Unsay Gitudlo ni Propeta Joseph SMITH

PANAGHIUSA

Gikan sa Mga Pagtulun-an sa mga Presidente sa Simbahan: Joseph Smith (Melchizedek Priesthood ug Relief Society nga tun-anan, 2007), 274, 276, 278.

Si Joseph Smith nakasabut sa gahum nga moabut gikan sa pagkahiusa.

Sa mga panahon nga bag-o pa lang ang Simbahan, ang Ginoo mimando sa mga Santos sa Ulahing mga Adlaw nga magkahiusa (tan-awa sa D&P 38:27). Sa tibuok niyang kinabuhi si Propeta Joseph Smith miorganisar ug mihiusa sa mga Santos aron matuman ang buhat sa Dios. Siya mitudlo kanila, nangulo kanila, ug miawhag kanila sa pagsakripisyo sa ilang panahon, mga talento, ug mga kabtangan alang sa katuyoan sa Zion. Ania ang pipila sa iyang mga pagtulun-an mahitungod sa panaghiusa.

Ang Paagi sa Pagbuhat sa Buhat sa Ginoo

“Kita nalipay kaayo sa pagkatinuod nga makahibalo nga aduna niining usa ka espiritu sa panaghiusa nga anaa sa bisan diin nga mga simbahan, sa panimalay ug sa laing dapit … ; kay pinaagi niini nga baruganan, ug pinaagi sa usa ka pagtutok sa buluhaton, makahimo kita pagdala ngadto sa kalampusan sa mga katuyoan sa atong Dios.”

“Ang panaghiusa usa ka gahum. … Awhaga ang mga Santos sa Labing Halangdon sa pagbaton kanunay niini nga baruganan, ug ang labing mahimayaong mga panalangin mao gayud ang bunga, dili lang sa tinagsa-tagsa kanila, kondili sa tibuok Simbahan.”

Wagtanga ang Hinakog nga mga Pagbati

“Awhaga ang mga Santos sa paghinumdom nga ang mga dagkong mga butang nag-agad sa ilang kaugalingong paninguha, ug nga sila gitawag isip kaubang alagad uban kanato ug sa Espiritu Santo aron molampus niining dakong buluhaton sa ulahing mga adlaw; ug … buhata nga ang matag hinakog nga pagbati dili lang kay ikalubong, hinoon mawagtang.”

“Buhaton nato nga matinuod nga kita wala maninguha alang sa atong kaugalingon, apan alang sa Dios; sa ingon niana ang talagsaong panalangin maangkon nato nga pareho niining kinabuhia ug sa kahangturan.”

Ang mga Panalangin sa Panaghiusa

“Pinaagi sa pagtinabangay sa pagbuhat, ug sa panaghiusa sa pagpaningkamot, kita makahimo lamang sa pagtuman sa dakong buluhaton niining ulahing mga adlaw … , samtang ang atong mga hilig, nga temporal ug espirituhanon, madugangan og maayo, ug ang mga panalangin sa langit kinahanglan modagayday ngari kanato sa walay paghubas nga tuburan.”

Joseph Smith Jr., ni Brad Teare