Te u Lava Fēfē ʻo Muimui ʻi he Fakamoʻuí?

Mei he “ʻOku Tau Muimui ʻia Sīsū Kalaisi,” Liahona, Mē 2010, 84, 86; “Moʻui ʻi he Tuí kae ʻIkai ʻi he Manavasiʻí,” Liahona, Nōv. 2007, 73.

ʻĪmisi

ʻEletā Quentin L. Cook

Ko e vahevahe ʻe ʻEletā Kuenitini L. Kuki ʻo e Kōlomu ʻo e Kau ʻAposetolo ʻe Toko Hongofulu Mā Uá ha ngaahi fakakaukau fekauʻaki mo e tefito ko ʻení.

ʻOku tau fakahā ʻetau ʻofa ki he ʻOtuá ʻi he taimi ʻoku tau tauhi ai ʻEne ngaahi fekaú mo tokoniʻi ʻEne fānaú.

ʻI he sākalamēnití ʻoku tau lava ai ʻo fakamoʻoniʻi ki he ʻOtuá te tau manatu ki Hono ʻAló mo tauhi ʻEne ngaahi fekaú ʻi heʻetau fakafoʻou ʻetau fuakava ʻi he papitaisó.

Naʻe fakahā ʻe he Fakamoʻuí ʻe ʻiloa kitautolu ko ʻEne kau ākonga ʻo kapau te tau feʻofaʻaki ʻiate kitautolu.

Muimui ʻi hotau palōfita moʻuí, ʻa Palesiteni Tōmasi S. Monisoni. Ko ha faʻifaʻitakiʻanga lelei ʻaupito ia ʻo ha taha ʻoku muimui ʻi he Fakamoʻuí.

Kuo pau ke tau toʻo kiate kitautolu ʻa e huafa ʻo Sīsū Kalaisí pea maʻu Hono ʻīmisí ʻi hotau fofongá koeʻuhí ke tau tatau ange mo Ia ʻi he taimi te Ne hāʻele mai aí.

Ngaahi tā fakatātā ʻa Steve Kropp; konga naʻe toʻo mei he Ko Kalaisi mo e Talavou Koloaʻiá, tā ʻe Heinrich Hofmann, ʻi he angalelei ʻa e C. Harrison Conroy Co.