Faaolaina o La’u Pisinisi: Aoao,” Amataina ma le Faaolaina o La’u Pisinisi mo le Ola Tutoatasi (2017.)
“Faaolaina o La’u Pisinisi: Aoao”
Aoao
Taimi Aofai: 60 minute
1 . O Auala e Tolu e Faaola ai La’u Pisinisi
Faitau:
A oo loa lau pisinisi i le tulaga ua ausia ma tumau ai le manuia i le tuuina atu o auaunaga po o oloa gaosi e maua ai tupe, atonu ua saunia mo avanoa e ola ai. O le faaolaina o lau pisinisi atonu o se vaega o lau fuafuaga mai le amataga, pe atonu o se mea ua ofo fiafia ai ua auala mai i lou galue malosi ma le filiga. O le toatele o tagata faipisinisi e faaola a latou pisinisi i se tasi o auala e tolu o lo o faaalia atu i lalo. I lenei mataupu o le a tatou saili auiliili ai nei auala taitasi.
2 . Faalauteleina o La’u Auaunaga po o Oloa Gaosia
Faitau:
O se tasi o auala lelei e faaola ai lau pisinisi o le ofoina atu lea o auaunaga faaopoopo po o oloa gaosi e faamalieina ai manaoga o au tagata faatau o faamoemoe iai. O auaunaga ma oloa gaosi fou e faatuina ai auala o ituaiga o tupe maua faaopoopo e fesoasoani e maua ai le malosi o lau pisinisi. O nisi faataitaiga e ono aofia ai mea nei.
Ia iloa o auaunaga po o oloa gaosi taitasi ua faalauteleina i nei faataitaiga o se faatelega talafeagai o le autu o le pisinisi.
3 . Faalauteleina o A’u Maketi Fuafuaina
Faitau:
O le isi auala e fesoasoani e faaola ai lau pisinisi o le faateleina lea o lau maketi o lo o taulai iai. O lenei o le a mafai ai ona e taulai atu ma fesootai ma tagata faatau e toatele, e faamoemoe o le a taitaiina atu ai le tele o pisinisi. O nisi o auala e mafai ona faateleina ai lau maketi o taulai iai o lo o faaali atu i lalo.
Talanoa:
-
O a itu e te manao e suesue ma feutagai a o lei tuliloaina se isi o nei filifiliga?
-
E faapefea ona e faatumauina le tulaga maoae o le auaunaga po o oloa gaosi i lau pisinisi autu a o faateleina?
4 . Tauva mo se Pasene Sili ae o le Maketi
Faitau:
E mafai ona faaola lau pisinisi e ala i le tauva mo se pasene sili ae o le maketi E fai e tagata faipisinisi lenei mea i le taulai i o latou avanoa faatauva ma le faateleina o le tulaga maoae o a latou auaunaga po o oloa gaosi ina ia sui atu tagata faatau i a latou pisinisi. Mo se faataitaiga, e mafai e le pule o se faletifaga ona faatau ni nofoa faamalu lelei ma siitia ituaiga meaai e filifili ai, ina ia faatosina mai ai tagata o auai i isi faletifaga.
5 . Faaaogaina Tatau Avanoa e Faaola ai
Faitau:
O lea faatoa o tatou aoaoina ni auala se tolu e faaola ai se pisinisi. Afai e te manao e faaola lau pisinisi, e ao ona e toaga e saili mo avanoa e mafai ona faaola ai. E aoao mai tagata faipisini faamanuiaina e ala i le faia o faatinoga (tagai MF&F 58:26-28). E faaaoga lo latou atamai pe a feutagai avanoa fou e faateleina ai a latou pisinisi e ala i le suesue faaeteete o punaoa faaopoopo ma luitau e ono oo iai. Ae ui i lea, latou te le fefefe e tofotofo ma fai mea sese. Latou te vaai i measese o ni avanoa e faatelevave ai lo latou aoaoina, e mafai ai ona faamalolosi ia i latou ma faalatalata atu ai i o latou sini faamoemoe. E ia i latou le lototele e sui ai le taulaiga o a latou pisinisi, pe a manaomia, e faamalieina manaoga fesuisuiai o tagata faatau.
Talanoa:
Manatu ane i se tagata faipisinisi o lo o tusi laina o nofoaga e paka ai taavale. Ua tonu o ia e mafai ona tele ana pisinisi e ala i le suia o le mea e taulai iai lana pisinisi. Ina ua maea ona talanoa i ana tagata faatau, na ia aoao ai latou te fiafia e totogi sili ae pe afai e vali uliuli e lana pisinisi faailoga tuai ma fai mea e paka ai putaputa e faaitiitia ai le saosaoa o taavale. Ua ia iloilo auiliili lenei mea ma talitonu e sao lea lagona faapisinisi, o lea na ia filifili ai e tuliloa nei avanoa fou.
-
O a ni avanoa po o faafitauli ua e iloa e ono mafua ai ona suia le taulaiga o lau pisinisi?
6 . Atiinaeina o se Mausa o le Teuina i Teugatupe Patino
Faitau:
O lou agavaa e faaola ai lau pisinisi e mafai ona fesoasoani sili iai pe afai e iai ni au teugatupe patino e faaaoga. O se tasi o mausa e tulagaese ai tagata faipisinisi faamanuiaina o lo latou faasaoina pea lava pea o tupe. Ua fautuaina i tatou muamua lava ona totogi a tatou sefuluai ma taulaga. Ona totogi ai lea o i tatou lava e ala i le teuina o se vaega o a tatou tupe.
O le teuina o tupe e maua mai ai fesoasoani mo taimi o faalavelave faafuasei ma manaoga e le ma iloa. E aumai ai foi le filemu i le mafaufau, fetuunaiga o filifiliga o le soifuaga, ma punaoa mo avanoa e pei o le faaolaina o se pisinisi. A o iai le tele o auala e faasaoina ai tupe, o le mea e sili ona taua o le teu o tupe i vaiaso taitasi.
E mafai ona fesoasoani le tekinolosi e teu ai tupe. E mafai ona e faatulaga se vaegatupe e otometi ona aveesea mai i lau siaki po o le fesuiaiga otometi mai le teugatupe o le siaki i le teugatupe o le faasao. O le toesega po o le fesuiaiga otometi e mafai ona fesoasoani i teugatupe e aunoa ma se galuega tele e fai iai. O nisi auala faatino e teu ai tupe e aofia ai:
-
Faaputuina o se tupe faaleoleo mo mea e tutupu faafuasei.
-
Faatulagaina o se paketi.
-
Galue faamoemoe atu i se teugatupe mo se taimi puupuu.
-
O le teuina o tupe maua tetele, e pei o tupe faafoi mai o lafoga, tupe o aso fanau, ponesi, ma tupe maua mai i tuaa ua maliliu.
-
Faatulagaina o teugatupe mo misiona, aoga, litaea, avanoa mo pisinisi, po o isi faamoemoega patino.
-
Faasaoina o au tinoitupe po o sui taape
Talanoa:
O a ni auala e galue lelei e fesoasoani e teuina ai pea lava pea au tupe.
7 . Faaitiitia Tau le Manaomia
Faitau:
Ina ia faatumauina se polofiti maua lelei, e tatau i tagata faipisinisi ona iloa ona faagaoioi e faaaogaina ai ni punaoa itiiti. O tagata faipisinisi faamanuiaina e ola fuafua lelei ma maoti i le iloa po o a tau e lelei ma le lelei. O nisi o taimi latou te faia ai faaiuga toa e ala i le tautinoga e faaitiitia se pasene o a latou tau ona saili lea o auala fatu ae talafeagai e ausia ai tupemaua faasaoina. O nisi o auala masani e pulea lelei ai e tagata faipisinisi tau o lo o faaali atu i lalo.
|
Fuafua tatau le faaaogaina o punaoa: Faasoa pe toe faaaoga masini ma sapalai; ia manao e faatau mea ua faaaoga ae le o ni mea fou. Mo se faataitaiga, sa filifili totoa le faleoloa tusiata i le faatauina mai o meafale o le ofisa tuai e faamalieina ai lona manaoga. |
|
Faatumau le mea e taulai iai: Faaaoga tatau le taimi i le taulai atu i mea faamuamua ma galuega e maua ai le tele o tupe maua. Mo se faataitaiga, o le kamupani inisinia faapitoa ua taulai atu i auaunaga e tolu e tele ai tupe maua. |
|
Faaaoga tekinolosi: Faaaoga tekinolosi e faateleina ai mea e fai, faaleleia ai fesootaiga, ma faaitiitia ai tupe faaalu. Mo se faataitaiga, ina ia faaitiitia tupe faaalu i femalagaaiga, ua faaaoga e se pisinisi komepiuta e atiinaeina polokalama o auaunaga tau maulalo o talanoaga i luga o vitio ma talanoaga i nofoaga eseese. |
|
Faaaoga le malosi o fefaatauaiga: Siaki solo pe saili mai tau lata ane mai le tele o punaoa, fetuunai tupe faaalu ina ia maua le tau sili, pe faatau oloa siiatoa. Mo se faataitaiga, o se pisinisi e faia pau o meafale na talosaga tau lata ane mai faleoloa eseese e sapalaia pau. |