“Faamautinoaina o La’u Pisinisi e Maua Ai ni Tupe,” Amataina ma le Faaolaina o La’u Pisinisi mo le Ola Tutoatasi (2017)
“Faamautinoaina o La’u Pisinisi e Maua Ai ni Tupe”
Aoao
Taimi Aofai: 70 minute
1. Pe oute manao i lenei pisinisi?
Maimoa:
:Pe Oute Manao i Lenei Pisinisi?,” o lo o maua i le srs.lds.org/videos (A e pe a le maua le vitio? Faitau le tusiga o loo maua i le faaiuga o lenei vaega.)
Talanoa:
Pe e te manao e te onaina lenei pisinisi? Aisea pe aisea e leai ai?
2 . Toe Faaleleia Fuafuaga o La’u Pisinisi Patino
Faitau:
O aso taitasi e ao ona e galue e faaleleia ai lau pisinisi? Faaaauau ona iloilo ma faasoa atu lou alualuiluma ma luitau ma le vaega.
3 . Malamalamaaga i Tau Fesuisuiai ma Tau Faatulagaina
Faitau:
“Iloa Ou Punaoa: Pulea Au Tau” (tagai i le tusiga i le faaiuga o lenei vaega.)
Talanoa:
O le a se mataupu faavae faapisinisi sa e aoaoina mai lenei talanoaga e uiga i le fale lipea seevae o Antonio?
Faitau:
E lua ia tau autu i le faagaioiga o se pisinisi: o le tau fesuisuiai ma le tau faatulagaina.
Tau Fesuisuiai: O le tau o nisi o punaoa o le a fesuisuiai e fua i le aofai o oloa e gaosia ma faatau atu e le pisinisi. O nei punaoa e masani ona taua o le tau o oloa ua faatau atu. E taua foi o tau fesuisuiai, o le igoa o le a tatou faaaogaina i le vaega lenei. O nisi o faataitaiga masani o tau fesuisuiai e aofia ai le taimi galue manaomia e faatau pe gaosia ai le auaunaga po o le oloa, o mea e manaomia mo le auaunaga po o le oloa gaosi, ma felauaiga.
Tau faatulagaina: O le tau o nisi o punaoa o le a tumau pea e le afaina le aofai o oloa gaosi ma faatau atu e le pisinisi. E taua nei o tau faatulagaina. O nisi o faataitaiga masani o tau faatulagaina e aofia ai totogi o fale, totogi o nonogatupe, totogi o tagata faigaluega, mea e faaaoga, ma le inisiua. E ao i tagata faipisinisi ona mafaufau lelei ma faaeteete i le faavasegaina o tau faatulagaina fou.
O lafoga o tau faaopoopo e pulea mai e le malo po o isi faalapotopotoga. I le avea ai o se tagata faipisinisi e ao ona e suesue ma malamalama i au lafoga ma totogi pe a manatunatu i avanoa o tupe maua a lau pisinisi.
Sue atu i le Fuafuaga o le Pisinisi Patino a Mark Bailey (tagai i le Faaopoopoga) e iloa ai punaoa sa ia manaomia mo lana pisinisi.
4 . Malamalamaga i Polofiti Atoa Vaevae i Tupe Maua ma Polofiti Mama mai Tupe Maua o Totoe Toese mai ai Tupe Faaalu i le Faagaoioiga o le Pisinisi
Faitau:
O le polofiti o le tupe e teu e le pisinisi pe a maea ona toese ia tupe faaalu mai tupe maua o faatauga. E faapenei ona sailia:
E lua ituaiga polofiti: polofiti atoa ma le polofiti mama. E faapenei ona sailia le polofiti atoa:
E faapenei ona sailia le polofiti mama:
E le lava i le na o le iloa o le polofiti atoa ma le polofiti mama ua maua e lau pisinisi. Ina ia iloa po o manuia lau pisinisi, e manaomia foi ona e iloa le polofiti maua. O le polofiti maua o se pasene e mafai ona maua e faaaoga ai fuainumera faigofie. O le pasene lenei e iloa ai le ola o lau pisinisi.
O le polofiti maua atoa o le pasene o le tupe teu a le pisinisi pe a uma ona toese mai ia tau fesuisuiai mai tupe maua o faatauga. E faapenei ona maua:
E taua le polofiti maua atoa aua e mafai ona fesoasoani e te iloilo ai pe o sao le auala o lo o iai lau pisinisi e maua ai se polofiti.
Faitau:
Polofiti maua mama o le pasene o le tupe teu a le pisinisi pe a maea ona toese le tau fesuisuiai MA LE tau faatulagaina mai tupe maua o faatauga. E faapenei ona maua:
E taua le polofiti maua mama aua nate tau maia ia te oe le pasene o le tupe e mafai ona teuina i le pisiinisi pe toe faafoi atu ia te oe le tagata faipisinisi.
Faitau:
O le toatele o tagata faipisinisi faamanuiaina ua iai a latou polofiti maua atoa e tusa ma le 50 pasene pe sili ae foi ma le polofiti maua mama e tusa ma le 10 pasene pe sili ae foi. Latou te galulue foi i se maketi e maualuga ai le manaomia a tagata faatau ma le avanoa e ola ai a latou pisinisi.
5 . Maitauina lelei o le Taua o Lo’u Taimi
Faitau:
O le toatele o tagata faipisinisi latou te le maitauina lelei le taua o o latou taimi. Ia mautinoa ua maitauina lelei mo le taimi galue ua e faaaogaina i se auaunaga po o se oloa gaosi. O le totogi mo le itula e tasi o lou faatauaina lea o lou taimi (po o le aofai e te totogi i isi tagata e fesoasoani ia te oe).
Talanoa:
Manatu ane i se tagata faipisinisi na te sui limaina ni palanikeke matagofie E ui o mea e faaaoga mo palanikeke e le taugata, o palanikete taitasi e alu le 60 e fai ai.
-
Afai e faatau atu e le tagata faipisinisi le palanikeke e tasi mo le 150, o le a le tau o le galuega e manaomia e fai ai le palanikeke? (150 vaevae i le 60 itula = 2.50 i le itula)
-
O le faaaogaina sili lea o le taimi o le tagata faipisinisi, manatu ane i isi avanoa e maua?
6 . Totogi o La’u Auaunaga poo se Oloa na Fausiaina
Faitau:
O lau tau e tatau ona aofia ai tau ua e faia ma polofiti o e sailia, ae le pulea mai e ia mea. E mafai ona faatulaga lau tau e faalagolago i le mea ua e manatu e gafatia ona totogi e tagata faatau mo lau auaunaga po o oloa gaosi. Ae peitai, o le tau e te ofaina atu, e masani ona aafia e tauvaga ma le tulaga maoae o lau auaunaga po o le oloa gaosi.
E ao ona e galue e faaleleia le tulaga po o le talitonuga i le tutasi o lau auaunaga po o le oloa gaosi. O le faiga lenei o le a mafai ai ona e ofaina atu se tau sili ae nai lo le o lo o lua tauva.
Afai o le tau e mafai e tagata faatau ona totogi e le maua ai se polofiti lelei mo lau pisinisi, e ao ona e mafaufau i ni auala e faaitiitia ai au tau. O nei auala e aofia ai le (1) faatau mai o oloa siiatoa i se tau maulalo ma le (2) faaaogaina o le tele o tagata sapalai ina ia pau ai le tau. Afai e le mafai ona e faaitiitia au tau, atonu e manaomia ona e filifili se isi avanoa faapisinisi.
7 . O ia te a’u se Pisinisi e Maua Ai ni Tupe?
Faitau:
Atonu ua e filifilia se avanoa faapisinisi o iai ni polofiti maua lele e foliga mai e maua ai tupe Ae ui i lea, afai sa e filifilia se avanoa faapisinisi e le maua ai se polofiti pe le lava se polofiti e tusa ma le taua o lou taimi, ia mafaufau mo isi avanoa.
Ma le isi mea, e mafai e lenei avanoa faapisinisi ona e ola faalagolago ai oe ia te oe lava? E mafai ona tausia oe ma lou aiga ma e auauna atu ai mo isi? Afai e leai, ia mafaufau mo isi avanoa. Tagai i mea aoaoina i le mataupu 2 e filifili ai isi manaoga e le i faamalieina o tagata faatau e fetaui ma mea e te fiafia iai ma lou tomai e tuuina atu ai se avanoa faatauva.