1 Ma o wee ruo na mgbe Jisus gwaworo Nifaị okwu nile ndị a, ma gwa ndị ahụ a kpọworo, (ugbua ọnụ-ọgụgụ nke ndị a kpọworo, ma nata ike na ikike ime baptism, dị ^airi na abụọ) ma lee, o setịpụrụ aka ya, nye igwe mmadụ ahụ ma tikuo ha, na-asị: ^bNgọzi na-adịrị unu ma o bụrụ na unu ga-an̄a ntị n’okwu nile nke iri na abụọ ndị a ndị m ^chọrọworo site n’etiti unu ilekọta unu, na ịbụ ndị-ozi unu; ma ha ka m nyeworo ike ka ha jiri mmiri mee unu baptism; ma mgbe e jiworo mmiri mesịa unu baptism, lee, aga m eji ọkụ na Mụọ Nsọ mee unu baptism; ya mere ngọzi na-adịrị unu ma ọbụrụ na unu ga-ekwere na m ma e mee unu baptism, mgbe unu hụsịworo m ma mata na m nọ.

2 Ma ọzọ, ngọzi na-adịrị ha karịa bụ ndị ^aga-ekwere n’okwu unu nile n’ihi na unu ga-agba-ama na unu ahụwo m, ma na unu matara na m nọ. E, ngọzi na-adịrị ndị ga-ekwere n’okwu unu nile, ma ^bgbadata n’ime omimi nile nke obi umeala ma e mee ha baptism, n’ihi na a ^cga-eji ọkụ na Mụọ Nsọ leta ha, ma ha ga-anata nsachapụ nke mmehie ha nile.

3 E, ngọzi na-adịrị ndị ^adara ogbenye n’ime mụọ ndị ^bna-abịakwute m, n’ihi na nke ha ka ala-eze nke elu-igwe bụ.

4 Ma ọzọ, ngọzi na-adịrị ndị nile na-eru uju, n’ihi na a ga-akasi ha obi.

5 Ma ngọzi na-adịrị ndị dị ^anwayọ n’obi, n’ihi na ha ga-eketa ^bụwa.

6 Ma ngọzi na-adịrị ndị nile ^aagụụ na-agụ ma ^bakpịrị na-akpọ kwa ha nkụ n’ịchụso ^cezi-omume, n’ihi na a ga-emejupụta ha na Mụọ Nsọ.

7 Ma ngọzi na-adịrị ndị ^ana-eme ebere, n’ihi na ha ga-enweta ebere.

8 Ma ngọzi na-adịrị ndị nile dị ^aọcha n’obi, n’ihi na ha ^bga-ahụ Chineke.

9 Ma ngọzi na-adịrị ndị nile ^ana-eme udo, n’ihi na a ga-akpọ ha ^bụmụ nke Chineke.

10 Ma ngọzi na-adịrị ndị nile a ^ana-esogbu n’ihi aha m, n’ihi nke ha ka ala-eze nke elu-igwe bụ.

11 Ma ngọzi na-adịrị unu mgbe ndị mmadụ ga-agwa unu okwu ọjọọ ma sogbuo unu, ma ga-ekwu ụdị okwu ọjọọ nile megide unu na-abụghị ezi-okwu, n’ihi m;

12 N’ihi na unu ga-enwe nnukwu ọn̄ụ ma nwee ọn̄ụ karịa, n’ihi na nnukwu ka ^aụgwọ ọrụ unu ga-adị n’elu-igwe; n’ihi na otu ahụ ka ha sogburu ndị-amụma nile ndị buru unu uzo.

13 N’ezie, n’ezie, asị m unu, enyere m unu ịbụ ^annu nke ụwa; mana ọbụrụ na nnu ahụ ga-etụfu ụtọ ya olee ebe a ga-esi tinye ụwa nnu? Nnu ahụ adịghị kwa ihe ọ dị mma ya site mgbe ahụ, kama ka e tufuo ya na ka ndị mmadụ na-azọ ya ụkwụ.

14 N’ezie, n’ezie, asị m unu, enyere m unu ịbụ ìhè nke ndị a. Obodo-ukwu nke e wuru n’elu ugwu enweghị ike izo-ezo.

15 Lee, ndị mmadụ ha na-amụnye ^aoriọna ma debe ya n’okpuru iko-ntụtụ? E-e, kama n’elu osisi ịdọba oriọna, ma ọ na-enye ndị nile nọ n’ime ụlọ ahụ ìhè;

16 Ya mere ka ^aìhè unu si otu a n’enwu n’iru ndị a, ka ha wee hụ ọrụ ọma nile unu ma nye Nna unu nke bi n’elu-igwe otuto.

17 Unu echela na m bịara ibibi iwu ahụ ma-ọbụ ndị-amụma. Abịaghị m ibibi kama imezu;

18 N’ihi na n’ezie asị m unu, otu mpekere ma-ọbụ otu nke dịkasịrị ntakịrị agabigabeghị site ^an’iwu ahụ, kama n’ime m e mejupụtawo ha nile.

19 Ma lee, enyewo m unu iwu ahụ na iwu-nsọ ahụ nile nke Nna m, ka unu wee kwere na m, ma na unu ga-echegharị site na mmehie nile unu, ma bịakwute m jiri ^aobi tiwara etiwa na mụọ nke nchegharị. Lee, unu nwere iwu-nsọ nile ahụ n’iru unu, ma e mezuwo ^biwu ahụ.

20 Ya mere bịakwute m ma ka a zọpụta unu; n’ihi na n’ezie asị m unu, na ma ọbụghị na unu ga-edebe iwu-nsọ m nile, nke m nyeworo unu n’oge nke a, unu enweghị ike n’ọnọdụ ọbụla ịba n’ala-eze nke elu-igwe.

21 Unu anụwo na ndị mgbe ochie ekwuwo ya, ma e dekwara ya n’iru unu, na ị gaghị ^aegbu mmadụ, ma onye ọbụla ga-egbu mmadụ ga-anọ n’ihe egwu nke ikpe nke Chineke;

22 Mana asị m unu, na onye ọbụla na-eweso nwanne ya iwe ga-anọ n’ihe egwu nke ikpe ya. Ma onye ọbụla ga-asị nwanne ya Raka, ga-anọ n’ihe egwu nke ndị-kansul ahụ; ma onye ọbụla ga-asị, Gị onye-nzuzu, ga-anọ n’ihe egwu nke ala-mụọ.

23 Ya mere, ọbụrụ na unu ga-abịakwute m, ma-ọbụ ga-achọ ịbịakwute m, ma cheta na nwanne gị nwere ihe megide gị—

24 Gawa gakwuru nwanne gị, ma buru ụzọ mee ka gị na nwanne gị ^adị n’udo ma mgbe ahụ jiri nzube zuru oke nke obi bịakwute m, ma aga m anabata gị.

25 Kwekọrịta gị na onye iro gị ọsọ-ọsọ mgbe gị na ya nọ n’ụzọ, adịghị ama ama mgbe ọbụla ọ ga-enweta gị, ma a ga-atụba gị n’ụlọ-mkpọrọ.

26 N’ezie, n’ezie, asị m gị, ọdịghị ụzọ ọbụla ị ga-esi pụta n’ebe ahụ ruo mgbe ị kwụworo sinaịn ikpe-azụ. Ma mgbe ị nọ n’ụlọ-mkpọrọ ị ga-enwe ike ịkwụ ọbụna otu ^asinaịn? N’ezie, n’ezie, asị m gị, E-e.

27 Lee, ndị mgbe ochie dere ya, na ị agaghị ^aakwa iko.

28 Mana asị m unu, na onye ọbụla lekwasịrị nwanyị anya, ^ainweso ya agụụ ọchịchọ nke anụ-arụ, akwawọrịị iko n’ime obi ya.

29 Lee, enye m unu iwu-nsọ, ka unu ghara ikwe nke ọbụla n’ime ihe ndị a ịbata n’ime ^aobi unu.

30 N’ihi na ọ ka mma na unu jụrụ onwe unu ihe ndị a, n’ime nke unu ga-ebulite ^aobe unu, karịa na a ga-atụba unu n’ala-mụọ.

31 Edewo ya, na onye ọbụla ga-achụpụ nwunye ya, ka o nye ya ihe e dere ede nke ^aalụkwaghị m.

32 N’ezie, n’ezie, asị m unu, na onye ọbụla ^aga-achụpụ nwunye ya, ma ọbụghị maka ^bịkwa-iko, na-eme ka ọ ^ckwaa iko; ma onye ọbụla ga-alụ onye ahụ a gbaara alụkwaghị m na-akwa iko.

33 Ma ọzọ e dere ya, ị gaghị an̄ụ-iyi, kama Ị ga-emere Onye-nwe ^aịn̄ụ-iyi gị nile.

34 Mana n’ezie, n’ezie, asị m unu, ^aan̄ụla iyi ma ọlị; ọbụghị ijiri elu-igwe, n’ihi na o bụ oche-eze Chineke.

35 Ọbụghị ijiri ụwa n’ihi na ọ bụ ebe mgbakwasị-ụkwụ ya.

36 Ọ bụghị ma unu ga-eji isi unu n̄ụọ iyi, n’ihi na unu enweghị ike ime otu agịrị-isi ojii ma-ọbụ nke ọcha;

37 Mana ka ikwukọrịta okwu unu bụrụ E, e; E-e, e-e; n’ihi na ihe ọbụla sitere na nke karịrị nke a bịa bụ ajọọ ihe.

38 Ma lee, e dere ya, ^aotu anya maka otu anya, na otu mkpụrụ eze maka otu mkpụrụ eze;

39 Mana asị m unu, na unu agaghị ^aeguzogide ajọọ ihe, kama onye ọbụla ga-akụ unu ihe na nti aka nri, ^btụgharịa kwara ya nti nke ọzọ;

40 Ma ọbụrụ na onye ọbụla ga-agbara gị akwụkwo n’ụlọ ikpe ma napụ gị uwe elu-arụ gị, mee ka o were kwa uwe ime-arụ gị;

41 Ma onye ọbụla ga-akwagide gị ịga otu maịlụ, soro ya gaa abụọ.

42 ^aNye onye nke na-arịọ gị, ma site na onye nke ga-achọ ịgbaziri gị ihe agbanyekwala ya azụ.

43 Ma lee e dekwara ya, na ị ga-ahụ onye-agbata-obi gị n’anya ma kpọọ onye iro gị asị;

44 Mana lee asị m unu, hụ ^andị iro unu n’anya, gọzie ha bụ ndị na-akọcha unu, na-emere ndị kpọrọ unu asị ihe ọma, ma ^bna-ekpere ndị na-eji unu eme ihe nleda-anya ma na-esogbu unu ekpere;

45 Ka unu wee bụrụ ụmụ nke Nna unu bi n’elu-igwe; n’ihi na ọ na-eme ka anyanwụ waara onye ọjọọ na onye ọma.

46 Ya mere ihe ndị ahụ nke bụụrụ nke mgbe ochie, nke dịịrị n’okpuru iwu, n’ime m ka e mezuru ha nile.

47 ^aIhe ochie nile agafewo, ma ihe nile aghọwo ihe ọhụrụ.

48 Ya mere ọ ga-adị m mma ka unu ^azuo oke ọbụna dịka m, ma-ọbụ Nna unu nke bi n’elu-igwe zuru oke.