Ñandeha’e Jesucristo Tupao Santokuéra Ára Pahapegua.

Reyna I. Aburto rupive

Segunda Consejera Presidencia General Sociedad de Socorro- guápe

Tupao ha’e hetave umi edifísio ha estructura eclesiástica-gui; Tupao ha’e ñande, miembrokuéra, Cristo reheve pe akãme ha pe proféta Iñe’ẽpu ramo.

Arresivi rire peteĩ invitasiõ “eju ha ehecha,”¹ aha Jesucristo Tupao Santokuéra Ára Pahapeguápe peteĩha jave arekóvo 26 áño. Ajueja ramoite che ména peteĩhagui. Areko peteĩ mitãkuimba’e 3 áño orekóva. Ha añeñandu pu’aka’ỹ ha kyhyje reheve. Aikévo pe edifísiope, cherenyhẽ hakuvýgui ahechakuaávo fe ha tory orekóva umi hénte chembojeréva. Ha’ékuri añetehápe “peteĩ ñemo’ãha yvytuvaígui”² Mbohapy semana rire, ajapo pe konvénio bautismal che Ru Yvagagua ndie ha añepyrũ che je’ói Cristo discípulo ramo, jepe che rekove ndaiperféctoi upe je’ói pukukue.

Che ahupyty haĝua umi jehovasa ijapyra’ỹva, heta elemento físico ha espiritual oĩva’erãkuri hendápe. Pe Jesucristo evanhélio ojerrestaurákuri ha ojepredika hína; pe centro de reunión oñemopu’ã ha oñemantene; oĩ peteĩ estructura eclesiástica, oñepyrũvo profétagui umi lideres locales peve; peteĩ Rama henyhẽva konveniogua miembrokuéragui oĩva listo oreañua haĝua chéve ha che membýpe rojegueraha vove pe Salvador-pe, “roñenutri Tupã ñe’ẽ porã rupi,”³ ha oñeme’ẽ oportunidad roservi haĝua.⁴

Ñepyrũmby guive Tupã oñeha’ã ombyaty ha omohenda Ita’yrakuérape⁵ “ogueraha haĝua a cabo [ñane] inmortalidad ha vida eterna.”⁶ Upe propósito reheve iñakãme, Ha’e ñanemomarandu ñamopu’ã haĝua tenda ñatupãitũ haĝua⁷jarresivihápe kuaapy ha umi salvasiõ ha exaltasiõ ordenansakuéra; jajapo ha ñañongatu konveniokuéra ñanembojoajúva Jesucristo ndie;⁸ñañeinvesti “divinida pu’aka”;⁹reheve; ha ñande’aty py’ỹi ñanemandu’a haĝua Jesús-re ha ñañemombarete haĝua Hese.¹⁰ Tupao organización ha ijedifisiokuéra oĩ ñane ñeime espiritual porãrã. “Tupao … ha’e pe andamio ñamopu’ãva reheve familia-kuéra eterna.”¹¹

Añe’ẽvo peteĩ angirũ ndie ohasáva hína ára hasýre, aporandu chupe mba’éichapa oikove hína económicamente. Hasẽvo, ombohovái chéve ijobispo oipytyvõha hína chupe oipurúvo ofrenda de ayuno fondokuéra. Ha’e he’i: “ Ndaikuaái moõpa roĩne che familia ha che ndaha’éirõ tupao rehe. Ambohovái chupe: “Tupao ha’e miembrokuéra. Ha’ekuéra ha’e umi ijehegui ha vy’ápe ome’ẽva umi ofrenda de ayuno oñeipytyvõ haĝua umi oikotevẽvape. Nde rehupyty hína yva oúva ife ha determinasiõgui osegi haĝua Jesucristo-pe.

Che consiervokuéra, Jesucristo discípulo, ani ja’apo’i pe tembiapo hechapyrãva Ñandejára ojapóva hína ñande, Itupao, rupive, jepe ñanekangykue. Sapy’ánte ñande umi ñame’ẽva ha sapy’ánte umi oñeme’ẽvape, ha katu opavave peteĩ familia Cristo-pe. Itupao ha’e pe estructura Ha’e ome’ẽva’ekue ñaneisãmbyhy ha ñanderovasa haĝua ñaitupãitũvo Chupe ha jajoservívo ojupe.

Oĩ hermanakuéra ojeruréva chéve perdón, opensávo ndaha’eiha sociedad de socorro miembro activo oservihaguére hína Primaria térã Mujeres Jóvenes-pe. Umíva oĩ Sociedad de Socorro miebrokuéra ijactivovéva apytépe oipytyvõgui hína ñane mitã ha mitãrusukuéra jahayhuetévape omombarete haĝua ife Jesucristo-re.

Pe Sociedad de Socorro noñelimitái peteĩ edificiogua salón-pe, peteĩ mbo’epy dominical, peteĩ actividad térã peteĩ presidencia local térã general-pe. Sociedad de Socorro ha’e umi konveniogua kuña tupaopegua; ha’e ñandepeteĩ teĩ ñande ha opavave ñande. Ha’e ñande “Poriahuvereko ha servicio comunida global.”¹² Oimeraẽ tendápe ha jahahápe, ñande ha’e akoiete parte Sociedad de Socorro-pe ñañeha’ãvo ñakumpli ipropósito divíno, ha’éva kuñanguéra tojapo Ñandejára rembiapo en forma individual ha avei colectíva¹³ome’ẽvo alívio: alívio mboriahugui, alívio mba’asýgui; alívio dúdagui, alívio jeikuaa’ỹgui, alívio opa umi mba’e ojokóva…vy’a ha jekakuaa.”¹⁴

Oĩ peteĩ pertenencia upeichagua umi cuórun de Elderes ha ambue tupaogua organización-kuérape opa edad-pe ĝuarã, jepe ñane mitã ha mitãrusukuérape ĝuarã. Tupao ha’e hetave umi edificio ha estructura eclesiásticagui; Tupao ha’e ñande, miembrokuéra. Ñande ha’e Jesucristo Tupao Santokuéra Ára Pahapegua, Cristo reheve pe akãme ha proféta Iñe’ẽpu ramo. Ñandejára he’í kuri:

“Péina ápe, kóva haʼe che doctrina—oimeraẽva umi oñearrepenti ha oúva cherendápe, umíva haʼe che tupao. …

“Ha… oimerãeva che tupaogua, ha opytáva che tupaópe ipahaite peve, amopuʼãta che itaguasu ári.”¹⁵

Hermano ha hermanakuéra, tajahechakuaa privilegiadoha ñande ñapertenesévo Jesucristo tupaópe, ikatuhápe ñambojoaju ñande fe, korasõ, mbaretekue, apytu’ũ ha ñande po Ha’e ojapo haĝua umi Ipoderóso milagro. “[Cristo tupao] tete ndaha’éigui peteĩ miembro añónte, ha katu heta.”¹⁶

Peteĩ mitãkuimba’erusu he’i isýpe: “Che michĩrõguare, káda ame’ẽ peteĩ dólar diezmo ramo, apensa upe peteĩ dólar reheve oñemopu’ãtaha peteĩ centro de reunión enteroite. Ndavyroreíripa?

Opokóvo ipy’áre, ha’e ombohovái: “Iporãiterei ningo upéva! Reñe’imahinápa ne akãme?

“¡Heẽ!”, he’i atã. “¡Iporãiterei, ha oĩkuri millones umívagui!”¹⁷

Che angirũnguéra pohayhuetéva, tajaguereko fe peteĩ mitãicha ha tajavy’a jaikuaávo jepe ñane ñeha’ã’imi ojapo hína peteĩ diferencia tuicha Tupã rréinope.

Ñande propósito Irréinope ha’éva’erã tajajogueraha Cristo-pe. Ñamoñe’ẽháicha escriturakuérape, pe Salvador oipyso ko invitación nefitakuérape:

“Peguerekópa hasýva pende apytépe? Pegueru koʼápe. ¿ Peguerekópa…oguerekóva oimeháichagua mbaʼasy? Pegueru koʼápe ha che amongueráta chupekuéra, poiporiahuverekógui; che pyʼa henyhẽ poriahuverekógui.

“… ahechágui pende jerovia ohupytyha pomonguera hag̃ua”¹⁸

Ndajaguerekóipa opavave jepy’apy ojegueraahakuaáva pe Salvador pýpe? Jepe oĩ ñande apytépe jaguerekóva desafio físico, heta ñañorairõ batallas emocionales reheve, ambuéva katu jalucha ñanutri haĝua conexiones sociales ha opavave jaheka pytu’u ñande espíritu ojeipy’ara’ãrõ. Opavave jareko oimeháichagua mba’asy.

Ñamoñe’ẽ “opa upe atyguasu, peteĩ ñeʼẽme, oñemboja hasýva ha oikoʼasýva ndive … ha opáichagua oikoʼasýva reheve; ha haʼe omonguera opavavépe oguerahaháicha hikuái chupe.

“Ha maymáva haʼekuéra, umi oñemongueravaʼekue ha umi hesãiva, oñesũ ipy renondépe, ha otupaitũ chupe.”¹⁹

Peteĩ mitãmi guive ome’ẽva idiésmo fe reheve, peteĩ sy háeñóva peve oikotevẽva Ñandejára grásia pu’akágui, peteĩ túva oñeha’ãva omantene haĝua ifamília peve, ñande ypykuéra oikotevẽva umi salvasiõ ha exaltasiõ ordenansakuéra peve, opavave ñande ñambopyahúva koveniokuéra Tupã ndie káda semana peve, opavave ñañoikotevẽ ha jajoguerahakuaa pe Salvador ñemoguera rredentor-pe.

Che hermano ha hermanakuéra pohayhuetéva, tajasegi Jesucristo invitasiõ jajegueru haĝua Chupe ñande ha ñane mba’asykuéra Jajúrõ Hendápe ha jagueru umi jahayhúvape, Ha’e ohecha ñande jerovia. Ha’e omongueráta chupekuéra ha ñanemongueráta.

“Cristo remimboʼe ipyʼaguapýva[ramo],”²⁰ ñañeha’ã oiko haĝua ñandehegui “peteĩnte korasõ ha voluntad-pe”²¹ ha ñanehumilde, sumíso, tierno, ndahasýiva ojepersuadi haĝua, henyhẽva paciencia ha longanimidágui; moderado opa mba’épe; oñongatúva Tupã rembiapoukapykuéra jesarekópe opa ára; henyhẽva fe, esperanza ha karidágui; ha henyhẽva tembiapo porãgui.²² Ñañeha’ã ha’e haĝua Jesucristo-icha.

Atestifika Cristo tupaóicha, ñande ha’e pe medio, presidente Russell M. Nelson ombo’ehaguéicha, “ñande Salvador ha Redentor, Jesucristo, ojapótaha rupi umi Hembiapo ipoderosovéva ko’áĝa guive ou jey peve”²³

Ñandejára he’íkuri:

Péina ápe, Che ambopyaʼéta che rembiapo hiʼárape.

“Ha Che ameʼẽ peẽme … tembiapoukapy peñembyaty hag̃ua, ha peñemohenda, peñembosakoʼi ha peñesantifika hag̃ua; héẽ, pepurifika pene korasõ ha pemopotĩ pende po ha pende py che renondépe, Che pomopotĩ hag̃ua.”²⁴

Ajerure’asy tañambohovái ko invitasiõ divína ha vy’ápe tañañembyaty, ñañemohenda, ñañembosako’i ha ñañesantifika, ha’e che ñembo’e mirĩ Jesucristo rérape. Amén.