Usa ka Pagdapit sa Family Home Evening
Gladys Elena Yepes de Velásquez, Antioquia, Colombia
Sukad sa akong pagbunyag 12 ka tuig na ang milabay, ang akong kinabuhi makahuluganong nausab. Tungod niini nga rason ang akong bana ug ako mihukom sa pagpakigbahin sa balaanon nga kahayag nga among nadawat uban sa nagkalainlain nga mga tawo. Misugod kami sa pagdapit sa mga misyonaryo ug pipila sa mga silingan sa among panimalay alang sa family home evening.
Naghimo kami og gagmay nga mga kard sa pagdapit alang sa among mga silingan. Daghang mga tawo ang misugod sa pagtambong kinsa interesado sa pagtan-aw kon unsa gayud ang family home evening. Ang pipila mas interesado kay sa uban, apan kadaghanan ganahan sa mga kalihokan ug sa mga pangpabugnaw. Usa sa mga pamilya nga among gidapit nabunyagan!
Sa akong pagpakigbahin sa akong kalipay mahitungod sa pagkasakop sa Ang Simbahan ni Jesukristo sa mga Santos sa Ulahing mga Adlaw pinaagi sa family home evening, ang akong hugot nga pagtuo mitubo usab.