Ñambo’évo autosuficiencia mitã ha mitãrusukuérape.
Jasegi ñande Salvador, Jesucristo, ha iñevanhéliope jahupytývo autosuficiencia ñande rekove pukukue, ha ñambo’e upéva ñane mitã ha mitãrusukuérape.
Añe’ẽta autosuficiencia-gui ha mba’éicha ñambo’ekuaa upéva mitã ha mitãrusunguérape. Ikatu japersivi autosuficiencia kakuaaavagua téma ramo. Ahechakuaa okakuaáva ikatu oĩ porãve autosuficiencia rapépe oñembo’érõ chupekuéra Jesucristo evanhélio ha opractika idoctrina ha iprincipiokuéra imitã guive ha imitãrusu aja hógakuérape.
Techaukaha porãvéva ha’e peteĩ ko tekovegua tuicha tembiecharã. Wilfried Vanie, siete ijoyke’ykuéra ha isy ojoaju tupaóre Abiyán, Costa de Marfil-pe, orekorõguare seis año. Ojebautisa orekórõ ocho año. Itúva, omantenéva ifamíliape, omano Wilfried orekórõ once año.
Oñembyasýrõ jepe ifamilia situasiõre, Wilfried odesidi okontinuávo mbo’ehaópe isy ñemokyre’ỹ ha tupao ñepytyvõ reheve. Ojegradua escuela secundaria-gui ha oservi peteĩ misión de tiempo completo Ghana, Costa del Cabo misión-pe, oaprendehápe inglés. Imisión rire oho universidad-pe ha ohupyty diploma Contabilidad ha finanzas-pe. Jepe hasy ojuhu haĝua empleo upe áreape, ha’e ojuhu omba’apo haĝua turismo ha hotelería industria-pe.
Oñepyrũ mesero ramo peteĩ hotel cinco estrellas-pe, ha katu ikyre’ỹ ojapo porãve haĝua omyaña chupe oñemoaranduve haĝua, oiko peve chugui recepcionista bilingüe upépe. Peteĩ hotel pyahu oñemoĩvo, oñekontrata chupe auditor nocturno ramo. Upéi, oñeinscribi BYU-Pathway Mundial-pe ha ko’áĝaite oestudia hína peteĩ curso ohupyty haĝua peteĩ certificado Gerencia Hoteleria ha Turismo-pe. Ha’e oikose gerente ramo peteĩ Hotel de alta calidad-pe. Wilfried oproveekuaa ikompañéra eterna ha mokõi ita’ýrape ĝuarã, ha avei oipytyvõ isy ha ijoyke’yuérape. Ko’áĝa oservi tupaópe estaca sumo consejo miembro ramo.
Autosuficiencia he’ise “Katupyry, kompromíso ha ñeha’ã oñemoĩva ojehupyty haĝua umi tekovegua remikotevẽ espiritual ha temporal ojejupe ha familia-pe ĝuarã.”1 Pe ñeha’ã ñaneautosificiente haĝua ha’e parte ñane rembiapópe konveniokuéra rapére ñandegueraha haĝua ñande Ru Yvagagua ha Ita’ýra Jesucristo-pe Omombaretéta ñande jerovia Jesucristo-re ha vy’ápe jajoaju haĝua Hendive umi salvasiõ ha exaltasiõ konvénio ha ordenansakuéra rupive. Autosuficiencia ndaha’éi peteĩ programa, ha katu peteĩ Jesucristo evanhélio doctrina. Ha’e peteĩ proceso oduráva pe tekove pukukue, ndaha’éi peteĩ evento.
Oiko ñandehegui autosuficiente ñande rekove pukukue jakakuaávo mbarete espiritual, tesãi físico ha emocional-pe ha ñañeha’ãvo ñande educación ha empleo-re, ha ñaimévo temporalmente preparado.2 ¿Opa piko ko tembiapo ñande rekove aja? Nahániri, ha’e peteĩ ñemoarandu, jekakuaa ha ñemba’apo proceso opa ko tekovegua. Ndopái araka’eve; ha’e peteĩ proceso meme ha ára ha áragua.
¿Mba’éichapa ñambo’ekuaa umi autosuficiencia doctrina ha principio ñane mitã ha mitãrusukuérape? Peteĩ manera importante ha’e jaipurúvo ára ha ára umi mitã ha mitãrusukuéra programa principio-kuéra. Tuvakuéra ha ta’yrakuéra oaprende Jesucristo evanhélio, opartisipa servicio ha actividad-kuérape, ha omba’apo oñondive irundy área de desarrollo personal-pe ha’éva úniko káda mitãme ĝuarã. Ndaha’evéima mismo programa ojepurúva opavavépe ĝuarã.
Pe Guía para los niños he’i: “Jesús orekóvo nde eda oñemoarandu ha okakuaa. Nde avei reñemoarandu ha rekakuaa hína. Escritura-kuéra he’i: ‘Jesús okakuaa arandu, yvatekue ha grásiape Tupã ha yvyporakuéra ndive ĝuarã’ (Luke 2:52).”3 Ko escritura ojerreferi jekakuaa ha ñemoarandu espiritual-re, grásia Tupã ndive ĝuarã; aspecto social-re, grásia yvyporakuéra ndive ĝuarã; aspecto físico-re, yvatekue; ha aspecto intelectual-re, arandukue. Ko’ã área de desarrollo oje’aplika opavave ñandéve, taha’e ha’éva ñande eda. ¿Araka’e ñambo’e chupekuéra? Deuteronomio 6:6–7-pe ñamoñe’ẽ:
“Ha ko’ã ñe’ẽ, che ame’ẽva ndéve ko árape oĩta ne korasõme;
“Ha rehekombo’e jey jeýta nde ra’ykuérape ha reñe’ẽta umívare reimévo nde rógape, ha rehóvo tape rehe, ha reñenóvo ha repu’ãnguévo.”
Ñambo’e ko’ã mba’ e mitãnguérape ñane rembiecharã porã rupive, ñamba’apóvo ha jaservívo hendivekuéra, jaestudiávo escritura-kuéra, ha jasegívo Jesucristo rekombo’ekuéra ombo’eháicha umi proféta.
Ha’ékuri pe mitã ha mitãrusukuéra programa-pe, mitãnguéra oiporavo diferente méta peteĩteĩ umi irundy área de desarrollo-pe. Mba’eguasu ha’ekuéra tojapo imetaite káda área-pe. Tuvakuéra ha líder-kuéra ikatu ombo’e oñemoñe’ẽ ha oipytyvõ.
Por ehemplo, ore nieta Miranda oñemokyre’ỹete okakuaa haĝua espiritualmente oasistívo seminario diario pyhareve clase–pe. Oñeinteresa ohendúvo komentário porã ojapóva ambue Seminario alumno-kuéra ibarriogua. Natekotevẽi isy omombáy chupe oho haĝua clase-pe. Ijeheguínte oñekonecta video-conferencia pyhareve 6:20-pe orekógui hábito porã oipytyvõva chupe ojapo haĝua upéva. Che tuvakuéraite he’i chéve nda’aréi Miranda ko’áĝa oñe’ẽveha ko’áĝa ovisitávo chupekuéra, okakuaávo ohóvo ijerovia ijehe. Ko’ã mbo’epyre odura opa tekove pukukue ha pe jekakuaa hechapyrãiterei.
Túva, taita, líder ha angirũnguéra oipytyvõ mitãnguéra jekakuaa ha desarrollo-pe. Barrio-gua hermano ha hermanakuéra ministrante oñekonsagraporãva, umi sacerdocio ha organisasiõgua liderkuéra ndive oipytyvõ. “La Familia: Una Proclamación para el Mundo” he’i: “Designio divíno rupi tuvakuéra opresidiva’êrâ familiakuérape mborayhu ha rectitud-pe ha oĩ responsable ome’ẽvo umi mba’e oñeikotevẽva tekoverã ha omo’ã ifamiliakuérape. Sykuéra oĩ principalmente responsable oñangarekóvo imembykuérare. Ko’ã ressponsabilida sagrádape. Túva ha sy, oĩ obligado oñoipytyvõvo jojaite… Ambue familiares-kuéra ome’êva’erâ apoyo oñeikotevê vove.”4 Upe línea paha oñe’ẽ taita ha jarýire, ambue apytépe.
Roservívo Africa Occidental-pe, che rembireko Nuria ojapo porãiterei oministrávo ha opytávo conectado ore familia ha nietokuéra ndive pe ypara mboypýri. Ojapo upéva oipurúvo pe tecnología. Ha’e omoñe’ẽ kuatiañe’ẽ umi nieto michĩvévape. Ha’e ombo’e ore nietakuéra tuichavévape ore familia historia-gui, ciencia, Puerto Rico historia, Articulos de Fe ha ambue Jesucristo evanhélio témagui. Mombyrykue ko’áĝa ndojokói pe ñekonecta, ñepertenese, ñeministra ha ñehekombo’e umi ore familiagua generasiõ pyahúpe. Che avei ajoaju Nuria ndie ikatúrõ ambo’e ore nietokuéra rohayhuetévape, ahayhu ha ambolajavai ha ambopuka haĝua chupekuéra.
Pehechakuaava’erã similitud inspirado oĩva mitã ha mitãrusu programa ha autosuficiencia desarrollo mbytépe. Umi irundy desarrollo área mokõivévape ojojogua. Pe mbarete espiritual autosuficiencia-pe oho umi mitã ha mitãrusu aspecto espiritual rehe. Pe tesãi físico ha emocinal autosuficiencia-pe oho umi mitã ha mitãrusu aspecto físico ha social rehe. Educación, empleo ha ñembosako’i temporal autosuficiencia-pe ojogua aspecto intelectual mitã ha mitãrusu programa-pe.
Ñambopaha haĝua, jasegi ñande Salvador, Jesucristo, ha iñevanhéliope jahupytývo autosuficiencia ñande rekove pukukue, ha ñambo’e upéva ñane mitã ha mitãrusukuérape. Jajapokuaa porãve upéva
-
Jahechaukávo ehemplo porã jaservívo ambuekuérape.
-
Javivi ha ñambo’évo umi autosuficiencia doctrina ha principiokuéra, ha
-
Ñaneñe’ẽrendúvo tembiapoukapýre ñamopu’ãva’erãha autosuficiencia Jesucristo evanhélio parte ramo.
Doctrina y Convenios 104:15–16 he’i:
“Che propósito ha’e ame’ẽ hag̃ua che santokuérape, opa mba’e che mba’égui.
“Ha katu tekotevẽ ojejapo che aipotaháicha; ha péina ápe, péicha, Che, Ñandejára, ha’ékuri ame’ẽtaha che santokuérape, umi imboriahúva oñembotuicha hag̃ua, ha umi irríkova imirĩ hag̃ua”.
Kóva ha’e Jesucristo tupao. Iñevanhélio ohovasa familiakuérape ko yvy ári ha eternidad rupive. Ñanesãmbyhy ñande rekovépe ñañeha’ãvo oiko ñandehegui familia eterna. Aikuaa péva añeteguaha. Jesucristo rérape, Amén.