Ko’ága aja ha’e ára
Ko’áĝa ha’e pe ñemoarandu ára. Ko’áĝa ha’e ára ikatuha ñañearrepenti . Ko’áĝa ha’e ára ikatuha jahovasa ambuekuérape .
Che hermano ha hermana-kuéra pohayhuetéva, ko conferencia ijistórika heta manérape. Jajehovasákuri umi ñembo’e, mensahekuéra ha purahéi. Ñañeinspira umi Tupã siervo-re.
Jahupyty dirección imba’eguasúva ára oúvape ĝuarã. Añembo’e pe Espiritu toñe’ẽkuri peẽme directo-ite umi mba’e Ñandejára oipotáva peẽ pejapo.
Pe ára oútava akóinte ojeikuaa’ỹ. Clima ñemoambue Umi ciclo económico ndoje’ekuaái. Umi desastre, accidente ha umi mba’asy pya’ete omoambuekuaa ñande rekove. Ko’ã accion tuicha ohasave jepi ñane control-gui. Ha katu oĩ umi mba’e Ikatúva ñakontrola, oikehápe mba’épe jahasa ñane tiempo ára ha ára.
Chegusta ko Henry Van Dyke poema ojeposteáva peteĩ kuarahy reloj Colegio Universitario Wells, Nueva York-pe. He´i péicha:
Pe kuarahy’ã che kuã omyasãiva
Omopa’ũ oútava ohasamava’ekuégui
Upe mboyve, pe aravo naheñóiva’ekue oke
Pytũmbýpe, ha amo gotyove nde pu’akágui:
Ilínea ojevy’ỹva kupépe,
Pe aravo ohasava’ekue, ndaha’evéima nemba’e;
Peteĩ aravo añónte oĩ nde pópe,—
Pe KO’ÁĜA, pe kuarahy’ã oĩháme.1
Heẽ, ña’aprendeva’erã ohasava’ekuégui, ha heẽ, ñañembosako’iva’erã ára oútavape g̃uarã. Ha katu ko’áĝa añónte ikatu jajapo jajapova’erã. Ko’áĝa ha’e pe ñemoarandu ára. Ko’áĝa ha’e ára ikatuha ñañearrepenti . Ko’áĝa ha’e ára jahovasa haĝua ambuekuérape ha “ñamopu’ã umi po ho’áva”2 Mormón oñemoñe’ẽ haguéicha ita’ýra Moroni-pe: “ñambaʼapo jesarekópe; jaguerekógui peteĩ tembiapo jajapovaʼerã ñaime aja ko tete yvýgui ojejapopyrévape, ñandepuʼaka hag̃ua opa tekojoja rayhuʼỹha rehe, ha ñameʼẽ hag̃ua pytuʼu ñane angakuérape Tupã rréinope.”3
Pe adversario araka’eve ndokéi. Tapiaite oĩta joavy añeteguápe. Ha’e jey che ñehenói ko pyharevepegua jajapo haĝua umi mba’e ombokakuaáva pe impulso espiritual positivo, upe ñemopu’ã Elder Dieter F. Uchtdorf oñe’ẽvagui, penemyañátava peho hagua tenonde gotyo oimeraẽ desafio ha opotunida oúva rupive.
Pe impulso espiritual positívo okakuaa ja’adorávo templo-pe ha jahechakuaavévo tuicha ha pypukukue hechapyrãite orekóva umi jehovasa upépe jahupytýva. Ajerure’asy peẽme tapejoko umi mundogua jepokuaa peñesentrávo umi templogua jehovasa ijapyra’ỹvape. Pene tiempo upépe ogueru jehovasa eternidad-rã.
Tupao okakuaávo, roñeha’ã romantene pe ritmo romopu’ãvévo umi templo. Ko’áĝaite jareko 44 templo pyahu oñemopu’ãva hína. Ha hetave oñerrenova hína. Añembo’e umi hénte katupyrýre omba’apóva ko’ã proyecto opa múndore.
Aguije espíritu reheve, avy’a aanunsiá’vo ore plan romopu’ã haĝua peteĩ templo pyahu ko’ã tendápe: Wellington, Nueva Zelanda; Brazzaville, República del Congo; Barcelona, España; Birmingham, Reino Unido; Cusco, Perú; Maceió, Brasil; Santos, Brasil; San Luis Potosí, México; Ciudad de México Benemérito, México; Tampa, Florida; Knoxville, Tennessee; Cleveland, Ohio; Wichita, Kansas; Austin, Texas; Missoula, Montana; Montpelier, Idaho; ha Modesto, California.
Ko’ã 17 templo ohovasáta heta hentekuéra rekove mokõive lado velo-pe. Pohayhu che hermano ha hermana-kuéra pejehayhuetéva. Iñimportantevéva, Ñandejára penderayhu. Ha’e pende Salvador ha pene Redentor. Ha’e oisãmbyhy ha ogia Itupao. Ajerure’asy taha’e ñande peteĩ tavaygua ipotĩva Ñandejárape ĝuarã, he’íva’ekue “Peẽ ha’éta che tavaygua, ha che ha’éta pene Tupã.”4
Upévare añembo’e, Jesucristo réra sagrado-pe . Amén.