Tautino

Taimi Aofai: 5 minute

Faaaofiaina ma Faalogo i Au Tagata Faatau

Faitau:

E tele a tatou mea e faaaoga ma tekinolosi e faaaofia ma faalogo ai ia tatou tagata faatau. E masani i tagata faipisinisi faamanuiaina ona faataitai faiga eseese e saili ai auala silisili e fesootai ai ma a latou tagata faatau. Vaiaso Lenei:

• Faataitai i auala e faaaofia ma faalogo ai i au tagata faatau.

• Tusi mea na e aoaoina i lau tusifaamatalaga o le pisinisi.

• Ia e saunia e faasoa atu au faaiuga ma le vaega i le vaiaso o muamua.

Tausisia o Au Tagata Faatau

Faitau:

O tagata faipisinisi faamanuiaina e talanoa ma o latou tagata faatau e maua mai ai manatu i auala e faaleleia atili ai le tulaga faatauva o a latou pisinisi. Vaiaso Lenei:

• Talanoa ma tagata faatau o loo iai nei pe o le a aofia ai i auala e mafai ona e tausia pe maua ai a latou pisinisi.

• Tusi nei manatu i lau tusifaamatalaga o le pisinisi.

• 

  Faatumu le vaega “Tausia” i lalo o le mataupu “E faapefea ona ou sailia ma tausia a’u tagata faatau?” i lau Fuafuaga o Pisinisi Patino.

• Faataitai vave nei manatu ma au tagata faatau.

Faitau tautinoga taitasi o lo o i lalo ma lau soa galue. O lou tomai e manuia ai le amataga po o le faaolaina o lau pisinisi o le a maoae atili pe a e tausia ma le filiga au tautinoga o vaiaso taitasi. Folafola atu e tausia au tautinoga ona saini lea i lalo.

O A’u Tautinoga
A. O le a ou tausia tautinoga o “Lo’u Faavae” mo lenei vaiaso: Faataitai le faasologa mo le faaaogaina tatau o lo’u taimi o le “O Lo’u Faavae” ma lipoti atu i po taitasi i le Tama Faalelagi i a’u talosaga. Faasoa atu mea na ou aoaoina e uiga i le faaaogaina tatau o taimi ma lou aiga po o uo.
E. O le a ou faataitai i auala fou e faaaofia ma faalogo ai i au tagata faatau ma lipoti ou aafiaga i le vaiaso o muamua.
I. O le a ou faatumu le vaega “Tausia” i lalo o le “E faapefea ona ou sailia ma tausia a’u tagata faatau?” i la’u Fuafuaga o Pisinisi Patino.
O. O le a ou toe iloilo la’u itulau o le “Mafaufau Loloto” ma tausi i tautinoga.
U. O le a ou faafesootai ma lagolago la’u soa galue.

Manatua o le vaiaso o lumanai, o le a fesiligia ai oe e lipoti le aofai o aso sa e talanoa ai ma tagata faatau, tusi i lau tusi faamatalaga o le pisinisi, ma faatau atu, (tagai i le siata o le “Sailiiliina o A’u Taumafaiga” o lo o i le amataga o le tusi).

O la’u saini

Saini a la’u soa galue

Fai se tatalo faaiu.