Tautino

Taimi Aofai: 5 minute

Talanoa ia i latou e ono avea ma Tagata Faatau

Faitau:

O le talanoa i tagata faatau e mafai ona fesoasoani e maua ai manatu e faatatau i le ala e faaleleia ai lau auaunaga po o le mea na fausia ma faia se tau talafeagai. I le vaiaso lenei, talanoa i ai i latou ia le itiiti ifo i le lima e mafai ona avea ma tagata faatau ma fesili iai po o le a se mea e fai ina ia latou faatau mai ai ia te oe. E faaopoopo iai, e mafai ona e saili i le initoneti ma fesili mo ni manatu faaalia mai ia i latou o e ono avea ma tagata faatau.

Pe a maea ona faia o lenei taumafaiga ma ua faamaonia faamatalaga tautupe silisili, faatumu laina o i lalo ifo o le “Faamaoniga o la’u pisinisi e maua tupe” i lau Fuafuaga Patino o Pisinisi.

Faitau tautinoga taitasi o lo o i lalo ma lau soa galue. O lou tomai e manuia ai le amataina po o le faaolaina o lau pisinisi o le a maoae atili pe a e tausia ma le filiga au tautinoga o vaiaso taitasi. Folafola atu e tausia au tautinoga ona saini lea i lalo.

O A’u Tautinoga
A. O le a ou tausia tautinoga o “Lo’u Faavae” mo lenei vaiaso: Faamaumau tupe ua ou maua ma tupe faaalu i aso taitasi, faaopoopo fuainumera i le faaiuga o le vaiaso, ma faamau ia aofaiga atoa i le Lipoti o Tupe Maua ma Tupe Faaalu Patino. Faasoa atu mea na ou aoaoina i le aso e uiga i le puleaina o tupe ma lou aiga po o uo.
E. O le a ou talanoa i ai i latou ia le itiiti ifo i le lima e mafai ona avea ma tagata faatau e maua ai ni manatu ma aoao ai po o le a se mea e fai ina ia latou faatau mai ai ia te a’u.
I. O le a ou faatumu le vaega “Faamaoniga o la’u pisinisi e maua ai tupe” i la’u Fuafuaga o Pisinisi Patino.
O. O le a ou toe iloilo la’u itulau o le “Mafaufau Loloto” ma tausi i tautinoga.
U. O le a ou faafesootai ma lagolago la’u soa galue.

Manatua o le vaiaso o lumanai, o le a fesiligia ai oe e lipoti le aofai o aso sa e talanoa ai ma tagata faatau ma tusia i lau tusi faamatalaga o le pisinisi.

O la’u saini

Saini a la’u soa galue

Fai se tatalo faaiu.