Oiko piko hína upe plan?
Atestifika upe felicidad plan oikoha Ojejapova’ekue pende Ru Yvagagua, penderayhúvare.
Oikópikohína upe plan?
Ramoite añemongeta peteĩ imitã kakuaáva ndive oservíva’ekue peteĩ misiõme ojapo heta áño ha ko’ág̃a oñemoĩmbaitéva hembiapo profesional-pe. Opáicha, hekovépe ha’etévaicha oho porãmba chupe. Ha katu ife oguejy ohóvo. Oñapymihína peteĩ Salvador ha Itupao jeguerovia’ỹ rehegua mar-pe. Omyesakã nomog̃uahẽihahína umi jehovasapy oha’arõva Evangelio restaurado-gui. Noñandúi pe vy’apavẽ plan oikohahína hekovépe.
Che mensáhe ko árape ha’e opa umi oguerekóvape umi sentimiento peichagua. Añe’ẽ umi peteĩ moméntope “peñanduramokuri pepuraheiseha pe mborayhu purahéi orredimíva” ha katu nape“ñandúi upéva ko’ág̃a.”1
Ñande Ru Yvagagua oporohayhúva ombosako’i ñandéve peteĩ plan iporãmbajepéva ñande vy’apavẽ ijapyra’ỹvape g̃uarã. Ha katu upe tekove ndohóiramo ñaha’arõháicha, ikatu ha’etéva pe Túva Yvagagua plan ndoikoihahína.
Ikatu ñañandu oñeñandu haguéicha umi Jesús discípulo-kuéra oĩramoguare peteĩ ygápe, “pe mar mbytépe, ojetyvyróramo umi ólare, pe yvytu ombohovái haguére.”2
Upéi, voi pyharevekue:
“Jesús oho hendapekuéra oguatávo y ape ári.
“Ha umi discípulo, ohechávo oho mar ári, oñemondýi… Ha osapukái kyhyjégui.
“Ha katu upepete Jesús oñe’ẽ, he’ívo: Peñeanima! Che ha’e, ani pekyhyje.
“Upéicha ombohovái Pedro ha he’i, Ñandejára, nde ha’éramo, emanda che taha nerendápe y ári.
“Ha ha’e he’i, eju. Ha oguejývo Pedro ygágui oguata y ári oho hag̃ua Jesús rendápe.
“Oñandúvo pe yvytu atãkatu okyhyje ha oñepyrũ oñapymi, osapukái, … Ñandejára, chesalvami!.
“Upéi Jesús omyasãivo ipo ipojái ha he’i chupe: Kuimba’e rejerovia’íva. Mba’érepiko ndepy’a mokõira’e?”3
Ikatúpa akompartimi penendive mbohapy umi principio aikuaáva Pedro-gui? Añembo’e ko’ã principio ikatu hag̃ua oipytyvõ oimeraẽ oñandúvape upe felicidad plan ndoikoiha hekovépe.
Peteĩha, pemba’apo jerovia reheve Jesucristo-re.
Añemondýi upe Pedro jerovia rehe. Pe Jesús invitasiõ sensíllope “eju,” oheja ijyga ojetyvyróva yvytu vaípe. Ha’etévaicha oikuaáva Jesucristo o’invitávo chupe ojapo hag̃ua peteĩ mba’e, uvei peteĩ mba’e ha’etévaicha ikatu’ỹva, ha’e ikatutaha ojapo.4 Pedro ojeroviave Salvador-re pe ijygágui. Ha pe jerovia ome’ẽ chupe pu’aka omba’apo hag̃ua py’aguasu reheve peteĩ situasiõ oporomokane’õ ha oporomongyhyjévape.
Upe Pedro fe chemomandu’a peteĩ experiencia ahenduva’ekuére élder José L. Alonso-gui Nda’aréi omano rire élder Alonso ra’y, ohejávo peteĩ familia mitãnguéra michĩva reheve, élder Alonso ohendu umi mitã oñe’ẽvo.
“Mba’e jajapóta?” ha’ekuéra he’i.
Peteĩ tajýra nueve áño orekóva ombohovái: “Papá oĩ porã. Ha’e opredikahína Jesucristo evanhélio.”
Pedro-icha, tajyra’i ohecha amo gotyove umi idesafíogui ha ojerovia Jesucristo ha Iñexpiasiõre. Pe jerovia Salvador-re ogueru py’aguapy ha mbarete oñesẽ hag̃ua tenonde.
Pemañárõ tapykuépe umi ohasava’ekuére, arovia pehechataha pejeroviahague heta jey pende rekovépe. Tupaópe jeike ha’e peteĩ acto de fe. Túva Yvagaguándi ñemongeta ha’e peteĩ acto de fe. Escritura-kuéra jelee ha’e peteĩ acto de fe. Pehendu che mensáhe ko conferencia general-pe ha’e peteĩ acto de fe. Presidente Russell M. Nelson he’iháicha, “Ani rejapo’i upe fe reguerekómava.”5
Ambue lección aikuaáva Pedro-gui ha’e kóva:
Problema-kuéra árape, ejere pya’ete Jesucristo-re.
Oguata aja Salvador gotyo, Pedro oñemondýi yvytúgui ha oñepyrũ oñapymi. Ha katu Pedro oikuaa pe ojehuvahína, ndaha’éi oñeha’ãva ijehegui ovevýi ýpe térã o’yta ojevy hag̃ua yga gotyo. Ohejarãngue ijerovia Cristo-re, ojejagarra mbareteve, ojerure’asývo: “Ñandejára, chesalvamína”.
“Ha upepete, Jesús ipojáivo, ojoko chupe.”6
Opavve ñambohovái umi yvytu vai ikatúva oityvyro ñande jerovia ha ojapo ñañapymi. Péicha oikóvo, penemandu’a pe Túva Yvagagua felicidad plan orekóva ambue héra: rredensiõ rehegua plan. Pe plan niko ndaha’éi jasyryrýtanteha jahávo ko tekovére, ñañepysanga’ỹre araka’eve, akóinte ñañapymi’ỹre, peteĩ pukavy ñande rováre. Túva Yvagagua oikuaákuri tekotevẽtaha ñañerredimi. Upévare ombosako’i pe plan rredensiõ rehegua.7 Upévare ombou peteĩ Redentor. Jalucháramo, oimeraẽva mba’ére, upéva nde’iséi upe plan ndoikoiha. Upe jave ha’e pe ñaikotevẽveha upe plan!
Umi moméntope, pesegi Pedro ejemplo. Pejere pya’ete Salvador-pe.
“Koʼág̃a haʼe upe ára pejesalva hag̃ua. … Ani rembo’are ne arrepentimiénto ára.”8
Oñeimporta’ỹre moõpa ñaime ha moõpa ñaimékuri, upe arrepentimiento pe tape jasegiva’erã. Presidente Nelson ombo’ékuri:
“Ndaipóri mba’eve ikatúva ñanemosãsove, ñanembotuichave térã ñaikotevẽvéva ñande progreso individual-pe g̃uarã, pe ñañesentra ára ha ára ha regularmente. … arrepetimiento-pe.
Tapeguata porã umi konvénio rapére, peñepysãnga térã pesẽramo jepe upe tapégui, térã ndaikatúiramo jepeve pehecha upe tape pe ko’ág̃a peimehágui, ajerure’asy peẽme peñearrepenti hag̃ua. Peñandu pe pu’aka opomombaretéva orekóva arrepetimiento diário—pejapo ha peimeporãmiérõ michĩmimi ára ha ára.”9
Cristo-pe jeju he’iseve pe ñepensántegui Hese oñeñe’ẽ Hese térã uvei jahayhu Chupe. He’ise jasegi Chupe. He’ise jaikove Ha’e ñanembo’eháicha. Ha opavave ñandéve g̃uarã, upéva he’ise ñañearrepenti, ñande’are’ỹre.
Peteĩ che rajy omba’apójepi centro de capacitación misional-pe. Oñe’ẽ chéve peteĩ élder ombo’eva’ekuégui omombe’úva chupe noĩrĩha segúro Mormón Kuatiañe’ẽ añeteguaha. Oñembo’e ha oñembo’ékuri peteĩ testimonio espiritual-re, ha katu ndoúi pe ñembohovái.
Che rajy oñembo’e oikuaa hag̃ua mba’épa ojapóta oipytyvõ hag̃ua ko misionérope. Pe impresiõ og̃uahẽva ha’e escriturakuéra noñeme’ẽiha jalee hag̃ua añónte ha ñamog̃uahẽ peteĩ testimónio; avei oñeme’ẽ ñanembo’e jajapo hag̃ua umi Tupã mandamientokuéra. Che rajy okomparti ko pensamiénto upe misionéro ndive.
Upe rire, ohechajey ko misionérope, ovy’ave. Ha’e he’i chupe ipahápe omog̃uahẽhague peteĩ testimónio Mormón Kuatiañe’ẽ añeteguaha. Ha’e oikuaa ko testígo ouha oñeha’ãve haguére ojapo ombo’éva Mormón Kuatiañe’ẽ
Jasegi Pedro ejemplo jajere hag̃ua Salvador gotyo umi ñande ára jajepy’apyvaiha jave. Pesegi Jesucristo-pe pejeroviarãngue pene arandu ha pene mbarete rehe Noñeimportái mboy árapa peñeha’ã peñemantene flótepe Hese’ỹ, araka’eve ndahi’areiete ñañemoag̃ui hag̃ua Hese. Upe plan oiko!
Pe principio mbohapyha aikuaáva pe Pedro ohasava’ekuégui ha’e kóva:
Peñemomirĩ Ñandejára renondépe, ha Ha’e penderupíta umi mba’e tuichavévape.
Pedro ohechaukákuri jerovia, oguatávo y ári omyasãi haguéicha ipo Salvador upe oikotevẽ jave ñeipytyvõre. Peicharamo jepe, Salvador ohecha Pedro-re pe potencial hetave peve g̃uarã. “O kuimba’e rejerovia’íva”, he’i, “Mba’érepiko ndepy’a mokõira’e?”10
Pedro ikatuva’eramo’ã ohayhu’ỹ upe jeja’o. Ha katu ha’e oguerog̃uahẽ ñemomirĩ reheve. Ohekánte ohóvo peteĩ jerovia tuichavéva Jesucristo-re. Hetave umi experiencia-ve jerovia ñemongakuaáre, oĩ ijapytépe hasyetereíva, Pedro-gui oiko sapy’a upe líder imbaretéva itáicha Ñandejára oikotevẽva. Ohupyty umi tuicha mba’éva Ñandejára servicio-pe.
Mba’e mba’e tuichaitévapa oipota Ñandejára pehupyty? Itupao ha rréinope, oĩ heta oportunida ojeservi ha oñeministra hag̃ua ambuekuérape ojapo haguéicha Salvador. Ha’e oipota peike pe hembiapo tuichaitépe. Araka’eve naiañetevemo’ãi peẽme g̃uarã upe felicidad plan peipytyvõ jave ambuekuérape oikove hag̃ua.
Amongakuaávo che jerovia, ko’ã Alma ñe’ẽ omoambue che rekove: “Ojehovasapyre umi oñemomirĩva ojegueraha’ỹre oñemomirĩ hag̃ua.”11 Ñañemoĩ ñemomirĩ rendápe Jesucristo ñanemopu’ã hag̃uáicha, ñandegia ha ja’aprovecha tuichaite ñande kapasida.12
Atestifika pe plan de felicidad oikoha Ojejapova’ekue pende Ru Yvagagua, penderayhúva. Oiko Jesucristo ovense haguére upe pekádo ha ñemano Iñexpiasiõ rupi. Eju Chupe, esegi Chupe, ha “upepete oikóta peẽme pe rredensiõ plan tuichaite.”13 Jesucristo rérape, Amén.