Ջոզեֆի շնորհիվ
Բացահայտեք վեց ուղիներ, որոնց միջողով ձեր կյանքը տարբեր է ի շնորհիվ Մարգարե Ջոզեֆ Սմիթի (կամ կարող է տարբեր լինել):
Ջոզեֆ Սմիթը մահացել է 170 տարի առաջ: Նա ապրեց ընդամնեը 38 տարի, անցկացնելով այդ ժամանակի մեծ մասը այնպիսի տեղերում, որոնք այնքան անհայտ են, որ դուք հավանաբար չեք գտնի դրանք որևէ քարտեզի վրա, բացի ամենամանրամասն քարտեզներից: Եվ դուք գուցե ծանոթ եք շատ բաների հետ, որոնք նա արեց իր կյանքում: Բայց երբևիցե դուք մտածե՞լ եք, թե ինչպես են դրանք ազդել ձեզ վրա անձնապես: Չնայած այդ ուղիները խիստ բամաթիվ են՝ հաշվելու համար, դուք կարող եք սկսել այս վեցով:
Ջոզեֆ Սմիթի շնորհիվ.
1. Դուք հասկանում եք, թե ով է Աստված և Հիսուս Քրիստոսն իրականում:
Եթե նույնիսկ, Ջոզեֆ Սմիթի միջոցով չէ դա, դուք գուցե այնուամենայնիվ հավատում եք Հայր Աստծուն և Հիսուս Քրիստոսին: Դուք գուցե ունեք Աստվածաշնչի վայությունները: Բայց մտածեք, թե որքան ավելի խորն է ու ավելի հարուստ ձեր հասկացողությունը այն բանի շնորհիվ, ինչ Ջոզեֆ Սմիթը վերականգնեց՝ Մորմոնի Գրքի, Վարդապետություն և Ուխտերի և Թանկագին Մարգարիտի համարձակ, հաստատող վկայություններով: Օրինակ, դուք գիտեք մի բան, որը աշխարհի մեծ մասը չգտիտի, որ հարություն առած Փրկիչը հայտնվեց Ամերիկաներում՝ ապացուցելով Իր խոսքերով, որ Նա ոչ միայն «Իսրայելի Աստվածն է [այլ նաև] ողջ երկրագնդի Աստվածը» (3 Նեփի 11.14):
Մտածեք, թե որքան է ձեր վկայությունը Երկնային Հոր և Հիսուս Քրիստոսի հանդեպ զորանում Նեփիի, Ալմայի, Մորոնիի հզոր վկայություններից, չեմ ասում էլ Ջոզեֆ Սմիթի մասին, ով հայտարարեց. «Նա ապրում է»: «Քանզի մենք տեսանք նրան, նույնիսկ Աստծո աջ կողմում» (ՎևՈՒ 76.22–23): Մի օրում, երբ հավատքն առ Աստված և Հիսուս Քրիստոսը մարտահրավերի է ենթարկվում և հաճախ լքվում, ինչպիսի օրհնություն է ունենալ այս լրացուցիչ լույսը:
2. Դուք գիտեք, որ Աստծո զավակն եք, և այդպես՝ բոլոր մյուսները ևս:
Երևի ամենակարևոր ճշմարտությունը, որ Ջոզեֆ Սմիթը վերականգնեց, Աստծո հետ մեր փոխհարաբերության վերաբերյալ ճշմարտությունն էր:1 Նա տառացիորեն մեր Հայրն է: Երբևէ կանգ առե՞լ եք մտածելու այն բաների մասին, որոնք բխում են այդ փաստից: Դա փոխում է ուղին, թե ինչպես եք տեսնում ինքներդ ձեզ, անկախ նրանից, թե ինչ է մտածում աշխարհը ձեր մասին, դուք գիտեք, որ Աստծո սիրելի զավակն եք, Նրա հատկանիշներով ձեր ներսում: Դա փոխում է ուղին, թե ինչպես եք տեսնում ուրիշներին՝ հանկարծակի բոլորը,—բոլորը—ձեր եղբայրներն ու քույրերն են: Այն փոխում է ուղին, թե ինչպես եք նայում բուն կյանքին, բոլոր դրա ուրախությունները և փորձությունները Երկնային Հոր ծրագրի մասն են կազմում՝ օգնելու դառնալ Իր նման: Վատ չէ, որ ինչ որ բանի առթիվ, դուք երգում եք Երեխաների Միությունում:2
3. Ձեր ընտանիքը կարող է հավերժական լինել:
Ինչո՞ւ են այդքան մարդիկ շփոթված ամուսնության և ընտանիքի կարևոորության վերաբերյալ: Միգուցե այն պատճառով, որ չգիտեն վարդապետությունը, որը վերականգվել էր Ջոզեֆ Սմիթի միջոցով, որ ամուսնությունն ու ընտանիքը կարգվել են Աստծո կողմից և նախատեսված են հավերժական լինելու: (տես ՎևՈւ 49.15, 132.7): Սրանք մարդկանց կողմից հորինված ավանդույթներ չեն, որը մեր հասարակությունն է աճեցրել, դրանք երկնքի հավերժական կարգի մասն են կազմում: Եվ ի շնորհիվ քահանյության բանալիների և տաճարային արարողությունների, որոնք վերականգվել են Ջոզեֆ Սմիթի միջոցով, ձեր հավերժական ընտանիքը կարող է սկսել այստեղ՝ երկրի վրա:
4. Քահանայությունը և նրա օրհնությունները մատչելի են ձեզ համար:
Քանի որ Աստված վերականգնեց Իր քահանայությունը Ջոզեֆ Սմիթի միջոցով, դուք կարող եք մկրտվել և ստանալ Սուրբ Հոգու պարգևը: Դուք կարող եք ձգտել բժշկության, մխիթարության, և առաջնորդության քահանայության օրհնություններին: Դուք կարող եք սրբազան ուխտեր անել, որոնք կապում են ձեզ Աստծո հետ: Եվ դուք կարող եք նորոգել ձեր ուխտն ամեն շաբաթ, երբ դուք ճաշակեք հաղորդությունից: Քահանայության արարողությունների միջոցով Աստծո զորությունը մտնում է ձեր կյանք (տես ՎևՈւ 84.20–21): Սրանցից ոչ մեկը հնարավոր չէր լինի առանց այն աշխատանքի, որն իրականացվեց Ջոզեֆ Սմիթի միջոցով:
5. Դուք ազատ եք վնասակար նյութերից հակվածությունից:
Կամ առնվազն կարող եք լինել, եթե հնազանդվեք Ջոզեֆի հայտնությանը, որը ստացվել է 1833 թվականին, նախքան բժշկությունը կապացուցեր, որ թոքերի քաղցկեղն առաջանում է ծխախոտից, իսկ ոգելից խմիչքները կապված են լյարդի հիվանդության հետ: Երբ մարգարե ունեք, ով հայտնում է Աստծո իմաստությունը, ինչու սպասել աշխարհի իմաստությանը, որպեսզի ուղղեք բաց թողածը: Իմաստության Խոսքը ցույց է տալիս, որ Աստված հոգ է տանում ոչ միայն մեր հոգիների համար, այլ նաև մեր մարմինների համար (տես ՎևՈւ 89): Ի վերջո, ինչպես ցույց տվեց Ջոզեֆ Սմիթի հայտնությունները, մարմին ունենալը մեզ դարձնում է ավելի և ոչ թե սակավ նման մեր Երկնային Հորը, ով նույնպես մսից և ոսկորերից մարմին ունի (տես ՎևՈւ 130.22):
6. Դուք կարող եք ինքնուրույն իմանալ ճշմարտությունը Սուրբ Հոգու միջոցով:
Երբ երիտասարդ Ջոզեֆ Սմիթը մտավ Սրբազան Պուրակ 1820 թվականին, շատ եկեղեցիների ընդհանուր համոզմունքն էր, որ հայտնությունը անցած բան է: Ջոզեֆի Առաջին Տեսիլքն ապացուցեց, որ դա սխալ է: Երկինքները բաց են ոչ միայն մարգարեների համար: Ամեն մեկն, ով հարց ունի կարող է ստանալ պատասխան խոնարհ, ջանասեր որոնման միջոցով (տես ՎևՈւ 42.61; 88.63): Օրինակ դուք կարող եք պարզել ձեզ համար, թե Ջոզեֆ Սմիթը Աստծո մարգարե է՞, նույն ձևով ինչպես Ջոզեֆը պարզեց Աստծուն Իրեն՝ հարցնելով:
Այս ցուցակն ընդամնեը սկիզբն է: Ի՞նչ կավելացնեիք դուք: Ի՞նչպես է ձեր կյանքը տարբեր Ջոզեֆ Սմիթի շնորհիվ: