Discipulado py’aguasu ára pahapegua
Tajajeroviáke, ani ñatĩ, ñandepy’aguasu, ani ñanetĩndy, ñandejeroviareko, ani jakyhyje, jajokóvo yvate Ñandejára resape ko’ã ára pahápe.
Albedrío moral ha’e Tupã don iporãitéva peteĩteĩ Ita’yrakuérape g̃uarã.1 Ñane “sasõ jaiporavo hag̃ua tekosãso ha tekove opaveʼỹva, pe opavave yvyporakuéra Mediador guasu rupive, térã jaiporavo hag̃ua ñeñapytĩmby ha ñemano, pe ñeñapytĩmby ha puʼaka oĩháicha añáme.”2 Tupã nañande jopymo’ãi jajapo hag̃ua iporãva, upéicha avei pe aña ndaikatúi ñandejura jajapo hag̃ua mba’evai.3 Oĩramo jepe oimo’ãva mortalida ha’eha peteĩ kompeténsia Tupã ha pe iñanáva apytépe, peteĩ Salvador ñe’ẽ, “ha Satana oñemokirirĩ ha oñemosẽ. … [Ñane] mbarete ojeprovahína—ndaha’éi Tupã.”4
Ipahápe, ñambyatýta umi jeiporavo ñambyatyva’ekue ñande rekove aja.5 Upéicharõ, mba’e he’i opa ñane remimo’ã, potapy, ñe’ẽ ha tembiapo ñande mborayhu Salvador rehe, Isiervokuéra poravopyre ha Itupao restaurado-re? ¿Tuichavépa ñandéve g̃uarã, ñande konveniokuéra ñemongarai rehegua, sacerdocio ha templo-pegua, múndo ñemomorãgui, térã mboy “me gusta” jarekóvagui umi red social-pe? Imbaretevépa ñande mborayhu Ñandejára ha Imandamientokuérare, aimeraẽ mba’e térã oimeraẽvare ko tekovépe?
Pe adversario ha umi hapykuéri ohóva katuete oñeha’ã ohundi Cristo rembiapo ha Iprofetakúerape. Salvador mandamiento-kuéra oimérõ ndohejapái, oĩ ojeiporavóva opytarei peve múndo ko’agãguápe. Py’ỹi ojerrechasa Tupã mensaherokuéra ohekombo’éva umi mba’e añetegua “nokonveníriva”. Péina Salvador-pe voi oñehenoiva’ekue “Kuimba’e karu ha vino’uha ramo,”6 oje’éva hese chupe omomyiha sentimiento público, oporomboja’oha. Umi ánga ikangy ha oñemoĩva “ojapyhy konsého mba’éichapa ikatu omoapañuãi chupe idiscurso-pe,”7 ha i ”Secta” Cristiano-kuéra ñepyrũgua ha’émiva’ekue “opárupi … oñeñẽ’evaíva rehe.”8
Salvador ha umi isegidor ypykue, omotenonde heta oposición hyepy ha okáguio, ha ñande upéicha avei. Ko’ág̃a ha’ete ikatu’ỹva jagueraha py’aguasúpe ñande jerovia, jastira’ỹrẽ sapy’ánte kuã añete ha virtual-va jeja’e’ỹ rehegua múndogui. Salvador-pe jesegi jeroviápe niko igratifikánte, ha katu, sapy’ánte ikatu japyta, umi odefendévape filosofía “jekaru, ñemokõ, ha jediverti rehe”9, pe jerovia Cristo-re, ñe’ẽrendu ha arrepentimiento, oñemyengoviahápe upe ilusiõ Tupã ohejareitaha ñandéve pekado’imi ñande rayhuetereígui.
Oñe’ẽvo “[Iñe’e] tee rupi, térã [Isiervokuéra] ñe’ẽ rupi,”10 nde’íripa Salvador ñande árare ”og̃uahẽta ára ndojesoportamo’ãiha doctrina sana; péina katu, umi ijepotapy rire, oñembohetáta mbo’ehára ijupe g̃uarã voi”, ha heta, “oipe’átava ijapysa pe añeteguágui, ha ojeréta umi fábula gotyo”?11 Ha noñelamentái piko Ha’e ko ñe’ẽre, “che adora rei hikuái, ohekombo’évo doctrina-ramo, kuimba’ekuéra mandamiénto”?12 Nde’íri piko ha’e “pende apytépe voi, opu’ãta kuimba’ekuéra oñe’ẽvo mba’evai, ogueraha hag̃ua umi discípulo hapykuéri”?13 Ndohechapukúipa ha’e, “mba’evaípe [oñehenoitaha] mba’eporã, ha mba’eporãme, mba’evai”14 ha “tekovekuéra rayhu’ỹha ha’etaha hogapegua voi?”15
Ha mba’e oĩ ñande rehe? Ñañeñanduva’erã piko kyhyjepópe térã ñemondýipe? Jaikova’erã ñane religión-pe ñama’ẽvo kañymbykuágui? Añetehápe, nahániri! Jeroviápe Cristo-re, ndajakyhyjeiva’erã umi yvypóra ñe’ẽjapu ha mba’evai apógui.16 Pe Salvador mándope ha profetakuéra oikovéva ñanemboguata ha ñandegiávare, “máva piko oñemoĩta ñanderehe?”17 Tajajeroviáke, ani ñatĩ, ñandepy’aguasu, ani ñanetĩndy, ñandejeroviareko, ani jakyhyje, jajokóvo yvate Ñandejára resape ko’ã ára pahápe. . 18
Salvador omyesakã “oimeraẽ he’íva yvypóra renondépe cherehe ojeroviaha, che avei ha’éne hese ajeroviaha che Ru renondépe. … Ha katu oimeraẽ chenegáva yvyporakuéra renondépe, che avei anegáta chupe che Ru renondépe.”19
Upéicha, oiméramo jepe oipotavéva peteĩ Tupã oúva mandamiento’ỹre, jatestifika py’aguasúpe Elder D. Todd Christofferson ñe’ẽme “peteĩ Tupã ndojeruréiva mba’eve, ha’e peteĩ Tupã oikove’ỹva”.20
Jepeve oiméva oiporavóva mandamiento-kuéra osegi hag̃ua, já’asepta vy’ápe Salvador invitasiõ “ojeikove hag̃ua opaite ñe’ ẽ osẽva Tupã jurúgui”.21
Jepe oiro ogueroviáva Tupã ha Itupao omoneĩha “opa mba’e [ñane]korasõ oipotáva”,22 ñamomarandúke py’aguasúpe, noĩporãiha “jasegi peteĩ multitu, jajapo hag̃ua mba’evai”, 23 “multitu ndaikatúigui omoĩporã Tupã odeklarava’ekue oĩvaiha”.24
“Péina, penemandu’áke, penemandu’áke … imbaretaha, ha [katu oporomosãsokuaa] Tupã mandamiento-kuéra”.25 Ñehekombo’évo tesakãme, sapy’ánte ikatu ojehecha peteĩ intolerancia ramo. Upévare, jahechauka respetuosamente ndaha’éi ikatúva añónte, ha katu oñeikotevẽtereiha jahayhu peteĩ Tupã ra’y, ijerovia ambuévape ñandehegui.
Ikatu ja’asepta ha jarrespeta ambuekuérape, ñamonei’ỹre ijerovia ni hembiapokuéra, noiméiva Ñandejára rembipotándi. Natekotevẽi jasacrifika añeteguáva, umi jajaposéva rehehápe térã okonvenítavante socialmente.
Sion ha Babilonia ndaha’éi ojuehegua. “Avave ndaikatúi ombaʼapo mokõi járape g̃uarã”.26 Ñanemandu’áke ñeporandu Salvador ojapova’ekue, “Mba’ére che renói Che jára, Che jára, ha ndapejapói umi che ha’éva?”27
Jahechauka ñane mborayhu Tupãre, obediencia incondicional ha voluntária rupive.
Oimẽramo peñeñandu pejejura pende idiscipuládore ha múndore, penemandu’áke pende Salvador oporohayhúva “ombouha peteĩ invitasiõ … , misericordia jyva ojeipysógui [peẽme g̃uarã], ha’e he’i: Peñearrepenti, ha che pomog̃uahẽta”.28
Presidente Russell M. Nelson ohekombo’e Jesucristo “ojapóta Hembiapo ipoderosovéva ko’ág̃a ha Ha’e ou jey vove”.29 Péina avei ohekombo’e “umi oiporavóva Ñandejára oipotaháicha, ipu’akáta ñemuña rehe”.30 “Jajekonsiderávo digno, jahasa’asýrõ ñemotĩ hérare ”31 ikatu sapy’ánte mba’e porã ñandéve g̃uarã “jahejávo Iñe’ẽpu oguereko priorida opaite mba’e ári”.32
“Ovy’aiteva’erãpa”, he’i Salvador, ”upe ndo ñembopy’arasýiva cherehe”.33 Ambue ñe’ẽme, ñaikũmby “py’aguapy tuicháva oguereko umi ohayhúva nde léi: ha mba’eve nombopy’arasymo’ãi chupekuéra”.34 ¡mba’eve! Upéicharõ, ñaporandúke ñandejupe, “Aperseverápa sapy’a py’a, péina katu, oimerõ oiko jehasa’asy térã ñemuña Tupã ñe’ẽre, sapy’ánte ñanemobopy’arasy?35 ¿Aimépa ñemovã’ỹme Jesucristo ita ári ha Isiervokuéra ndive?”
Umi relativistas moral-kuéra he’i mba’e añetegua ha’eha peteĩ construcción social añónte, ha ndaiporiha absolutos morales. He’íva añetehápe hikuái ndaiporiha pekádo,36 ”opa mba’e tekovekuéra [ojapóva] ndaha’eiha crimen”,37 peteĩ filosofía, pe iñañáva orreklamáva imba’eha! Upévare, peñangarekóke jaguaru oñemondévagui ovecha ramo, akóinte opororreklutáva, ha “[vokoiete oiporu] irreserva intelectual omongañy hag̃ua [hembiapokue]”.38
Añetehápe jaikoséramo Cristo discípulo py’aguasu ramo, jajuhúta mba’éichapa jajapóta. Ambue hendáicha, pe iñañáva ome’ẽ alternatíva oporotentáva. Ha katu, discípulo ijeroviarekóvaicha, “natekotevéi jarerure ñyrõ jagueroviávare, ni jajevy jaikuaávare añeteguaha ”.39
Ha ipahápe, añe’ẽta mbykymi ko’ã 15 Tupã siervo, oguapývare che rapykuépe. Umi mundogua “he’i aja vidente-kuérape, ani Pehecha; ha profeta-kuérape, ani pe Profetiza,”40 umi ijeroviarekóva “oñekorona jehovasapy yvágagui, héẽ, ha mandamiento-kuéra naimbovýivare, ha revelaciones reheve, hi’araitépe”.41
Ndaha’éi ñanemondyirã, umi tekove oñekonvertiha vokoiete pararrájo ramo umi noiméivape vy’apópe Tupã ñe’ẽre, oproklamaháicha profetakuéra. Umi orrechasáva profetakuérape ndohechakuáai “ni peteĩ profesía escritura-pegua, [ha’eva’erãha] oñemyesakãva peteĩnte oipotaháicha”, ha ndaha’éi tekovekuéra oipotaháicha, “ha katu [umi] Tupã kuimba’ekuéra marangatu [oñe’ẽva ko’ág̃a] [oñemongu’eháicha] hikuái Espíritu Santo rupive”.42
Pábloicha, ko’ã Tupã kuimba’ekuéra “notĩri ñane Ñandejára testimóniore” ha ha’e “Iprisionero-[kuéra]”43 pe doctrina ohekombo’évape hikuái, ndaha’éigui imba’ekuéra, ha katu Upe ohenóiva chupekuéra mba’e. Pédro-icha, “ndaikatúi oñe’ẽ hikuái umi mba’e [ha’ekuéra] ohecháva ha ohendúvare.”44 Atestifika Primera Presidencia ha Dosegua Kuórun, ha’eha kuimba’e marangatu ha hekoañetéva, ohayhúva Tupã ha Ita’yrakuérape, ha Ha’e ohayhu chupekuéra. Iñe’ẽnguéra jajapyhyva’erã ouháicharõ Ñandejára jurúgui voi, “opa jerovia ha paciencia reheve. Jajapóvo ko’ã mba’e, añaretã rokẽ noimemo’ãigui [ñande] rovái; … ha Tupã Ñandejára omosarambíta pytũmbykuéra pu’aka [ñane] renondégui.”45
“Ni peteĩ po ky’a ijerovia’ỹva ndaikatúi ojoko Tupã rembiapo progreso”;46 oguatáta jehupytýpe penendive ha penderehe’ỹ térã cherehe’ỹ, upévare, “peiporavóke ko árape mávapepa peservíta”.47 Ani penembotavyuka ni pekyhyje umi pararã oporombohováivare, oúva upe óga guasu tuichaitévagui. Umi tyapu tarova, ndaha’éi rrival, upe ñe’ẽ mbegue serena influencia py’aguapýpe g̃uarã, umi korasõ ha espiritu contrito ári.
Atestifika Cristo oikoveha, Ha’e ha’eha ñande Salvador ha Redentor, Ha’e oisãmbyhyha Itupao, Primera Presidencia ha Doce Apóstoles Cuórun rupive, o’asegurávo upéicha “ndajajeguerahamo’ãiha ápe ha pépe, opa yvytu doctrina rehe”.48
“Jesucristo discípulo-kuéra añetegúava”, Presidente Nelson ohekombo’e, “oime dispuesto ojedestakávo, oñe’ẽvo ha iñambuévo umi tekove mundo-guágui. Ha’e hikuái tekove okyhyje’ỹva, devóto ha ipy’aguasúva”.49
Hermano ha hermana-kuéra, ha’e peteĩ ára iporãitereíva ñanemarangatu hag̃ua! Jesucristo réra sagrádope, Amén.