Peteĩteĩ ñande jaguereko ñane rembiasa
Pejumi, peheka pene familia, opa ñemoñareatýpe, ha pegueru ógape.
Amígo, hermano ha hermana-kuéra, peteĩteĩ ñande jaguereko ñane rembiasa Jaikuaavévo jahávo ñane rembiasa, jajoaju, jaike, ñañekonverti.
Che réra Gerrit Walter Gong. Gerrit niko peteĩ téra holandés, Walter (che ru réra) peteĩ téra estadounidense ha Gong, upéichakatu, peteĩ téra chíno.
Umi oikuaaitéva he’i 70 ha 110 mil billóne yvyporakuéra rupi oikohague yvy ári . Ikatu peteĩva añoite hérakuri Gerrit Walter Gong.
Peteĩteĩ ñande jaguereko ñane rembiasa Chegustaite “ama che rováre [ha] yvytu ohasáva.”1 Aku’eku’e umi pinguíno ndive Antártida-pe. Ame’ẽ umi ityre’ỹvape Guatemala-pe, mitãme Camboya rapére, kuñanguérape masai Mara africano-pe ifóto peteĩha.
Aha’arõ hospital-pe peteĩteĩ ore mitãnguéra onase aja, peteĩ jey médiko ojerurévo chéve ñeipytyvõ.
Ajerovia Tupãre. Che aguerovia “[ñande] jaikoveha, [ñande] jareko hag̃ua vy’apavẽ,”2 Oĩha ára ha époka opa mba’erã yvága guýpe3
Peikuaápa pene rembiasa? Mba’épa he’ise pende réra? Upe múndope oikovéva niko okakuaa 1.1 billóne yvyporakuéra 1820-pe haimete 7.8 billóne peve 2020-pe.4 Pe áño 1820 ha’ete vaicha peteĩ púnto ñemoambue rehegua tembiasapýpe. Heta onaséva 1820 rire iñeromandu’a oikove gueteri ha umi jehaipy ojuhu hag̃ua hetave hogaygua ñemoñareatýpe. Ikatúpa pepensa peteĩ ñeromandu’a he’ẽte ha ijespesialva peteĩ aguélo térã ambue ogagua miembro ndive?
Taha’e ha’éva mboýpa umi tekovekuéra oikova’ekue yvy ári, opakuaa, ojepapakuaa, peteĩteĩ yvypóra. Peẽ ha che, peteĩteĩ ñande javale.
Ha pehechami kóva: taha’e jaikuaa térã jaikuaa’ỹme, opavave ñande ñanase peteĩ sy ha peteĩ túvagui. Ha káda sy ha túva onase peteĩ sy ha peteĩ túvagui.5 Ñenase rupi térã linaje adoptivo rupive, amo ipahápe, opavave ñañembojoaju familia humana ha Tupã familia ndive.
Onasévo 837 d.C.-pe, che visaguélo 30, First Dragon Gong, ofunda ore familia aldea China sur-pe. Avisita ñepyrũ jave Gong táva, hentekuéra he’i, “Wenhan huilaile”” (“Gerrit ou jey”).
Che sy gotyo katu, ore árbol genealógico oikovévape oike mile umi apellído, hetaitereive ojeikuaava’erã.6 Peteĩteĩ jaguereko hetave familia umi jajoajuva’erãndi. Peimo’ãrõ pende tía aguéla omoĩmbaha pende genealogía familiar, peheka pene primo ha umi pende primo primo-pe. Pembojojau umi familia-gua réra iñeromandu’a oikevévagui umi umi 10 mil millóne téra ikatúvandi ojeheka FamilySearch-pe ko’ág̃a orekóva i-colección en línea ha umi 1.3 mil millones yvyporakuéra upe Árbol Familiar-pe.7
Pejerure pene amigo térã pene familia-guápe tojapo peteĩ yvyramáta oikovéva. Presidente Russell M. Nelson ombo’eháicha, umi yvyramáta oikovéva hapo ha hakã8 Taha’e peteĩha térã désimo ñemoñareaty ojeikuaáva, pembojoaju kuehe ko’ẽrõrã. Pembojoaju hapo ha hakã pende árbol genealógico oikovévape9
Upe porandu, “Moõguápa nde?” oporandu lináhere, tenda oñenaseha, tetã ojejuhaguégui térã patria-re. Nivel mundoguápe, 25 % ñande jahapykuerereka ñane retã China peve, 23 % India peve, 17 % ambue tetã meve Asia Pacífico-pe, 18 % Europa peve, 10 % Áfrika peve ha 7 % Amérika peve.10
Porandu, “Moõguápa nde?” avei ñaneinvita jaikuaa hag̃ua ñane identida divina ha upe tekove propósito espiritual .
Peteĩteĩ ñande jareko ñane rembiasa
Peteĩ familia aikuaáva ombojoaju cinco generaciones familiares-pe ovisitávo hóga ymaguare Winnipeg, Canadá-pe. Upépe upe aguélo omombe’u inietokuérape upe ára mokõi misionéro (ha’e ohenói chupekuéra yvágagua anhelkuéra) oguerurõguare Jesucristo evangelio restaurado, omoambuévo ifamiliape akoiete g̃uarã.
Peteĩ sy aikuaáva oinvita imembykuéra ha iprimokuérape oporandu hag̃ua ivisabuélape umi hembiasakue imitãrõguarére. Umi visabuéla aventúra ha tekove mbo’epy ko’ag̃aramo g̃uarã oiko chugui peteĩ libro familiar hepyetéva ombojoajúva irundy ñemoñare’aty.
Peteĩ mitãrusu aikuaáva ombyaty hína peteĩ “papá diário.” Ojapo heta áño, peteĩ kóche ojatropella ha ojuka itúvape. Ág̃a, oikuaápype itúvape, ko mitãrusu oñongatu imitãroguare ñeromandu’a ha umi familia-gua ha amígo historia-kuéra.
Oñeporandúvo moõguipa ou pe tekove he’iseha, heta yvypóra okalifikafamiliañepyrũha hendápe11 Kóvape oike familia rekove ha upe mboyveguare. Upéicha, ñamanóvo, ndaha’éi nañaimeveimaha. Jaikove ambue vélo ládope.
Oikovetévo gueteri, ñane ñemoñare omerese ñanemandu’a hesekuéra.12 Ñanemandu’a ñane herencia-re umi historia oñemombe’úvare, jehaipy klan rehegua ha umi historia familiar-re, memorial térã mandu’a, ñemomorã fóto reheve, tembi’u térã mba’ekuéra ñanemomandu’áva umi jahayhúvare.
Pepensa moõpa peiko, naiporãitéipiko mba’éichaitépa pene retã ha pene komunida imandu’a ha omomorã umi ñemoñarévape, familia ha ambue yvyporakuéra oservi ha ojesakrifikava’ekuére? Ejemplo ramo, otoño-gua ñemono’õ ñeromandu’a South Moulton, Devonshire, Inglaterra-pe, hermana Gong ha chéve oregustaiterei rojuhúvo peteĩ tupao’i ha komunida oiko haguépe ore ñemoñare Bawden rehegua. Ñamomorã ñane ñemoñarekuérape jaipe’ávo yvága témplo rembiapo ha historia familiar rupive13 ha oikovévo chugui peteĩ pe ñembojoaju pehẽ14 itasa ñane ñemoñareatyguápe15
Ko ára oĩháme,”Che ajeporavo chéve,” umi sosiedápe ou porã umi ñemoñareaty oñembojoajúvo iporãveháicha. Ñaikotevẽ ñande rapóre ñandepepo hag̃ua: ñemoag̃ui añete, servísio ovaléva, tekove oho amo gotyovéva umi ha’etévaichagui umi red sosiálepe.
Ñañembojoaju ñande ypykuérare ikatu omoambue ñande rekove ñaimo’ã’ỹháicha. Umi iprueba ha ohupytývagui, jaipe’áta jerovia ha mbarete.16 Imborayhu ha isacrificiokuéragui, japoroperdonakuaáta ha jaháta tenonde. Ñane mitãnguéra ijyvéta. Ñande ñaganáta ñemo’ãve ha jeropu’aka. Umi ñeñapytĩ ñemoñaréndi omongakuaáta familia ñemo’ag̃ui, ñemboaguyje, milagro-kuéra. Umi ñeñapytĩha ikatu ogueru pytyvõ ambue ambue vélo ládo guie.
Umi vy’a ouháicha familia-kuérape, ou avei vy’a’ỹ. Ndaipóri tekove oĩporãmbáva, ni avei avave familia. Umi ñanderayhuva’erã, ñanemongaru ha ñanemo’ãva’erã ndojapóiramo, ñañeñandu jajehejáramo, ñatĩ, ñañeñopũ. Pe familia-gui ikatu oiko peteĩ pirekue nandi. Ha katu, yvága ñepytyvõme, ikatu ñag̃uahẽ jahechakuaa ñane familia-pe ha jajogueraha porã ojoapytépe.17
Sapy’ánte, pe compromiso ojehejakuaa’ỹva umi relacion familiar hi’aréva ñanepytyvõ jahupyty hag̃ua umi mba’e hasyvéva. Sapy’ánte, pe komunidágui oiko familia. Peteĩ mitãkuña hechapyrãva familia iproblemava ova py’ỹiva peteĩ ojuhu Tupaópe familia oporohayhúva taha’eha’éva oĩháme omombaretéva chupe ha ome’ẽva chupe henda. Pe genética ha umi patron familiar o’influi ñanderehe ha katu nañandedeterminái.
Tupã oipota ñane familia-kuéra ovy’a ha akoiete g̃uarã. Akoiete niko hetaiterei ára ñambovy’a’ỹramo ojupe. Vy’a mbykyeterei umi relasiõ hepyetéva opáramo ko tekovépe. Umi Jesucristo konvénio marangatu rupive, oikuave’ẽ Imborayhu, pokatu ha grásia ñañemoambue hag̃ua18 ha ñamonguera ñane relasiõ. Pe servicio desinteresado témplope umi pehayhúvare ojapo tahi’añete ñande Salvador expiasiõ chupekuéra ha ñandéve g̃uarã. Santifikádo, ikatu jajevy ógape Tupã rovake familia-kuéra ojoajúva araka’evéicharõ.19
Peteĩteĩ ñande historia peteĩ viaje oikóva, jaikuaavévo jahávo, jajapo ha oiko ñandehegui ikatúva amo gotyove pe imaginación-gui.
Profeta José Smith he’i “Oĩne umi ha’etévape peteĩ doctrina ipy’aguasúva ñañe’ẽvagui: peteĩ pokatu ohai térã oñapytĩva yvýpe ha oñapytĩva yvágape.”20 Pe sosiavilida jajapóvagui ko’ápe ikatu oiko gloria ijapyra’ỹva reheve amo.21 Upéicha, “ñande [ñane familia’ỹre] ndaikatúi ñaimeporãmba; ni ndaikatúi ha’ekuéra oiporãmba ñande rehe’ỹ,” oje’eháicha, “peteĩ ñembojoajupa, oĩmba ha iporãmbáva.”22
Mba’e ikatu jajapo ko’ág̃a?
Ñepyrurã, peñeimagina pene ra’anga ojehecháva peteĩ ládogui ambuépe mokõive eternida espejo-pe. Peteĩ dirección-pe, peñimaginami peẽme tajýra, niéta, visniétaramo; ambue dirección-pe, pepukavy tía, sy, aguélaramo. Pya’ete ohasa ára! Káda moménto ha rol-pe, pemañami mávapa oĩ penendive. Pembyaty ifóto ha historia-kuéra; pejapo tahi’añete iñeromandu’a. Pehai herakuéra, ijehasakuéra, umi fécha kláve. Ha’ekuéra pene familia, pe familia peguerekóva ha familia peipotáva.
Ojejapóvo témplo ordenanza-kuéra umi familia-re, Elías upe Profeta espíritu, peteĩ Espíritu Santo manifestasiõ ome’ẽva testimónio familia naturaleza divina-gui,”23ombojoajúta mborayhúpe umi pende ru, pende sy ha membykuéra korasõ24
Mokõiha, pe historia familiar aventúra taha’e intencional ha espontánea. Pehenói pende aguélape. Pemaña pypuku umi mitãra’y resápe. Pejapo tiempo, pehechakuaa pe eternida, káda viaje etápape. Peikuaa ha pehechakuaa aguyjeme’ẽ ha korasõ potĩ reheve pene herencia familiar. Peguerovy’a ha toiko ndehegui ipositivova ha, oñeikotevẽramo, pejapo opa ikatúva ñemomirĩ reheve ani hag̃ua pembohasa ivaíva. Peheja umi mba’e porã toñepyrũ pendehe.
Mbohapyha, pevisita FamilySearch.org. Emboguejy umi aplicacion móvil oĩva. Ha’ekuéra isãso ha oporombovy’a. Ñekonecta, jeike, ñemoambue. Pehechami mba’éichapa peñembojoaju ambue tekovekuéra ndive peteĩ kotýpe; ndahasyiete ha oporombovy’a oñemoĩvo téra upe árbol genealógico oikovévape, ojuhu ha ohovasáva hapo ha hakã.
Irundyha, oipytyvõ ombojoaju hag̃ua akoiete g̃uarã familia-kuérape. Penemandu’a pe yvága demografía-re. Oĩve ambue vélo ládo gotyyo ko ládogui. Oñemoag̃uivo ohóvo hetave templo ñanderehe, peme’ẽ umi oha’arõvape templo ordenanza-kuéra pe oportunida omog̃uahẽ hag̃ua.
Pe promesa Paskuape ha akoietévape ha’e, Jesucristo-pe ha ha’e rupive, ikatu oiko ñandehegui ñande historia iporãvéva, ha ñande familia-kuéra ikatu ovy’a ha akoiete g̃uarã. Opa ñane ñemoñare’atýpe, Jesucristo omonguera ikorasõ rasývape, omosãso ikautívova, opoi umi ojejopyvaívape. 25 Pe konvénio oikóva Tupã ha ñande apytépe26oike jaikuaa ñande espíritu ha ñande rete ojoaju jeytaha resurrección-pe ha umi ñande relacion iporãvéva ohotaha amo gotyove ñemanógui peteĩ vy’a plenitu reheve.27
Peteĩteĩ ñande jareko ñane rembiasa Peju pejuhu penemba’éva. Peju pejuhu pene ñe’ẽpu, pende purahéi, pene armonía Ipype. Kóva ha’e upe propósito Tupã ojapohague yvága ha yvy ha ohecha iporãha.28
Taha’e alabado pe Tupã vy’apavẽ plan, pe Jesucristo expiasiõ, pe Iñevanhélio restauración meme ha Itupao. Pejumi, peheka pene familia, opa pe ñemoñareatýpe, ha egueru ógape. Jesucristo réra sagrádo ha sántope. Amén