Toʻu Tupú

Poletaki ʻo e Loto Houngaʻiá

Fai ʻe John Hilton III mo Anthony Sweat

ʻOua muʻa naʻa tau talanoa pē ki hono lahi hotau ngaahi tāpuakí—tau ngāueʻi ia! Hiki ha lisi ʻo e ngaahi meʻa ʻe 100 ʻokú ke fakamālō ai. Kapau ʻokú ke pehē ʻoku fuʻu tōtuʻa ia, ʻahiʻahi fai ange ʻení:

1. Hiki ha ngaahi meʻa ʻe 10 ʻokú ke malava fakatuʻasino ke fakahoko, ʻokú ke houngaʻia ai.

2. Hiki ha koloa fakaemāmani ʻe 10 ʻokú ke houngaʻia ai.

3. Hiki ha kakai moʻui ʻe toko 10 ʻokú ke houngaʻia ai.

4. Hiki ha kakai pekia ʻe toko 10 ʻokú ke houngaʻia ai.

5. Hiki ha meʻa ʻe 10 fekauʻaki mo natula ʻokú ke houngaʻia ai.

6. Hiki ha meʻa ʻe 10 fekauʻaki mo e ʻahó ni ʻokú ke houngaʻia ai.

7. Hiki ha feituʻu ʻe 10 he māmaní ʻokú ke houngaʻia ai.

8. Hiki ha ʻilo fakaeonopooni e 10 ʻokú ke houngaʻia ai.

9. Hiki ha meʻakai ʻe 10 ʻokú ke houngaʻia ai.

10. Hiki ha meʻa ʻe 10 fekauʻaki mo e ongoongoleleí ʻokú ke houngaʻia ai.

ʻI heʻetau faʻu ko ia ha lisi pehení, ʻoku tau ʻiloʻi ai naʻa mo e ngaahi meʻa ʻe 100 ko ia kuo tau hikí, ʻoku ʻikai teitei ofiofia ia ki he ngaahi meʻa kotoa pē kuo foaki mai ʻe he ʻOtuá maʻatautolú.