O Lo’u Faavae: Faatino le Faatuatua ia Iesu Keriso

Taimi Aofai: 20 minute

Mafaufau Loloto:

E faapefea ona aafia lo’u ola tutoatasi i lo’u faatuatua ia Iesu Keriso?

Maimoa:

“Faatino le Faatuatua ia Iesu Keriso,” o lo o maua i le srs.lds.org/videos (A e a pe a le maua le vitio? Faitau le tusiga o lo o maua i le faaiuga o lenei vaega.)

Talanoa:

Aisea o le faatuatua moni e taitai atu ai pea i le faatinoga? Aisea e manaomia ai le faatuatua mo le Atua ina ia fesoasoani ai ia i tatou i le faaletino ma le faalegaga?

Faitau:

Mataio 6:30 ma le upusii mai Lauga i le Faatuatua.

Mataio 6:30

“Afai e faapea ona faaofuina e le Atua le vao o le fanua, o ola mai i le aso, a e lafoina a taeao i le ogaumu, e le sili ea ona faaofuina o outou, e faatuatua itiiti?”

Tagai i Lauga o le Faatuatua, 38.

“E le o au galuega uma o soo se ituaiga, e faalagolago i lou faatuatua? … A o tatou maua e ala i le faatuatua ia faamanuiaga faaletino uma ua tatou mauaina, e faapena foi ona tatou maua e ala i le faatuatua faamanuiaga faaleagaga uma ua tatou mauaina. Ae o le faatuatua e le na o se mataupu faavae o le faatinoga, ae o le mana foi.”

(1985), 2.3

Gaoioiga: (5 minute)

O le auala i le ola tutoatasi o se malaga o le faatuatua. Ua valaaulia i tatou e Le Au Peresitene Sili ma le Korama a Aposetolo e Toasefululua e faia le faateleina o lo tatou faatuatua i le Tama Faalelagi ma Lona Alo o se faamuamua i o tatou olaga.

Laasaga 1: I le avea ai o se vaega, faitau faamuamua faaperofeta ma folafolaga o lo o i lalo.

Folafolaga Faaperofeta Faamuamua
“Mafaufau i le maoae o lenei fetalaiga! Ua folafola mai le atoatoa o le lalolagi ia i latou o e tausia ia paia le aso Sapati,” (Russell M. Nelson, “O le Sapati O se Aso Fiafia,” Ensign po o le Liahona, Me 2015, 130; tagai foi i le MF&F 59:16).
“E lei mate le faaleagaga ma e faapena foi feagaiga [o le faamanatuga]. E le gata ina aumaia e feagaiga tautinoga ae latou te aumaia le mana faaleagaga” (Neil L. Andersen, General Authority training meeting, Ape. 2015).
“Ou te molimau atu [o le Tusi a Mamona] e mafai ona avea ma se ‘Urima ma le Tumema’ patino i lou olaga” (Richard G. Scott, “O le Mana o le Tusi a Mamona i Lo’u Olaga,” Ensign, Oke. 1984, 11).

Laasaga 2: Talanoa pe faapefea ona fesoasoani ia te oe le faamamalu faamaoni o le Sapati, tagofia o le faamanatuga, ma le faitauina o le Tusi a Mamona, e faateleina ai lou ola tutoatasi.

Tautino:

Tautino atu e faia faatinoga nei i le faagasologa o le vaiaso.

• Faaali lou faatuatua i le Aso Sa lenei e ala i le tausia o le paia o le aso Sapati ma ai ma inu ma le faaaloalo i le faamanatuga.

• Faitau mai le Tusi a Mamona i aso uma.

• Filifili se mau e tasi ma faasoa i lou aiga po o uo.

O Mau e uiga i le Faatuatua i le Faatinoga

Ona sa le tuua e Tanielu le tatalo, sa togi ai o ia i se pa o leona, ae “ua auina mai e lou “Atua. . . o ana agelu, ma . . . ua punitia ai gutu o leona,. . . ua le afaina lava o ia, aua na ia faatuatua i lona Atua” (Tanielu 6:22–23; tagai foi i fuaiupu 16–21).

Sa tuuina atu e le Alii ia Liae le Liahona e taitai ai lona aiga, ma “sa galue mo i latou e tusa ma lo latou faatuatua i le Atua. . . . [Ina] ua oo ina latou faapaie, ma galo ona faaaoga lo latou faatuatua ma le filiga . . .ma latou le alualu i luma i la latou malaga” (Alema 37:40–41).

“Ina aumai ia mea e sefuluai ai a outou mea uma lava i le fale e tuu ai mea . . . ma ia outou tofotofo mai ia te a’u i lenei mea, . . . pe ou te le toina pupuni o le lagi mo outou, ma sasaa atu le manuia mo outou, ina seia silisili ona tele” (Malaki 3:10).

I le vaitaimi o se oge, sa fai atu ai Elia i se fafine ua oti lana tane e avatu ia te ia lana potoi mulimuli. Sa folafola atu e Elia ona o lona faatuatua o le a saunia e le Alii mea e ai mo ia, ma sa le uma lava ana mea e ai. (Tagai 1 Tupu 17.)

“O e ua tigaina ma e matitiva o loo latou saili i se vai, a ua leai, ua matutu o latou laulaufaiva i le fia inu, o au o Ieova, ou te tali atu ia te i latou, o au o le Atua o Isaraelu, ou te le tuulafoaiina i latou” (Isaia 41:17; tagai foi fuaiupu 18).

Faatino le Faatuatua ia Iesu Keriso

Afai e le mafai ona e matamata i le vitio, filifili se tasi o le vaega e faitau le tusiga lenei.

Elder David A. Bednar: O le faia o se faatinoga o le faaalia lea o le faatuatua. O loo tauaveina e le fanauga a Isaraelu le ato laau o le feagaiga. Ua latou tau atu i le vaitafe o Ioritana. O le folafolaga, o le a latou sopo i le eleele matutu. O le a le taimi na vaeluaina ai le vai? Ina ua susu o latou vae. Sa latou savavali atu i le vai—faatino. Na mulimuli mai le mana—na vaeluaina le vai.

E tele taimi tatou te talitonu ai, “O le a ou maua lenei malamalama atoa, ona ou faaliliua lea i mea ou te faia.” Ou te fautua atu ia lava ni mea tatou te amata ai. Ua tatou maua se lagona i le itu sa’o e agai i ai. O le faatuatua o se mataupu faavae—o le mataupu faavae—o le faatino ma le mana. O le faatuatua moni e taulai atu i le Alii o Iesu Keriso ma e tau atu e le aunoa i faatinoga amiotonu.

(Tagai “Seek Learning by Faith” [saunoaga i faiaoga faalelotu a le Ofisa o Aoga a le Ekalesia, Fep. 3, 2006], ds.org/media-library