1 Manje, kwenzeka ukuthi emva kokuthi u-Abinadi esekhulume lamazwi welula isandla sakhe futhi wathi: Isikhathi siyeza lapho bonke beyoyibona ^ainsindiso yeNkosi; lapho zonke izizwe, imindeni, izilimi, kanye nabantu beyobona iso neso futhi ^bbeyovuma phambi kukaNkulunkulu ukuthi izahlulelo zakhe zilungile.

2 Futhi ngaleso sikhathi ababi ^abayolahlwa, futhi bayokuba nesizathu sokuhhewula, ^bnesokukhala, nesokulila, kanye nesokugedla amazinyo abo; futhi lokhu kuyoba ngenxa yokuthi bengalilalelanga izwi leNkosi; ngakho-ke iNkosi ayibakhululi.

3 Ngokuba ^abanaka inyama futhi banobudeveli, futhi ^budeveli unamandla phezu kwabo; yebo, ngisho leyo nyoka endala ^ceyakhohlisa abazali bethu bokuqala, eyaba yisizathu ^dsokuwa kwabo; okwaba yisizathu sesintu sonke ukuthi sinake inyama, nemizwa, sibe nobudeveli, ^esazi okubi kokuhle, sizibeka ngaphansi kokulawulwa ngudeveli.

4 Ngalendlela sonke isintu ^asalahleka; futhi bheka, sasiyolahleka okokuphela ukuba kwakungekhona ukuthi uNkulunkulu wabakhulula abantu bakhe ekulahlekeni kwabo kanye nasesimweni sabo sokuwa.

5 Kodwa khumbulani ukuthi lowo ophikelelayo esimweni sakhe ^asemvelo yasemhlabeni, aqhubeke ezindleleni zesono futhi ahlubuke kuNkulunkulu, uhlala esesimweni sakhe sokuwa futhi udeveli uba namandla onke phezu kwakhe. Ngakho-ke kuye kuba sengathi akuzange kuze kube khona ^bkukhululwa okwenziwayo, eyisitha kuNkulunkulu; futhi ngokunjalo nodeveli uyisitha kuNkulunkulu.

6 Futhi ukuba uKristu ubengazange eze emhlabeni, ngikhuluma ngezinto ezisazokwenzeka ^asengathi sezenzekile, bekungeke kube khona ukukhululwa.

7 Futhi ukuba uKristu akazange avuke kwabafileyo, noma agqabule izibopho zokufa ukuze ithuna lingabi nakunqoba, futhi nokuthi ukufa kungabi ^anadosi, belungenakuba khona uvuko.

8 Kodwa lukhona ^auvuko, ngakho-ke ithuna alinakunqoba, futhi udosi ^blokufa lugwinywe kuKristu.

9 ^aUngukukhanya kanye nokuphila komhlaba; yebo, ukukhanya okungapheliyo, okungenakufiphaliswa nanini; yebo, futhi ngokunjalo nempilo engapheliyo, ukuze kungabe kusaba khona ukufa nanini.

10 Ngisho nalokhu okufayo kuyogqoka ^aukungafi; futhi nalokhu okubolayo kuyogqoka ukungaboli, futhi kuyolethwa ukuba ^bkume phambi kwesihlalo sikaNkulunkulu, ukuze ^ckwahlulelwe nguye njengokwemisebenzi yabo noma ngabe mihle noma ngabe mibi—

11 Uma imihle, ovukweni ^alokuphila okungapheliyo kanye nenjabulo; futhi uma imibi, ovukweni ^blobuhlungu obungapheliyo, benikezwe udeveli, obabeke ngaphansi kwakhe, okungubuhlungu—

12 Behambe ngokwentando yenyama kanye nezifiso zabo; bengazange bayibize nanini iNkosi ngesikhathi izingalo zomusa ziselulelwe kubo; ngokuba izingalo ^azomusa zazelulelwe kubo, futhi abazange bawemukele umusa; beyaliwe ngobubi babo kepha bengasukanga kubo; futhi bayalwa ukuthi baphenduke kepha abazange baphenduke.

13 Manje, ngabe akumele yini nithuthumele futhi niphenduke ezonweni zenu, futhi nikhumbule ukuthi kuphela kuye kanye nangaye uKristu ningasindiswa na?

14 Ngakho-ke, uma nifundisa ^aumthetho kaMose, phezu kwalokho fundisani ukuthi kuwumfanekiso walezo zinto ezizayo—

15 Bafundiseni ukuthi ukukhululwa kuza ngoKristu iNkosi, ^aonguBaba waPhakade uqobo. Amen.