Sailiina o Tagata Faatau: O Lo’u Faavae: Salamo ma Ia Usiusitai,” Amataina ma le Faaolaina o La’u Pisinisi mo le Ola Tutoatasi (2017) “Sailiina o Tagata Faatau: O Lou Faavae” O Lo’u Faavae: Salamo ma Ia Usiusitai Taimi Aofai: 20 minute Mafaufau Loloto: E faapefea ona fesootai le salamo ma le usiusitai i le ola tutoatasi? Maimoa: “O le Usiusitai e Aumaia Faamanuiaga,” o lo o maua i le srs.lds.org/videos (A e a pe a le maua le vitio? Faitau le tusiga o lo o maua i le faaiuga o lenei vaega.) Talanoa: O a ni faamanuiaga na e maua i le usiusitai i tulafono a le Atua? E faapefea ona fesoasoani le salamo ia tatou alualu ai i luma? Faitau: Mataupu Faavae ma Feagaiga 130:20–21 ma le upusii mai le Perofeta o Iosefa Samita. Talanoa: Faitau le Iosua 3:5 ma upusii mai ia Elder Jeffrey R. Holland ma Peresitene Spencer W. Kimball. Aisea tatou te manaomia ai ona salamo, faapaiaina i tatou lava, ma taumafai e faia mea lelei a o tatou saili ina ia ola tutoatasi atili? Tautino: Tautino atu e faia faatinoga nei i le faagasologa o le vaiaso. Usitai i tulafono po o mataupu faavae sa e filifilia i le gaoioiga o lo o i luga. Faasoa atu mea na e aoaoina i le aso e uiga i le usiusitai i lou aiga po o uo.