaina
Tupe maua Faaopoopo
Fiafiaga Patino
Galuega lona lua
Luitau o aafiaga
Manaomia (utiuti pe leai ni galuega e filifili ai)
Saolotoga patino ma le puleaina
Fausia o se malupuipuiga i mea tautupe

E tele auala e mafai ona e agai iai ma lau pisinisi. O faataitaiga nei ua faaalia ai le toaitiiti o tagata na faia.

Ata

E fa faataitaiga i le auala na amata ma faaola ai e tagata a latou pisinisi

Faitau:

Ua faamanuiaina i tatou i punaoa e pei o taimi, malosi, ma tupe. Ua tatou filifili i aso taitasi o le a tatou faamatuu atu nei punaoa i aiga, galuega, auaunaga, ma isi mea e fiafia iai.

O le pulea o se pisinisi e maua ai penefiti, ae o nei penefiti e masani ona iai ma se tau. E ao ia i tatou taitasi ona saili i musumusuga ma faaaoga lo tatou malosi e filifili ai le ala e faaaogaina ai a tatou punaoa mo o tatou aiga ma le soifuaga.

3 . Iloiloina o Lo’u Sauni Patino e Puleaina se Pisinisi

Gaoioiga: (15 minute)

Laasaga 1: Taitasi ma mafaufau i le faamatalaga lenei, ua fuafuaina e fesoasoani ia te oe e iloilo lou saunia e pulea se pisinisi. Tali mai ma le faamaoni fesili nei, ona o outou taitasi o lo o fai ma sui o itu taua o le manuia o se pisinisi. O au tali o le a fesoasoani e te malamalama atili ai i ou malosiaga, vaega manaomia, ma lou saunia atoa o se pule o se pisinisi. Lio lau tali mo faamatalaga taitasi, o le 10 e silisili lona malosi.

Faamatalaga
1. Oute naunau e galue malosi mo le tele o itula i se taimi umi.	1 2 3 4 5 6 7 8 910
2. Oute uunaiina ma faaosofia au lava,	1 2 3 4 5 6 7 8 910
3. Oute manaomia se taitaiga itiiti i la’u galuega.	1 2 3 4 5 6 7 8 910
4. E lelei lou soifua maloloina ma e galue i le malosi atoatoa.	1 2 3 4 5 6 7 8 910
5. E malosi ou lagona ma e mafai ona fetaiai ma le teena, mea faigata, po o le pau i se vaitaimi umi.	1 2 3 4 5 6 7 8 910
6. Oute naunau e tauave tiutetauave ma le atoatoa mo la’u pisinisi manuia po o le le manuia.	1 2 3 4 5 6 7 8 910
7. Sa ou galue i se pisinisi e faapei o le tasi ua ou fuafua e amata.	1 2 3 4 5 6 7 8 910
8 . Oute malamalama i le puleaina o se pisinisi ma le atoatoa.	1 2 3 4 5 6 7 8 910
9. Oute galue lelei i tulaga le manino.	1 2 3 4 5 6 7 8 910
10. O le a lagolagoina au e lou aiga i lagona.	1 2 3 4 5 6 7 8 910
11. O le a lagolagoina au e lou aiga i mea tautupe.	1 2 3 4 5 6 7 8 910
12. E lelei au fesootaiga ma au uo ma le aufaipisinisi e fautuaina au i lau pisinisi ma fesoasoani oute faamalosia ai.	1 2 3 4 5 6 7 8 910
13. Oute naunau ina ia ositaulaga mo se vaitaimi itiiti ina ia ausia taui mo vaitaimi umi.	1 2 3 4 5 6 7 8 910
14 . Ou te lagona le mafanafana e faia faaiuga vave pe a manaomia.	1 2 3 4 5 6 7 8 910
15. Oute masani i mea auiliili.	1 2 3 4 5 6 7 8 910
16. E iai lou poto masani i le tausia o faamaumauga faatulagaina lelei.	1 2 3 4 5 6 7 8 910
17. E mafai ona ou faigaluega lelei ma le tele o ituaiga o tagata eseese.	1 2 3 4 5 6 7 8 910
18 . Ou te naunau e faamatuu atu le pulega ma tiute tauave i isi.	1 2 3 4 5 6 7 8 910
19. O au o se tagata faamaoni ma faamoemoeina e mafai e isi ona faatuatuaina.	1 2 3 4 5 6 7 8 910
20 . Ou te naunau e faalogo i isi ma talia manatu faaalia mai ia i latou.	1 2 3 4 5 6 7 8 910
21. Oute filiga ma vaai i le faagasologa o lau galuega seia faataunuuina i le atoatoa	1 2 3 4 5 6 7 8 910
22 . Oute feetuunai ma naunau e fai suiga faifaipea ina ia faaleleia ai lau pisinisi.	1 2 3 4 5 6 7 8 910
23 . Ou te naunau e tauave tulaga lamatia fuafua lelei.	1 2 3 4 5 6 7 8 910
24. O au o se tagata lelei ma se faamoemoega lelei	1 2 3 4 5 6 7 8 910

Laasaga 2: Vaevae i ni soa ma talanoa fesili nei, e fuafua i au tali i faamatalaga o i luga:

O le a lou malosiaga o le a fesoasoani sili ia te oe a o e amata pe faaola se pisinisi? Aisea?
O a vaega e manaomia ona atiinaeina pea? E faapefea ona e faaleleia ni mea?
E faalagolago i au tali, o le a lou saunia ua iai e amata ai se pisinisi?

4 . Tomai Faapisinisi O le a Ou Atiinaeina i Lenei Aoaoga

Faitau:

O se tasi o faamoemoega o lenei aoaoga o le fesoasoani lea ia te oe e atiinaeina o mausa o se tagata faipisinisi manuia. O tagata faipisinisi famanuiaina e maitau, fia iloa se mea, ma naunau e aoao manatu fou i aso taitasi. Latou te iloa o o latou avanoa faapisinisi o se galuega sologa faifaipea Latou te malamalama o le a latou faia le tele o mea e faaleleia ai a latou pisinisi ina ia maua ai se amataga lelei.

Ina ia avea ai ma tagata faipisinisi faapea, e manaomia ona faatino lou faatuatua ma galue i fafo atu o le mafanafana e masani ai. O le a e aluese atu ma lou aiga po o le ofisa ma talanoa pea lava pea ma i latou e ono avea ma tagata faatau e uiga i o latou manaoga ma mea latou te faamuamua. O le a manaomia ona e saili i faamatalaga fou ma manatu faaalia o le a fesoasoani ia te oe e faaleleia ai lau pisinisi. O tagata faipisinisi e le naunau e auai ma a latou tagata faatau, aoao pea, ma fai suiga i a latou pisinisi o le a faigata ona faamanuiaina i le taimi umi.

A o tatou galulue e amata pe faaola a tatou pisinisi, o le a tatou faamalosi atu i isi e mafaufau ma faatino e faapei lava o tagata faipisinisi faamanuiaina. O le tele o tautinoga faalevaiaso o le a tatou faataunuuina i fafo atu o a tatou fonotaga faavaega o le a fesoasoani e atiinae ai mausa o le a tatou manaomia ina ia manuia ai.

O vaiaso taitasi tatou faataitai ai mea nei:

Matau ma talanoa ma tagata faatau: e aoao mai manatu, malamalama i manaoga o tagata faatau, iloilo ma fetuunai o tatou manatu faapisinisi, ma aoao mai manatu faaalia.
Tusi i lalo o tatou mafaufauga: ia faamau mea ua matauina, manatu mai isi, ma lagona musuia mai le agaga Paia.
Faatau: ia aoao ona faalogo i manaoga o isi ma faailoa ia fofo talafeagai
Faamau auiliiliga o mea tautupe o a tatou pisinisi: ina ia iloa le mafuaaga tonu o le manuia o a tatou pisinisi ma fuafua ai le lumanai.

O le vaiaso lenei o le a luitauina ai oe e faatino nei tomai ma lipoti i le vaega. O le a amata foi ona e talanoa ia i latou o e ono avea ma tagata faatau. O le a e lipoti au faaiuga i le vaiaso fou.

5 . O Mea o le a Tatou Aoao ma Fai o se Vagea

Faitau:

O le a tatou galulue faatasi e fesoasoani le tasi i le isi e amata ma faaola a tatou pisinisi. O lo tatou sini faamoemoe sili o le avea ma tagata e ola tutoatasi. Pe a mafai ona tatou tausia i tatou lava, o le a faigofie ona tatou fesoasoani i isi tagata.

I le faagasologa o vaiaso 12 o i luma, o le a tatou galulue faasolosolo faatasi i mataupu nei

Mataupu 1--O Lo’u Saunia mo le Manuia o le Pisinisi
Mataupu 2--Foiaina o Manaoga e le i Faamalieina o le Tagata Faatau
Mataupu 3--O le Faamautinoaina o La’u Pisinisi e Maua ai Tupe
Mataupu 4--Sailiina o Tagata Faatau
Mataupu 5--Tausiaina o Tagata Faatau
Mataupu 6--Puleaina o Tupe Maua o La’u Pisinisi
Mataupu 7--Tuu Eseeseina o Tupe o La’u Pisinisi ma A’u Tupe Patino
Mataupu 8--Puleaina o Tupe Faaaoga o La’u Pisinisi
Mataupu 9--Faaolaina o La’u Pisinisi
Mataupu 10--Faatupeina o La’u Pisinisi
Mataupu 11--Faaauau pea ona Faaleleia La’u Pisinisi
Mataupu 12--Faailoaina Atu o La’u Pisinisi

6 . Faatulagaina o le Fuafuaga o La’u Pisinisi --O le fuafuaga o se Pisinisi Patino

Faitau:

O nisi o tagata ua faaseseina o le taumafai e atiina ae a latou pisinisi e fuafua i o latou talitonuga po o lagona e faapea o o latou manatu o le a manuia. O nei pisinisi e le masani ona faamanuiaina. O le aoaoga lenei o le a faamalosia outou e matau ma auai ma tagata faatau i vaiaso taitasi ma faaleleia o outou manatu e tusa ai ma mea ua outou aoaoina. O le a tatou aoao e “faatulaga ia saunia mea manaomia uma” ma ia faaauau ona faaleleia o a tatou pisinisi ma isi vaega o o tatou soifuaga (MF&F 88:119).

I lenei vaega, o le a e faaaogaina se Fuafuaga o se Pisinisi Patino ina ia fausia ai se fuafuaga mo lau pisinisi. O le fuafuaga o le a fesoasoani ia te oe e faatulaga auiliili ma fua ai le aoga o lou avanoa mo se pisinisi.. O le a aoga foi lau fuafuaga pe a faalauiloa atu lau pisinisi i le vaega i le vaiaso 12. Pe a maea ona e tauaveina le kosi, o le a fesoasoani ia te oe ona faaauau pea lau fuafuaga e faaola ai lau pisinisi.

O le auiliiliga o le fuafuaga o lau pisinisi e na o se amataga, ona o le a suia a o e aoao atili pe a talanoa i tagata faatau, kamupani sapalai, ma isi tagata faipisinisi. Faaaoga se penitala pe a tusi lau Fuafuaga o se Pisinisi Patino, ona o le a e manaomia ona faia faafouga a o e faaleleia lau pisinisi. Liliu i le Faaopoopoga e iloa ai le Fuafuaga o se Pisinisi Patino o le a e faaaogaina.

7 . Faataitai i Aso Taitasi ma Tausi Tautinoga

Maimoa:

“O le Tausia o Tautinoga e Taitai atu ai i le Ola” o lo o maua i le srs.lds.org (A e a pe a le maua le vitio? Faitau le tusiga o lo o maua i le faaiuga o lenei vaega.)

Ata

pusa taalo

Talanoa:

E mafai faapefea ona tatou fesoasoani o le tasi i le isi ma tausia tautinoga?

Pusa o Mea e Faaaoga mo le Pisinisi Manuia

I le Faaopoopoga o lo o iai le Pusa o Mea e Faaaoga mo le Pisinisi Manuia. O lenei pusa o mea e faaaoga ua aotele iai nisi o mataupu faavae ogatotonu o le a tatou aoao iai i lenei kosi ma e mafai ona faaaoga o se tusi o faamatalaga faamaonia.

Tusi Faamaonia o le Faamaeaina

Faitau:

O tagata o vaega o e auai i fonotaga ma tausia a latou tautinoga o le a agavaa e maua se tusi faamaonia mo le ola tutoatasi mai le Kolisi Faapisinisi a le AAG. Tagai i le mataupu e 12

Punaoa

O le Tausia o Tautinoga e Taitai atu ai i le Ola

Filifili ni faamataupu ma faitau le vaega lenei.

Faamatalaupu 1: Matou te talitonu i le faia ma le tausia o tautinoga. O nei faatinoga o le faatuatua e faapei o ni fasitepu maa mo lo tatou alualu i luma taitoatasi ma o ni aiga. Mo lena mafuaaga, o mea uma tatou te faia i a tatou vaega o le ola tutoatasi e fausia faalagolago i le faia ma le tausia o tautinoga ma le lipotia o a tatou faaiuga.

Faamatalaupu 2: Tatou te faia e le itiiti ifo i le tolu ituaiga o tautinoga i vaiaso taitasi. Muamua, tatou te faataitaia mataupu faavae autu ma mausa ma aoao atu i o tatou aiga. E sosoo ai, tatou te faatino le faamaeaina o tautinoga o le atiinaeina ma le faagasologa o pisinisi e fesoasoani tatou te atiina ae ai tomai fou e faaola ma faatumau ai a tatou pisinisi. Ae tatou te lei tuua fonotaga taitasi a vaega, tatou te toe iloilo a tatou tautinoga faapisinisi o le vaiaso ma faaopoopo iai a tatou saini i api galuega e faaalia ai la tatou tautinoga. Tatou te fesiligia foi se tasi i le vaega e avea ma au soa galue mo le vaiaso. E saini e le soa galue le api galuega e tautino ai lana lagolago. E faalua i le vaiaso, pe sili atu pe a manaomia, o le a tatou fesootai atu i a tatou soa galue e lipoti iai a tatou faatinoga ma maua mai sona manatu ma le lagolago.

Faamatalaupu 3: Pe a fesootai ma lau soa galue, ia mautinoa ua lava se taimi faaavanoa e faalogo ai ma tuuina atu ni manatu ogaoga i ou manatu faaalia. Ma afai e te manaomia se fesoasoani faaopoopo, e mafai ona e valaau atu i lou aiga, uo, po o le tagata e faagaoioia. I la tatou fonotaga e sosoo ai, o le a tatou amata i le lipoti mai o a tatou tautinoga. E tatau ona avea lenei ma aafiaga toafimalie ma lelei e lagona ma faamalosia ai tagata uma.

Faamatalaupu 4: E iai ia i tatou uma ni aso faigata po o vaiaso foi. Atonu tatou te toilalo mo se taimi mai se tautinoga pe feagai foi ma se faafitauli O se mea mautinoa lena mea. Ia manatua o toilalo taitasi e aoga. O lea, aoao mai ou aafiaga ma faaaoga lena iloa e faaleleia ai lau fuafuaga o lau pisinisi ma faaauau ai pea ona agai i luma.

Faitau fesili e tolu o lo o i lalo ma mafaufau e uiga i le ala na maua ai e nei tagata le fesoasoani i le faia o tautinoga ma lipoti mai.

Rebecca: ”O le tausia o tautinoga sa fesoasoani ia te au e taitaiina atu ai i ni manatu fou ma iloa ai avanoa fou mo la’u pisinisi. O le faia o tulaga i vaiaso taitasi e talanoa ai i tagata e saunia taumafa, isi tagata polofesa i la’u galuega ma tagata o le vaega na fesoasoani e uunaia au e agai atu pea i luma. Sa ou iloa manino foi le aao o le Atua i lou olaga a o ou tatalo ma faaaofiaina o Ia i au fuafuaga ma fesiligia mo Lana fesoasoani. Na ou lagona sa ou avea o Ia e fesoasoani mai ia te au e ala i le galue malosi e mulimuli ai i au tautinoga.

Pete: “O le iai o se soa galue sa mafai ai ona ou taulai atu i au tautinoga i vaiaso taitasi o i luma. Na mafai ai ona ou faia. Sa fesoasoani le iai o se tagata na logologo mai pea ma fesoasoani e faleleia ou manatu. Sa mafai foi ona ou ofoina atu ni manatu i lau soa e i fafo atu o lona iloa ma e sa fesoasoani tele lea ia te ia e agai atu ai i luma i ona manatu.”

Jackie: “Sa ou manatu o le ola tutoatasi o se mea oute aoao au lava iai -- seia avea o au o se tasi o le vaega o le ola tutoatasi. I vaiaso taitasi sa iai ia te au se nofoaga puipuia malu lelei e lipoti iai ou faamanuiaga ma toilalo, e fausia ai ni sini faamoemoe ma faataitai ai i ni manatu fou, ma toe fuafua lelei ai le faamoemoega o lau pisinisi. Sa fesoasoani lau vaega e faalautele avanoa e faaola ai lau pisinisi sili atu nai lo lou aoao e au lava.