Mekisikou

Naʻe tūʻuta ki Mekisikou e fuofua kau faifekau ʻo e Siasí ʻi he 1875. Naʻa nau vahevahe ki ha kulupu ʻe ua. Naʻe ʻoatu ʻe he kulupu ʻe taha ha ngaahi konga ʻo e Tohi ʻa Molomoná kuo filifili ʻo pulusi he lea faka-Sipeiní, ki ha kau taki ʻiloa ʻi he fonuá pea nau akoʻi ha kakai tokolahi ka naʻe ʻikai ke nau fakaului ha taha. Naʻe papitaiso ʻe he kulupu ʻe tahá e fuofua kāingalotu ʻe toko nima ʻo Mekisikoú ki he Siasí ʻi Hemasilo ʻi Sonolá. Hili mei ai ha taʻu ʻe fā, naʻe kole ʻe ha taha ʻo e kau taki naʻá ne maʻu e tohi ʻa e Siasí ʻi he 1875 ko Polotino C. Lotakanati ʻo Mekisikou Sití, ke papitaiso ia mo ha niʻihi kehe. Naʻe kakato ʻa hono liliu ʻo e Tohi ʻa Molomona ʻi he lea faka-Sipeiní ʻi he 1885.

Ne taʻu lahi e fehangahangai e fonuá mo e haʻahaʻa fakapolitikalé ka naʻe kei tui faivelenga pē ʻa e kau fuofua kāingalotú. Naʻe fokotuʻu e fuofua siteiki Mekisikou lea faka-Sipeini ʻo e Siasí ʻi he ʻaho 3 ʻo Tīsema 1961. Naʻe fakaava ʻe he Siasí ha ʻū ʻapiako, ʻo kau ai ʻa e Benemérito de las Américas, naʻe fokotuʻu ʻi Mekisikou Siti ʻi he 1963, pea ʻoku kei lele pē he ʻahó ni.

Naʻe fakatapui ʻi he 1983 ʻa e fuofua temipale naʻe langa ʻi Mekisikoú, naʻe tuʻu ia ʻi Mekisikou Siti. Naʻe fakatapui ha temipale ʻe valu ʻi he 2000 ʻi Mekisikou.

ʻI he 2004, naʻe hoko ʻa Mekisikou ko e fuofua fonua mavahe mei he ʻIunaiteti Siteití, ke aʻu hono kāingalotú ki he toko taha milioná.

Ko e Siasí ʻi Mekisikou
Tokolahi ʻo e Kāingalotú	1,234,545
Ngaahi Misioná	23
Ngaahi Siteikí	221
Ngaahi Uōtí mo e Koló	2,009
Ngaahi temipalé	12 ʻoku lolotonga ngāueʻakí; fanongonongo mo e 1

Ko e kau atu e kau taki ʻo e Siasí ki hono tanupou ʻo e Benemérito de las Américas ʻi he ʻaho 4 ʻo Nōvema 1963.

Mekisikou Siti

Temipale Tiuana Mekisikoú (fanongonongo)

Temipale Sutati Hualesa Mekisikoú

Temipale Kolonia Hualesa Siuāuā Mekisikoú

Temipale Hemasila Sonola Mekisikoú

Temipale Monitulei Mekisikoú

Temipale Temipikou Mekisikoú

Temipale Kuatahala Mekisikoú

Temipale Mekisikou Siti Mekisikoú

Temipale Velakulusi Mekisikoú

Temipale ʻOasaka Mekisikoú

Temipale Melita Mekisikoú

Temipale Vilahemosa Mekisikoú

Temipale Tusitala Kutialesa Mekisikoú

ʻŌseni Pasifikí