Emopu’ã ne korasõ ha evy’a
Ñanase ko moméntope peteĩ propósito divino-rã, pe Israel ñembyaty.
Oñe’ẽvo Thomas-B. Marsh, peteĩ konvérso ramoite ndive, Ñandejára he’i chupe angapyhyrã, “Emopu’ã ne korasõ ha evy’a, ne misiõ aravo og̃uahẽmagui, “ (Doctrina y Convenios 31:3).
Ko invitasiõ ikatu oservi inspirasiõ ramo opa tupaogua miembro-pe. Opa mba’e rire niko, peteĩteĩ ñande ñamog̃uahẽ ñande Ru Yvagaguágui upe misiõ ñambyatyva’erãha Israel mokõive vélo ládope .
“Pe ñembyaty”, presidente Russell M. Nelson he’ikuri, “pe iñimportantevéva ojehúva yvy ári ko’ág̃aite. Mba´eve ndaikatúi oñembojoja tuichakuépe, mba´eve ndaikatúi oñembojoja importancia-pe, mba´eve ndaikatúi oñembojoja, majestad-pe.”1
Añete, oĩ niko heta káusa idignova ko múndope. Ndaikatúiva ja’epa opavave. Ha katu, nderepartisipasemo’ãi piko peteĩ káusa tuichaitévape ikatúva rehupyty ha pe ñeipytyvõ ojapotahápe peteĩ diferencia vital? Ñembyaty ojapo peteĩ ñemoambue ijapyra’ỹva opavavépe g̃uarã. Yvyporakuéra opa edapegua ikatu opartisipa ko káusape oñeimporta’ỹre isirkunstansia ha tenda oikoha. Ndaipóri ambue káusa ko múndope oporomoingevéva.
Oñe’ẽvo umi imitãvape año, presidente Nelson he’i “ñande Ru Yvagagua oñongatuhague heta umi Ijespíritu hekojojávéva, ikatu… Ijekípo ikatupyryvéva—ko fáse pahápe g̃uarã. Umi espíritu hekojojáva—umi jugador ivalevéva, umi éroe—ha’e peẽ!”2
Hée, peñembosako’ikuri ko tekove mboyve guie ha penase ko’ág̃a peparticipa hag̃ua Israel ñembyaty rembiapo tuichaitévape mokõive vélo ládope ko’ã ára pahápe (tojehecha Doctrina y Convenios 138:53–56).
Mba’ére iñimportanteite ko káusa? Upévare “angakuéra repy tuichaiteha Tupãme g̃uarã” (Doctrina y Convenios 18:10). Ha pe “ojeroviáva [Jesucristo-re], ha oñemongaraíva, upéva ojealváta; ha… ohupytýtava Tupã rréino” (3 Nefi 11:33). Avei, “opa [upe] che Ru orekóva oñeme’ẽta” umi omog̃uahẽvape Iñordenansakuéra ha oñongatúva Ikonveniokuéra(Doctrina y Convenios 84:38). Avei, “umi mba’apohára sa’i” (Lucas 10:2
Jesucristo Tupao Santokuéra Ára Pahapeguávape añoite jajuhu pe pokatu, autorida ha mba’éichapa ñame’ẽva’erã upe jehovasapy ambuekuérape, taha’e oikovéva térã omanóva.
He’iháicha presidente Nelson: “Káda pejapo oimeraẽva mba’e oipytyvõtava oimeraẽva pe—mokõive vélo ládope ome’ẽ hag̃ua peteĩ páso ojapo hag̃ua Konvénio Tupãndi ha omog̃uahẽ iñordenanakuéra ñemongarai ha témplo rehegua oñeikotevẽva, peipytyvõ oñembyaty hag̃ua Israel-pe. isensilloite péicha.”3
Oĩramo jepe heta ñaipytyvõ hag̃uáicha pe ñembyatýpe, añe’ẽse peteĩvagui: jeservi misionero de tiempo completo ramo. Heta peẽme g̃uarã, kóva he’ise taha’e peteĩ misionéro oporombo’éva. Heta ambuépe g̃uarã katu, he’ise toiko peteĩ misionero servicio ojapóva ramo. Ha katu pe múndo oñeha’ã odistrae umi imitãvape ko responsabilida marangatúgui oiporúvo kyhyje ha segurida’ỹ.
Ambue distracción ikatu ojehasa peteĩ pandémia rupi, ojeheja peteĩ mba’apo, ojeheja tekombo’e térã oñeimépe interesádo peteĩvare rromántikoháicha. Opavave oguerekóne idesafíokuéra aty. Umi distraccion ikatu osẽ upe moménto ñañemoĩvo Ñandejára servicio-pe, ha umi desisiõ ha’étava hesakãva tenondeve nameméi hasy’ỹva ko moméntope.
Aikuaa experiencia rupive mba’éicha pe tekove imitãva akã isarambipa . Añembosako’i jave aha hag̃ua che misión-pe, ou ñemombarete ñaimo’a’ỹva oñeha’ãva chedesanima. Peteĩva ha’e che dentísta. Oikuaávo che nombramiento ha’eha oiko hag̃ua chehegui misionéro, oñeha’ã chedisuadi aservi hag̃ua. Ndarekóikuri idea che dentista oĩha tupao kóntrape.
Pe che ñehekombo’e ñemboareve avei hasy. Ajerurévo licencia mokõi áño aja che programa universitario-pe, he’i chéve hikuái ndaikatuiha. Aperdetaha che renda universidápe ndajúiramo peteĩ áño rire. Brasil-pe, kóva ipohýi upe peteĩ criterio de admisión año peteĩ programa universitario-pe ha’égui peteĩ examen hasyete ha ikompetitivova.
Ajerure jeyjey rire, he’i chéve hikuái ñe’ẽguyguýpe aime’ỹ rire peteĩ áño, ikatuha ajerure peteĩ excepción motivo extraordinario-re. Ikatu oñemoneĩ térã nahániri. Akyhyje ajapo jeyrõ g̃uarã pe examen de admisión hasyetéva mokõi áño aĩ rire mombyry che mbo’epykuéragui.
Avei aĩ interesado peteĩ mitãkuñáre. Heta che amigokuéra avei okomparti pe interés. Apensa che pype: “Ahávo peteĩ misión-pe, ahasa peteĩ riesgo”.
Ha katu Ñandejára Jesucristo ha’ékuri inspiración tuichaite akyhyje’ỹ hag̃ua oútavagui añeha’ã aja aservi chupe opa che korasõ reheve.
Ha’e avei orekova’ekue peteĩ misión ojapova’erã. Umi iñe’ẽme, omyesakã: “Aguejýgui yvágagui, ndaha’éi ajapo hag̃ua che volunta, sino pe chemboúva volunta” (Juan 6:38). Ha ndahasýi piko pe imisiõ? Nahaniriete katu. Ijehasa’asy ha’e peteĩ párte esencial imision-pe, ojapóva Ha’e, “pe Tupã jepe, tuichavéva opavavégui, aryrýi mba’erasy rupi, ha che ruguy opa che pirekua rupi, ha ahasa’asy, mokõive, tete ha espíritupe—ha hi’ãnte chéve nday’úi pe kópa iróvagui, ha chepyʼamano—
“Upevére, glória Túvape, hay’u ha ajapopa umi che ñembosako’i yvypóra ra’ykuérape g̃uarã” (Doctrina y Convenios 19:18–19).
Peteĩ misión de tiempo completo-pe jeservi ikatu hasy ñandéve. Ikatu ojerure tajaheja sapy’aite umi mba’e iñimportánteva. Ñandejára añete oikuaa, ha akói oiméta ñande ykére.
Upéicha, imensaje misionerokuérape Pepredika Che Evanhélio, Primera Presidencia opromete, “Ñandejára penerrekompensáta ha penderovasa hetaitereíta peservívo ñemomirĩ ha ñembo’e reheve.”4 Añete niko opa Tupã ra’ykuéra ojehovasaha, opáicharei, ha katu iñambue pe ojehovasa ha ojehovasa hetaitereíva Iservísiore.
Penemandu’ápa umi desafío apensáva ambohovaihague che misiõ mboyve? Che dentista? Ajuhu ambue. Che universida? Ha’ekuéra ojapo peteĩ excepción chéve g̃uarã. Penemandu’a pe mitãkuñáre? Omenda peteĩ che amigo porãndi.
Ha katu Tupã añete cherovasa hetaite. Ha aikuaa Ñandejára rovasapy ikatuha ou hetáicha umi ñaha’arõvagui. Opa mba’e rire, Ipensamientokuéra ndaha’éi ñane pensamiénto (tojehecha Isaías 55:8–9).
Umi hetaite jehovasapy ome’ẽva’ekue chéve apytépe aservi haguére misionero de tiempo completo ramo oĩ jerovia hetave Jesucristo ha Iñexpiasiõre ha peteĩ kuaapy ha testimónio imbo’epykuérare, ani hag̃ua añeinfluensia rei “opa doctrina oipejúvare” (Efesios 4:14). Aperde pe kyhyje ñembo’ére. Che kapasida ambohovái hag̃ua umi rréto optimismo reheve okakuaave. Ahechávo umi yvypóra ha familia-kuéra aikuaáva térã ambo’eva’ekue misionéroramo, aikuaa umi Tupã mbo’epy añeteha he’ikuévo añeteha upe pekádo ndogueruiha vy’apavẽ añete ha umi Tupã mandamiento ñe’ẽrendu ñanepytyvõ ñañekarapu’ã hag̃ua temporal espiritualmente-peguáicha (tojehecha Mosiah 2:41; Alma 41:10). Ha aikuaa chejehegui Tupã ha’eha peteĩ Tupã milagro-gua (tojehecha Mormon 9).
Opa koĩa mba’e iñimpotántekuri che ñembosako’í tekove kakuaápe g̃uarã, oikehápe ñemenda ha paternida ikatúva, pe servicio Tupaópe ha pe tekove profesional ha komunitária.
Che misión rire, añevenefisia che py’aguasu tuichavévagui añepresenta hag̃ua peteĩ Jesucristo ha Itupao seguidor fiel ramo opa circunstancia ha opavave tapichápe, uvei akompartívo pe evanhélio peteĩ kuña porãite ndive upéi oikotaha peteĩ che virtuosa, arandu, hory ha ahayhuetéva compañera eterna-pe, che rekove kuarahy.
Hée, Tupã cherovasa hetaite, hetave aimo’ãvagui, ojapoháicha opa umi “oservíva chupe ñemomirĩ ha ñembo’e reheve.” Aime eternamente agradecido Tupãme imarangatúre.
Che misiõ omoldeambaite che rekove. Aikuaa ovaleha ñañeha’ã jajerovia Tupãre, jajerovia Iñarandu ha poriahuvereko ha Ipromesakuérare. Opa mba’e rire, Ha’e ñande Ru ha, duda’ỹ reheve, Ha’e oipota iporãvéva ñandéve g̃uarã.
Opavave imitãva opa mundopýpe, amyasãi peichagua invitasiõ ñande proféta, presidente Nelson, ojapo haguéicha opavave peẽme “peike hag̃ua umi imitãva Ñandejára batallón-pe peipytyvõ pembyaty hag̃ua Israel”. Presidente Nelson he’i:
“Ndaipóri mba’eve iñimportantevéva. Añetetemba’eve
Ko ñembyaty niko he’iseva’erãmo’ã opaitéva peẽme g̃uarã. Kóva ha’e pe misiõ peñemboúvape g̃uarã yvy ári.”5
Ñanase ko moméntope peteĩ propósito divino-rã, pe Israel ñembyaty. Jaservívo misionero de tiempo completo-icha, sapy’ánte jajedesafiáta, ha katu Ñandejaraite ha’e ñande ejemplo tuichavéva ha gía umi circunstancia jave. Ha’e oikuaa mba’épa pe misiõ hasýva. Iñepytyvõme, ikatu jajapo opa mba’e hasýva. Ha’e oĩta ñande ykére (tojehecha Doctrina y Convenios 84:88), ha Ha’e tuicha ñanderovasáta jaservívo ñemomirĩme.
Opa ko’ã mba’ére, ndachepy’andýi Ñandejára he’íre Thomas B. Marsh ha opavave ñandéve, “Emopu’ã ne korasõ ha evy’a, ne misiõ aravo og̃uahẽmagui.” Jesucristo rérape, Amén.