Tautino

Taimi Aofai: 5 minute

O La’u Folasaga mo le Pisinisi

Faitau:

O le vaiaso o lumanai o le a fesiligia ai oe e fai se folasaga mo se lima minute e faatatau i lau pisinisi. E ao i lau Fuafuaga o se Pisinisi Patino ona avea ma punaoa lelei e fesoasoani ia te oe e te saunia ai.

Manatu ane e faapea o loo e faia lenei folasaga i se vaega o e ono avea ma tagata e nono mai ai tupe. E mafai ona e filifili pe faapefea ona faatulaga ma tuuina atu lau folasaga, ae ao ona aofia ai mea nei:

• O manaoga e le i faamalieina o tagata faatau o le a e talanoaina

• O le auaunaga po o se mea gaosi o le a e ofoina atu

• Mea Faapitoa e Tulaga Ese ai mai Isi

• O tagata faatau o faamoemoe iai

• O lau fuafuaga e maua mai ai tagata faatau

• O punaoa o le a e manaomia:

• Faamaoniga o lau pisinisi o le a maua ai tupe

• O nisi tulaga mo lau pisinisi

Saunia se folasaga maoae lona tulaga ma le tauleleia, ma ia faataitai ina ia mautinoa e tuuina atu i le lima minute. Laei i laei faapisinisi pe a tuuina atu lau folasaga.

O le vaiaso o muamua ua fuafuaina ai la tatou fonotaga mulimuli o se vaega. A maea la tatou folasaga e faailoa atu ai la tatou pisinisi, o le a tatou faaalu se taimi e toe to manatu ma faafiafia ai. Fuafua mo lenei fonotaga e maea i le 2.5 itula. E mafai e le vaega ona aumai ni taumafataga mama e fefaasoaai pe a uma le fonotaga.

O le faasilasilaga mo le o lo o taulimaina le fuafuaga: Ua faamalosi atu ina ia valaaulia se lua pe tolu o le aufai pisinisi aloaia mai le siteki po o le nuu e auai faatasi ma le vaega i le vaiaso fou ma tuuina mai ni fautuaga i le folasaga o le pisinisi. O oe ma nei aufai pisinisi aloaia o le a faatumu ni pepa e tuuina atu i le o faia le folasaga pe a maea. O le faamoemoega o nei pepa e le o le faamasinoina o le tomai o le o lo o faia le folasaga ae o le maua mai ai o manatu e atiinaeina ma faaleleia ai nisi o vaega o le pisinisi a lea tagata. A o le i faia le fono i le vaiaso o muamua, fai ni kopi o le Pepa o Manatu Faaalia o le Folasaga o lo o i lalo. O le a e manaomia ni kopi e tolu pe fa mo tagata taitasi o le vaega.

Fomu mo Manatu Faaalia mai le Faasilasilaga
Igoa o le Tagata sa faia le Faasilasilaga:	Igoa o le Tagata sa faia le Iloiloga:
Faatonuga: Faamolemole faatumu pusa e fa o lo o i lalo a o faia e le tagata lana faasilasilaga. Vave ona tauaao atu le fomu i le tagata pe a maea ona faia lana faasilasilaga.
Tulaga sili ona faamoemoeina o le manatu faapisinisi	Popolega atonu e faatatau i le manatu faapisinisi
Manatu mo le faaleleia atili	Fesootaiga fautuaina

Faitau tautinoga taitasi o lo o i lalo ma lau soa galue. O lou tomai e manuia ai le amataina po o le faaolaina o lau pisinisi o le a maoae atili pe a e tausia ma le filiga au tautinoga o vaiaso taitasi. Folafola atu e tausia au tautinoga ona saini lea i lalo.

O A’u Tautinoga
A. O le a ou tausia tautinoga o “Lo’u Faavae” mo lenei vaiaso: Tatalo taitoatasi ma o se aiga i taeao taitasi ma i le po. Faasoa atu mea na ou aoaoina e uiga i le fesootaiga ma lou aiga po o uo.
E. O le a ou suesueina tulaga moomia faaletulafono ma pulega mo la’u pisinisi.
I. O le a ou saunia ma faataitai le tuuina atu o la’u folasaga o la’u pisinisi.
O. O le a ou toe iloilo la’u itulau o le “Mafaufau Loloto” ma tausi i tautinoga.
U. O le a ou faafesootai ma lagolago la’u soa galue.

Manatua o le vaiaso o lumanai, o le a fesiligia ai oe e lipoti le aofai o aso sa e talanoa ai ma tagata faatau, tusi i lau tusi faamatalaga o le pisinisi, faatau atu, ma faamauina auiliiliga o mea tautupe (tagai i le siata o le “Sailiiliina o A’u Taumafaiga” o lo o i le amataga o le tusi).

O la’u saini

Saini a la’u soa galue

Fai se tatalo faaiu.