1 Ma ugbua o wee ruo na dịka akụkọ-ndekọta anyị siri dị, ma anyị matara akụkọ-ndekọta anyị na ọ bụ ezi-okwu, n’ihi na lee, ọ bụụrụ onye ezi-omume dekọrọ akụkọ-ndekọta ahụ—n’ihi na n’ezi-okwu ọ rụrụ ọtụtụ ^aọrụ-ebube ^bn’aha nke Jisus; ma enweghị nwoke ọbụla nwere ike ịrụ ọrụ-ebube n’aha nke Jisus ma ọbụghị na a sachara ya mpekere nile site n’ajọọ-omume ya—

2 Ma ugbua o wee ruo, ọbụrụ na e nweghị ndehie nwoke a mere na ngụkọta nke oge anyị, ^aafọ nke iri atọ na atọ agafewo;

3 Ma ndị ahụ malitere iji nnukwu ezi-okwu na-ele anya ihe iriba-ama nke onye-amụma Samuel, onye nke Leman, nyeworo; e, maka oge nke a ga-enwe ^aọchịchịrị n’ohere nke mkpụrụ ụbọchị atọ n’elu iru nke ala ahụ.

4 Ma a malitere inwe nnukwu obi abụọ nile na ịrụ-ụka nile n’etiti ndị ahụ, na-agbanyeghị na e nyewo ọtụtụ ^aihe iriba-ama.

5 Ma o wee ruo n’afọ nke iri atọ na anọ, n’ọnwa nke mbụ, n’ụbọchị nke anọ nke ọnwa ahụ, nnukwu ebili-mmiri palitere, ụdị nke a na-amatabeghị mbụ n’ala ahụ nile.

6 Ma e nwekwara nnukwu na oke-ikụkụ-mmiri dị egwu, ma e nwere ^aegbe-elu-igwe dị egwu, nke mere na ọ ^bmara ala ahụ nile jijiji dịka ọ chọrọ ikewasị iche iche.

7 Ma e nwere amụma-elu nile dị nkọ karịa, ụdị nke a na-amatabeghị mbụ n’ala ahụ nile.

8 Ma ^aobodo-ukwu nke Zarahemla bara ọkụ.

9 Ma obodo-ukwu nke Moronaị damiri n’ime omimi nile nke osimiri, ma ndị nile bi n’ime ya mikpuru.

10 Ma e buuru aja bukwasị obodo-ukwu nke Moronaịha ahụ, nke mere na n’ọnọdụ nke obodo-ukwu ahụ e nweziri nnukwu ugwu-ukwu.

11 Ma e nwere nnukwu mbibi dị egwu n’ala dị na ndịda-ndịda.

12 Mana lee, e nwere nnukwu mbibi dị egwu karịa n’ala dị n’elu-elu; n’ihi na lee, iru nile nke ala ahụ a gbanwere ya, n’ihi oke-ikụkụ-mmiri ahụ na ifufe gburu gburu nile, na egbe-elu-igwe nile na amụma-elu nile, na ịma jijiji karịrị akarị nke ala ahụ nile;

13 Ma ^aokporo-ụzọ nile gbawasịrị, ma ụzọ nile dị ahata-aha e mebiri ha, ma ọtụtụ ebe dị larịị dịzịrị ndakoro.

14 Ma ọtụtụ nnukwu obodo-ukwu na ndị kwesịrị ịrịba-ama e ^amikpuru ha, ma ọtụtụ a gbara ha ọkụ, ma ọtụtụ a magidere ha jijiji ruo mgbe ụlọ nile dị ha n’ime daworo n’ala, ma ndị nile bi n’ime ha e gburu ha, ma ebe ahụ nile a hapụrụ ha ka ha tọgbọrọ n’efu.

15 Ma e nwere ụfọdụ obodo-ukwu ndị fọdụrụ; mana mmebi dị na ha dị ukwuu karịa, ma e nwere ọtụtụ bi n’ime ha ndị e gburu-egbu.

16 Ma e nwere ụfọdụ ndị e bufuru n’ifufe gburu gburu ahụ; ma ebe ha gara ọdịghị onye matara, ma ọbụghị na ha matara na e bufuru ha.

17 Ma otu a iru nke ala ahụ nile mebiri n’ụdị, n’ihi oke-ikụkụ-mmiri ahụ nile, na egbe-elu-igwe nile, na amụma-elu ahụ nile, na ima jijiji nke ala ahụ.

18 Ma lee, ^ankume nile ahụ e tiwara ha abụọ, a gbawasịrị ha n’elu iru nke ala ahụ nile, nke mere na a chọtara ha na mpekere gbawasịrị agbawasị, ma na njikọ nile ma na mgbawa nile, n’elu iru nile nke ala ahụ.

19 Ma o wee ruo na mgbe egbe-elu-igwe nile, na amụma-elu nile ahụ, na ebili mmiri ahụ, na oke ikuku mmiri ahụ, na ịma jijiji nile nke ala ahụ kwụsịrị—n’ihi na lee, ha nọrọ ihe dịka ohere nke oge ^aawa atọ; ma ụfọdụ kwuru na oge ahụ karịrị; otu o sila dị, nnukwu ihe nile ndị a dị egwu e mere ha n’ihe dịka ohere nke oge awa atọ—ma mgbe ahụ lee, e nwere ọchịchịrị n’elu iru nke ala ahụ.

20 Ma o wee ruo na e nwere agbidigbi ọchịchịrị n’elu iru nile nke ala ahụ, nke mere na ndị bi n’ime ya ndị na-adabeghị nwere ike ^ainwe mmetụta ^bụzụ nke ọchịchịrị ahụ;

21 Ma enweghị ike inwe ìhè, n’ihi ọchịchịrị ahụ, ma-ọbụ oriọna nile, ma-ọbụ ọkụ-opịpị nile, ma-ọbụ na enwere ike inwe ọkụ afụnwuru jiri e zigbo nkụ kpọrọ-akpọ karịa, nke ga-eme na enweghị ike inwe ihe ọbụla ma ọlị;

22 Ma enweghị ìhè ọbụla a hụrụ, ma-ọbụ ọkụ, ma-ọbụ ihe ọkụ, ma-ọbụ anyanwụ, ma-ọbụ ọnwa, ma-ọbụ kpakpando nile, n’ihi na oke nnukwu ka igirigi ọchịchịrị ahụ nke dị n’elu iru nke ala ahụ dị.

23 Ma o wee ruo na ọ dịgidere n’ohere nke mkpụrụ ^aụbọchị atọ na e nweghị ìhè a hụrụ; ma e nwere nnukwu iru-uju na iti mkpu na ịkwa-akwa n’etiti ndị ahụ nile esepụghị-aka; e, nnukwu ka isu-ude nile nke ndị ahụ dịịrị, n’ihi ọchịchịrị na nnukwu mbibi ahụ nke bịakwasịworo ha.

24 Ma n’otu ebe, a nụrụ ka ha na-eti na-asị: O na anyị chegharịworọrịị tutu nnukwu ụbọchị nke a dị egwu, ma mgbe ahụ ka a gaararịị edebe ụmụnne anyị nwoke, ma agaraghị akpọ ha ọkụ na nnukwu obodo-ukwu ^aZarahemla ahụ.

25 Ma n’ebe ọzọ a nụrụ ka ha na-eti na-eru uju, na-asị: O na anyị chegharịworọrịị tutu nnukwu ụbọchị nke a dị egwu, ma ghara igbu ma tụọ ndị-amụma ahụ nile okwute, ma chụpụ ha; mgbe ahụ ka ndị nne anyị na ụmụada anyị nile mara mma, na ụmụ anyị a gaara edebe ha, ma agaraghị eliwo ha n’ime nnukwu obodo-ukwu Moronaịha ahụ. Ma otu a ka iti ogologo mkpu nile nke ndị ahụ siri dị ukwuu na egwu.