O Le Amataina

Taimi Aofai: 20 minute

Fai se tatalo amata.

Faailoa atu outou lava. Ia faaaoga e outou taitoatasi se minute se tasi e faasoa atu ai lou igoa ma se mea e uiga ia te oe.

Susu Mai i le Tatou Vaega o le Ola Tutoatasi!

Faitau:

O le a tatou galulue faatasi o se vaega e fesoasoani le tasi i le isi e amata ma faaola a tatou pisinisi. Ua i ai foi se tatou faamoemoega sili atu: ina ia ola tutoatasi e mafai ai ona tatou auauna lelei atili atu ai i isi.

E Faapefea Ona Faagaoioi Lenei [Vaega]?

Faitau:

O vaega o le ola tutoatasi e galulue e faapei o se aufono. E leai se faiaoga po o se tagata atamai faapitoa. Nai lo o lena, e te mulimuli tonu i anomea e pei ona tusiaina. Faatasi ai ma le taitaiga a le Agaga, o le a outou fesoasoani ai o le tasi i le isi faapenei:

• Ia saofaga tutusa i talanoaga ma gaoioiga. E leai se tasi, ae maise lava o le tagata e faagaioia, ona pulepule tutu i le talanoaga.

• Alofa ma lagolago le tasi i le isi. Faaali atu le fiafia, fai fesili, ma aoao e uiga i le tasi ma le isi. Faaali le faaaloalo i lagona, fausiaina se siosiomaga saogalemu e lagona uma ai e tagata le lagolelei e fetufaai.

• Puipuia le faalauaiteleina o manatu.

• Faasoa atu ni manatu faaalia lelei ma talafeagai.

• Fai ma tausia tautinoga.

Na aoao mai Elder M. Russell Ballard, “E leai se faafitauli i le aiga, uarota po o le siteki e le mafai ona foia pe afai tatou te vaavaai mo ni fofo i le ala a le Alii e ala i le faufautua—faufautua moni—o le tasi ma le isi” (Counseling with Our Councils,rev. ed. [2012], 4).

Maimoa:

“My Self-Reliance Group,” o loo maua i le srs.lds.org/videos

Talanoa:

O a mea ua tatou aoao mai isi faufautua o le a fesoasoani e mautinoa ai o i tatou o se vaega atoatoa?

A Aunoa ma se faiaoga, o le a faapefea ona tatou iloa le mea e fai?

Faitau:

E faigofie. Tau lava o le mulimuli i anomea. E ono sitepu i mataupu taitasi i lau tusigalue:

Lipoti:Talanoa lou alualu i luma i au tautinoga i le faagasologa o le vaiaso.

O Lo’u Faavae:Toe faamanatu se mataupu faavae o le talalelei o le a taitai atu ai i se ola tutoatasi faaleagaga sili atu.

Aoao:Aoao ni tomai faatino o le a taitai atu ai i le ola tutoatasi faaletino sili atu.

Mafaufau loloto:Faalogo i le Agaga Paia e tuuina mai musumusuga.

Tautino:Folafola atu le faatinoina o tautinoga i le faagasologa o le vaiaso o le a fesoasoani ai i lou alualu i luma.

Faatinoga:Faataitai mea ua e aoaoina.

Auala e faaaoga ai le Tusigaluega lenei

A e vaaia faamanatu nei, mulimuli i faatonuga nei
Faitau	Maimoa	Talanoa	Mafaufau Loloto	Gaoioiga
E toatasi le tagata e faitau leotele mo le vaega atoa.	E maimoa le vaega atoa i le vitio.	E faasoa atu e tagata o le vaega o latou manatu mo le lua i le fa minute.	E mafaufau, manatunatu, ma tusitusi filemu tagata taitoatasi.	E galulue taitoatasi tagata o le vaega pe faatasi foi ma isi mo le taimi atofaina.

Faamatalaga

• O le tagata e faagaioia ma le tagata o tausia le taimi e gafa ma le fesoasoani i le vaega e tausia le taimi atofaina mo vaega taitasi po o gaoioiga.

• Ia mautinoa o faaavanoa se taimi mo le vaega o le “Mafaufau Loloto” i le faatausiusiuga o mataupu taitasi. A o mafaufau loloto tagata o le vaega i lea taimi, e mafai ona latou saili e maua le taitaiga mai le Agaga Paia.