O Lo’u Faavae: O Le Ola Tutoatasi O Se Mataupu Faavae o le Faaolataga

Taimi Aofai: 20 minute

Mafaufau loloto:

Ioane 10:10.

Ioane 10:10

“Ua ou sau ina ia latou maua le ola, ia maua atili ai lava.”

Talanoa:

O le a le maua atili o le ola?

Maimoa:

“He Polished My Toe,” o loo maua i le srs.lds.org/videos (A e a pe a le maua le vitio? Faitau le tusiga o lo o maua i le faaiuga o lenei vaega.)

Talanoa:

E te talitonu o i ai ni tali i ou faafitauli? E mafai faapefea ona tatou agavaa mo le mana o le Alii e lagolagoina i tatou?

Faitau:

Le vaega o le Tusitaulima 2 ma le upusii mai ia Elder Dallin H. Oaks.

Tusitaulima 2: Taitaiina o le Ekalesia

“O le ola tutoatasi o le tomai, tautinoga, ma le taumafaiga e saunia mea e manaomia o le olaga mo le tagata lava ia ma le aiga. A ola faalagolago tagata o le Ekalesia ia i latou lava, o le a sili atu ona lelei lo latou auauna atu ma tausia isi.”

(2010), 6.1.1

Elder Dallin H. Oaks

“Po o le a lava le mafuaaga o lo tatou faalagolago atu i isi mo ni faaiuga po o ni punaoa lea e mafai ona tatou saunia mo i tatou lava, o le a faavaivaiina ai i tatou i le faaleagaga ma telegese ai lo tatou alualu i luma i le mea o lo o faamoemoe le fuafuaga o le talalelei mo i tatou ina ia oo i ai.”

“Salamo ma Suia,” Ensign po o le Liahona, Nov. 2003, 40

O le ola tutoatasi e le faapea e mafai ona tatou faia pe maua soo se mea tatou te mafaufau ai. Ae, o le talitonu e ala i le alofa tunoa, po o le mana gafatia, o Iesu Keriso ma lo tatou lava taumafaiga, e mafai ona tatou maua mea uma e manaomia faaleagaga ma faaletino o le olaga tatou te mananao ai mo i tatou lava ma o tatou aiga. O le ola tutoatasi o se faamautinoaga o lo tatou faalagolago po o le faatuatua i le mana o le Atua e mafuli ai mauga i o tatou olaga ma tuu mai ia i tatou le malosi e manumalo ai i tofotofoga ma faigata.

Talanoa:

Na faapefea ona fesoasoani le alofa tunoa o Keriso ia te oe ia maua mea e manaomia faaleagaga ma faaletino o le olaga?

Gaoioiga: (5 minute)

Laasaga 1: Filifili se soa ma faitau ia mataupu faavae taitasi o lo o i lalo.

Aoaoga Faavae o le Ola Tutoatasi
1. O le ola tutoatasi o se poloaiga.	“Ua poloaina le Ekalesia ma ona tagata e le Alii ina ia ola faalagolago le tagata ia te ia lava ma tutoatasi” (Aoaoga a Peresitene o le Ekalesia: Spencer W. Kimball [2006], 116).
2. E mafai e le Atua ma o le a saunia se ala mo Lana fanau amiotonu ina ia ola tutoatasi ai.	“Ma o lou faamoemoe o le faia lea o mea mo lau au paia, aua o mea uma e a au” (MF&F 104:15).
3. E tasi le tulaga faaletino ma le tulaga faaleagaga i le Atua.	“O le mea lea, e moni ou te fai atu ia te outou o mea uma lava e faaleagaga ia te au” (MFF 29:34

Laasaga 2: Ma lau soa, talanoa pe mafai faapefea ona fesoasoani le talitonu i nei upumoni i le faateleina o lou ola tutoatasi.

Talanoa:

Faitau le upusii mai ia Peresitene Marion G. Romney. E faapefea ona e iloa pe o e ola tutoatasi atili?

Peresitene Marion G. Romney

“A aunoa ma le faalagolago o le tagata ia te ia lava, e le mafai e se tasi ona faatino nei faanaunauga loloto o le auauna atu. E faapefea ona tatou foai atu pe afai e leai se mea e foai atu? E le mafai ona maua ni meaai mo e o fiaaai pe afai e leai ni meaai o i fata. E le mafai ona maua mai ni tupe e fesoasoani ai i e le tagolima, mai ni ato tupe e le o i ai ni tupe. E le mafai ona maua mai se fesoasoani ma se malamalamaaga mai se tasi ua mativa i lagona. E le mafai ona maua mai se aoaoga mai se ua le aoaoina. A o le mea e sili ona taua o na mea uma, e le mafai ona maua mai se taitaiga faaleagaga mai i se ua vaivai faaleagaga.”

“O Le Natura Faaselesitila o le Ola Faalagolago o le Tagata Ia te Ia Lava,” Ensign, Nov. 1982, 93

Tautino:

Tautino atu e faia faatinoga nei i le faagasologa o le vaiaso.

• Faitau le tusi a le Au Peresitene Sili o lo o i le amataga o lenei tusitaulima, ma faailoa mai faamanuiaga folafolaina. O le a se mea e tatau ona e faia e maua ai? Tusi ou manatu i lalo.

• Faasoa atu mea na e aoaoina i le aso e uiga i le ola tutoatasi i lou aiga po o uo.

Na ia Fufuluina Lou Tamatamaivae]

Afai e le mafai ona e matamata i le vitio, filifili se tasi o le vaega e faitau le tusiga lenei.

Na ia Fufuluina Lou Tamatamaivae

Elder Enrique R. Falabella:

A o ou tuputupu ae, sa le tele ni a matou mea na i ai. Ou te manatua ai se tasi o aso ina ua ou alu atu i lou tama ma fai atu ia te ia, “Papa, ou te manaomia se pea seevae fou. O seevae ia ua leva ona leaga.” Sa tu o ia ma tilotilo i ou seevae ma vaaia ai e moni ua matuai leaga lava ou seevae. Sa ia fai mai, “Ou te manatu o se mea lenei e mafai ona ta faaleleia.” Sa ia ave sina polesi uliuli ma polesi ou seevae, tuua ai ou seevae ua iila ma manaia. Sa ia fai mai ia te au, “Ia ua faaleleia ou seevae, atalii.” Sa ou tali atu, “Leai, e lei faaleleia lava. E mafai lava ona e vaaia lo’u tamatamaivae o lo o aliali ae i fafo o lou seevae.” Sa ia fai mai, “Ia, e mafai ona ta faaleleia foi lena mea!” Sa ia ave nisi polesi ma sa ia polesi lou tamatamaivae!

O lena aso sa ou iloa ai o loo i ai se tali i faafitauli uma. Ua ou mautinoa o lenei mataupu faavae o le ola tutoatasi ma lenei taulamua o se auala e faanatinati ai le galuega a le Alii. O se vaega o le galuega o le faaolataga.

E mafai e i tatou uma taitoatasi ona avea ona lelei i lo le tulaga o lo o tatou i ai nei. E tatau ona e faateaese le le manatu mamafa. I le tele o taimi tatou le popole, ma o lenei mea e faaleagaina ai lo tatou alualu i luma. O aso uma o se aso e mafai ona ou faia ai le faaleleiga pe afai ou te filifili e faia seisi mea e faaleleia ai le mea sa le lelei ona ou faia i le taimi ua tuanai. Afai e te faia ma le faatuatua, faatinoina le faatuatua ma le faamoemoe ia Keriso o le a Ia i ai iina e fesoasoani ia te oe, o le a e maua le auala e faia ai le faaleleiga i mea faaletino ma mea faaleagaga. Ona o lo o soifua le Atua ma o oe o Lona atalii po o le afafine.