Linain nga Saksi
Unsa ang tinuod nga pagkakabig?
Gikan sa “Hingpit nga Pagkakabig Magdala og Kalipay,” Liahona, Hulyo 2002, 27; Ensign, Mayo 2002, 25.
Si Elder Richard G. Scott sa Korum sa Napulog Duha ka mga Apostoles mipakigbahin sa pipila sa iyang mga hunahuna niini nga hilisgutan.
Sa yano nga pagkasulti, ang tinuod nga pagkakabig mao ang bunga sa hugot nga pagtuo, paghinulsol, ug makanunayon nga pagkamasulundon.
Ang hugot nga pagtuo moabut pinaagi sa pagpaminaw sa pulong sa Dios ug mosunod niini. Kamo makadawat gikan sa Espiritu Santo og usa ka pagpamatuod nga saksi sa mga butang nga inyong gidawat sa hugot nga pagtuo pinaagi sa pagkamauyunon sa pagbuhat niini.
Kamo madala ngadto sa paghinulsol sa mga sayop nga miresulta gikan sa sayop nga mga butang nga nahimo o husto nga mga butang nga wala mahimo. Isip sangputanan, ang inyong kapasidad sa makanunayon nga pagsunod mahimo nga malig-on.
Kini nga pagbalikbalik sa hugot nga pagtuo, paghinulsol, ug makanunayon nga pagsunod modala kaninyo sa mas mahinungdanon nga pagkakabig uban sa mga panalangin niini.
Ang tinuod nga pagkakabig mopalig-on sa inyong kapasidad sa pagbuhat sa unsay iyong nahibaloan nga kinahanglan ninyong buhaton, kanus-a ninyo kini kinahanglang buhaton, sa walay pagsapayan sa mga kahimtang.
Paghulagway ni Beth M. Whittaker